Dagblaðið Vísir - DV - 19.08.2014, Blaðsíða 23

Fréttir Stjórnmál 23Vikublað 19.–21. ágúst 2014
Ríkið borgaði
28 milljónir
fyrir smurolíu
n Rýnt í ríkisreikninginn n Tæpar 50 milljónir fyrir gjafir
Íslenska ríkið er gríðarstórt og stendur undir ýmsum kostnaði. Á nýrri vefsíðu fjársýslu rík-
isins, rikisreikningur.is, er veittur aðgangur að ansi ítarlegum gögnum um gjöld og tekjur
ríkissjóðs. Hér má sjá kostnað ríkisins vegna nokkurra liða sem vöktu athygli blaðamanns.
adalsteinn@dv.is
Garðyrkjuvörur
– 13.354.757
Landbúnaðarháskóli Íslands, Landgræðsla ríkisins
og Landspítalinn eiga mest allra ríkisstofnana og
ráðuneyta af garðyrkjuvörur. Hinar ýmsu stofnanir eiga
þó talsvert af slíkum búnaði. Til að mynda forsetaemb-
ættið sem á vörur fyrir 833 þúsund, sýslumaðurinn á
Siglufirði sem á vörur fyrir 267 þúsund og ríkisskattstjóri
sem á fyrir 41 þúsund.
Gjafir
– 47.708.571
Íslenska ríkið eyddi tæpum
48 milljónum í gjafir en
stofnanir þess og embætti
fengu hins vegar líka
talsvert gefins. Þegar allt er
reiknað saman fékk ríkið
gjafir að verðmæti rúmlega
130 milljónum umfram það
sem ríkið gaf. Landspítalinn
gaf fyrir 11 milljónir,
forsetaembættið 2,7
milljónir, Háskólinn tæpar
fimm og Geislavarnir ríkisins
fyrir 600 þúsund.
Hýsing
– 148.300.350
Stofnanir ríkisins halda margar hverjar utan um um-
fangsmikil stafræn gögn sem einhvers staðar þarf að
hýsa. Langstærsti hýsingarkostnaður ríkisins fellur til í
stofnunum sem tilheyra mennta- og menningarmála-
ráðuneytinu og velferðarráðuneytinu. Þar undir eru há-
skólar og menntaskólar og sjúkrastofnanir. Landlæknir
greiðir mest allra, eða 33,3 milljónir króna.
Smurolía
– 27.885.339
Nauðsynlegt er að halda
tækjum og búnaði ríkisins
við. Liður í því er að passa að
allt sé vel smurt. Tíu milljóna
króna kostnaður vegna
smurolíu féll til í Vega-
gerðinni og rúmlega átta
hjá Landhelgisgæslunni. Þá
þurfti Hafrannsóknastofnun
að punga út 5,7 milljónum
í sama tilgangi. Listasafn
Íslands borgaði minnst af
þeim sem keyptu smurolíu,
eða 995 krónur.
Vatn
– 30.807.186
Þó að flestir Íslendingar drekki vatn beint úr krananum
eyddi ríkið tæpri 31 milljón króna í vatn árið 2013. Stærstu
vatnskaupendur voru Háskóli Íslands, sem greiddi 4,1
milljón fyrir vatn, Háskólinn á Hólum, sem reiddi fram
2,3 milljónir fyrir vatn, Sendiráð Íslands, sem borgaði 2,8
milljónir, og svo Landspítalinn sem borgaði mest allra,
7,9 milljónir. Alþingi eyddi líka 1,1 milljón í vatn.
Svimandi kostnaður Ráðuneytin
og stofnanir þeirra greiða svimandi
upphæðir fyrir ýmislegt sem margir gera
sér ekki grein fyrir. Til að mynda á ríkið
garðyrkjuvörur fyrir 13,4 milljónir króna.
Báðir á
Pæjumótinu
Ráðherrar í ríkisstjórninni hafa
notað síðustu vikur til að ferð-
ast um landið og hitta kjósend-
ur sína, auk þess að verja tíma
með fjölskyldum sínum. Þar eru
forsætisráðherra og fjármála- og
efnahagsráðherra engin undan-
tekning en þeir voru báðir með-
al gesta á Pæjumótinu sem fram
fór á Siglufirði í síðustu viku.
Sigmundur Davíð Gunnlaugs-
son forsætisráðherra kom við í
bænum þar sem hann hitti unga
frænku sem var að keppa. Bjarni
Benediktsson fjármálaráðherra
mætti með dóttur sinni sem lék
með Stjörnunni á mótinu. Báð-
ir sögðu frá ferðalögum sínum á
Facebook.
Vantraust á
Hönnu Birnu
Píratar hafa boðað vantrausts-
tillögu á Hönnu Birnu Kristjáns-
dóttur innanríkisráðherra vegna
lekamálsins. Ekki er víst hvort
aðrir stjórnarandstöðuflokk-
ar, Samfylking, Björt framtíð og
Vinstri grænir, styðji tillöguna.
Formaður Samfylkingarinn-
ar, Árni Páll Árnason, hefur hins
vegar verið ansi skýr í afstöðu
sinni til þess að Hanna Birna eigi
að víkja úr ráðherrastóli. Fari
svo að stjórnarandstaðan styðji
öll tillöguna þurfa hins vegar sjö
stjórnarliðar að greiða atkvæði
með tillögunni eða sitja hjá. Það
verður að teljast ólíklegt.
Árni Þór sendi flokksfélögunum bréf
Reynir að útskýra aðdraganda skipunarinnar í bréfi til félaga í VG
Á
rni Þór Sigurðsson, þing-
maður Vinstri grænna,
sendi flokkssystkinum sín-
um bréf á mánudag þar sem
hann reyndi að útskýra fyr-
ir þeim aðdraganda þess að hann
var skipaður sendiherra. Við sama
tilefni tilkynnti hann að hann hefði
sagt af sér þingmennsku.
Ákvörðun Árna um að þiggja
starf sem sendiherra hefur verið
gagnrýnd og fjallaði DV um titring
innan raða Vinstri grænna í kjölfar-
ið. Hann var skipaður af Gunnari
Braga Sveinssyni utanríkisráðherra
á sama tíma og Geir Hilmar Haar-
de, fyrrverandi forsætisráðherra,
var skipaður í embætti sendiherra.
„Snemma á þessu ári kom til
álita að ég færi til starfa hjá Örygg-
is- og samvinnustofnun Evrópu,
ÖSE. Í hæfnisferli, sem slíkar al-
þjóðastofnanir gera, var ég met-
inn mjög vel hæfur til að gegna
ábyrgðarstarfi og það hvatti mig
áfram og færði mér einnig heim
sanninn um að ég gæti gert gagn
á sviði utanríkis- og alþjóðamála,“
segir hann í bréfinu og bætir við
að það sé aðdragandi þess að hann
fari nú til starfa í utanríkisráðu-
neytinu.
Í bréfinu segir Árni að boð-
ið um starf í utanríkisþjónustunni
hafi ekki legið fyrir þegar hann tók
þátt í flokksvali VG fyrir síðustu al-
þingiskosningar. „Þessi staða var
ekki fyrir hendi þegar ég gaf kost á
mér í forvali flokksins fyrir síðustu
alþingiskosningar og fékk góðan
stuðning félaganna,“ segir hann. n
adalsteinn@dv.is
Fylgist með
hegðun
mannsins
Ummæli forsætisráðherra um að
neysla á erlendu kjöti geti breytt
hegðun fólks fóru varla fram
hjá neinum. Katrín Júlíusdótt-
ir, þingmaður og varaformað-
ur Samfylkingarinnar, tók eftir
þeim og fylgist nú með hegðun
eiginmanns síns á ferð þeirra í
útlöndum. „Er erlendis og fylgist
af áhuga með hegðan mannsins
míns, kjötætunni ... stay tuned!“
skrifaði hún á Facebook-síðuna
sína um helgina. Engar frekari
fréttir af hegðun hans hafa birst á
síðu þingkonunnar.