Dagblaðið Vísir - DV - 19.08.2014, Blaðsíða 13

Fréttir 13Vikublað 19.–21. ágúst 2014
Starfslaun
listamanna 2015
Auglýst eru til umsóknar starfslaun listamanna sem
úthlutað verður árið 2015 í samræmi við ákvæði laga
nr. 57/2009.
Umsóknarfrestur rennur út 30. september 2014, kl. 17:00.
Sækja skal um listamannalaun á vefslóðinni
www.listamannalaun.is sem leiðir umsækjanda beint inn
á umsóknarsíðu listamannalauna hjá Rannís.
Starfslaun eru veitt úr sex sjóðum, þeir eru:
- launasjóður hönnuða
- launasjóður myndlistarmanna
- launasjóður rithöfunda
- launasjóður sviðslistafólks
- launasjóður tónlistarflytjenda
- launasjóður tónskálda
Auk starfslauna er sjóðunum heimilt að veita ferðastyrki.
Umsóknir skiptast í fjóra flokka:
a. Starfslaun fyrir einn listamann í einn launasjóð – eða
fleiri, falli vinnan undir fleiri en einn sjóð
b. Starfslaun fyrir skilgreint samstarf listamanna í einn
launasjóð – eða fleiri, falli vinnan undir fleiri en einn sjóð
c. Starfslaun sviðslistafólks – hópar
d. Ferðastyrkur
Hafi umsækjandi hlotið starfslaun áður, verður umsókn því
aðeins tekin til umfjöllunar að framvinduskýrslu vegna fyrri
starfslauna hafi verið skilað til stjórnar listamannalauna, sbr.
ákvæði 4. gr. laga um listamannalaun nr. 57/2009.
Samkvæmt 3. gr. laga nr. 57/2009 er stjórn listamannalauna
heimilt að færa umsókn á milli sjóða. Slíkt verður einungis
gert í samráði við umsækjanda. Sé um að ræða umsókn í
fleiri sjóði en einn fara úthlutunarnefndir viðkomandi sjóða
sameiginlega yfir umsókn.
Lög um listamannalaun og reglugerð er að finna
á heimasíðu Rannís.
Nánari upplýsingar veitir Ragnhildur Zoëga,
sími: 515 5800, ragnhildur.zoega@rannis.is
Stjórn listamannalauna
ágúst 2014
H
anna Birna Kristjánsdótt-
ir innanríkisráðherra verð-
ur leidd fram sem vitni við
aðalmeðferð dómsmáls-
ins gegn Gísla Frey Val-
dórssyni, aðstoðarmanni henn-
ar. Gísli Freyr hefur verið leystur
tímabundið frá störfum eftir að rík-
issaksóknari gaf út ákæru á hend-
ur honum. Er Gísla gefið að sök að
hafa brotið gegn þagnarskyldu með
því að afhenda fjölmiðlum trúnað-
argagn um nígeríska hælisleitendur.
Saksóknari lögreglu telur að skjal-
inu hafi verið lekið í þeim tilgangi
að sverta mannorð hælisleitandans
sem hafði mál sitt til meðferðar í
ráðuneytinu.
Trúir Gísla
Gísli hefur lýst sig saklausan af
verknaðinum og segist Hanna Birna
trúa honum. „Það liggja engar sann-
anir fyrir um að hann hafi gert þetta,“
sagði ráðherra í viðtali við Vísi.is um
helgina. Þetta felur í sér að ráðherra
telur að einhver annar starfsmað-
ur í ráðuneytinu hafi framið brot-
ið, enda höfðu engar undirstofnanir
aðgang að skjalinu þegar því var lek-
ið. Þá telur lögreglan aðeins örfáa
aðila hafa haft vitneskju um skjalið
daginn sem fjölmiðlar fengu það í
hendur. Ráðuneytisstjóra, ráðherra
og aðstoðarmönnum hennar barst
það í tölvupósti frá skrifstofustjóra í
ráðuneytinu eftir að hefðbundnum
vinnutíma lauk hinn 19. nóvember.
Daginn eftir birtu Fréttablaðið og
Mbl.is fréttir upp úr skjalinu.
Fram kemur í gögnum lögreglu
að Gísli Freyr átti símtöl við starfs-
menn 365 miðla og Morgunblaðsins
dagana 19. og 20. nóvember. Í yfir-
lýsingu segist Gísli Freyr eiga „vini
og kunningja á flestum fjölmiðl-
um landsins“ og eiga í reglulegum
samskiptum við þá „eins og á við í
þessum tilvikum“. Ekkert hafi komið
fram sem felli á hann sök.
Ráðuneytisstarfsmenn
bera vitni
Við aðalmeðferð málsins verða
helstu ráðuneytisstarfsmenn og
lögreglumenn látnir bera vitni. Auk
Hönnu Birnu sjálfrar verða Þórey
Vilhjálmsdóttir, aðstoðarkona
hennar, og Ragnhildur Hjaltadótt-
ir ráðuneytisstjóri leiddar fram. Það
sama gildir um lögfræðingana sem
ýmist útbjuggu eða lásu yfir skjal-
ið, þau Guðmund Örvar Bergþórs-
son, Sigríði Kristínu Axelsdóttur,
Hindriku Söndru Ingimundardóttur
og Bryndísi Helgadóttur skrifstofu-
stjóra.
Þá þurfa Mörður Árnason vara-
þingmaður, Jón Bjarki Magnússon
blaðamaður og Einar Steingríms-
son pistlahöfundur að mæta fyrir
dóm, enda hefur áður komið fram
að fyrrnefndir aðilar fengu afrit af
skjalinu.
Starfsmenn Fréttablaðsins og
Morgunblaðsins eru ekki látnir
bera vitni, enda hafa Héraðsdómur
Reykjavíkur og Hæstiréttur Íslands
hafnað kröfu lögreglu um að láta
blaðamennina aflétta trúnaðinum
við heimildamann í lekamálinu.
Vissi af skjalinu
Löngu er orðið ljóst að trúnaðar-
gögn bárust úr innanríkisráðu-
neytinu til fjölmiðla með einum eða
öðrum hætti. Hanna Birna hafnaði
þessu vikum og mánuðum saman
og fullyrti að um ósambærileg gögn
væri að ræða þótt hún hefði sjálf
fengið skjalið í tölvupósti frá skrif-
stofustjóra daginn sem því var lekið.
Með því að segjast trúa Gísla Frey
beinir hún nú, með óbeinum hætti,
spjótum sínum að faglega skipuð-
um undirmönnum sínum í ráðu-
neytinu, fólki sem verður leitt fram
sem vitni í dómsmálinu.
Líkt og DV hefur áður greint frá
kröfðust óbreyttir ráðuneytisstarfs-
menn þess fljótlega eftir að málið
kom upp að fram færi óháð og trú-
verðug rannsókn utanaðkomandi
aðila á trúnaðarbrestinum. Hanna
Birna hafnaði þeirri beiðni og nú,
mörgum mánuðum síðar, hefur
pólitískt skipaður aðstoðarmaður
hennar verið ákærður fyrir hegn-
ingarlagabrot. Ráðherra ætlar ekki
að segja af sér og Bjarni Benedikts-
son, formaður Sjálfstæðisflokks-
ins, treystir henni til að gegna áfram
embætti ráðherra. Hins vegar kem-
ur til greina að fjölga ráðuneytum og
leysa hana undan skyldum er varða
dómsmál og ákæruvald.n
Ráðherra ber
vitni í dómsmáli
Hanna Birna trúir Gísla Frey og telur brotið framið af einhverjum öðrum
Bera vitni Hanna Birna og Þórey Vilhjálmsdóttir
bera vitni í dómsmálinu. Þórey var lengi vel með
réttarstöðu grunaðs manns en virðist nú vera laus
allra mála. Mynd SiGTRyGGuR ARi
Jóhann Páll Jóhannsson
johannp@dv.is
Ákærður Gefið að
sök að hafa lekið
trúnaðargögnum
um nígeríska
hælisleitendur.
„Það liggja engar
sannanir fyrir um
að hann hafi gert þetta
Bjarni taki af skarið
Prófsteinn á trúverðugleika flokksins
Í
þróuðu lýðræðissamfélagi væri
innanríkisráðherra, sem sýnt
hefði slíkt dómgreindarleysi að
ráða þann aðstoðarmann sem
nú sætir ákæru, búinn að segja
af sér og það fyrir löngu,“ skrif-
ar Ólafur Arnarson, rithöfundur
og fyrrverandi framkvæmdastjóri
þingflokks Sjálfstæðisflokksins, á
vef sinn Tímarím.is. „Ráðherra,
sem bersýnilega hefur haft af-
skipti af lögreglurannsókninni,
sem nú hefur leitt til ákæru á að-
stoðarmanninn, væri líka búinn
að segja af sér. En Hanna Birna
segir ekki af sér heldur hangir á
ráðherrastólnum eins og hundur
á roði.“
Ólafur er á meðal þeirra sjálf-
stæðismanna sem óttast að
áframhaldandi seta Hönnu Birnu
skaði flokkinn. „Þingflokkur sjálf-
stæðismanna stendur frammi
fyrir manndómsvígslu í Hönnu
Birnu málinu. Snýst málið um
persónulega velferð Hönnu Birnu
eða snýst málið um góða stjórn-
sýslu, pólitíska ábyrgð og boð-
leg vinnubrögð?“ spyr hann. Líkt
og DV greindi frá um helgina
eru skiptar skoðanir um áfram-
haldandi setu Hönnu Birnu inn-
an flokksins, en æ meiri óánægju
gætir í hennar garð innan þing-
flokksins. Viðmælendur DV inn-
an Sjálfstæðisflokksins segja for-
manninn vera á milli steins og
sleggju. Íhaldssöm öfl í flokkn-
um vilji að Hanna Birna sitji sem
fastast en æ fleiri flokksmenn hafi
áhyggjur af því að áframhaldandi
seta hennar skaði ekki aðeins
flokkinn heldur einnig traust til
stjórnsýslunnar og stofnana sam-
félagsins.
„Málið snýst ekki lengur um
trúverðugleika Hönnu Birnu því
hann er enginn. Nú snýst mál-
ið um trúverðugleika Sjálfstæð-
isflokksins og ríkisstjórnarinn-
ar,“ skrifar Ólafur. „Það er Bjarni
Benediktsson, formaður flokks-
ins, sem verður að taka af skarið í
þessu máli.“ n
Prófsteinn Fyrrverandi fram-
kvæmdastjóri þingflokks Sjálfstæð-
isflokksins telur lekamálið eins konar
manndómsvígslu fyrir þingflokkinn.