Dagblaðið Vísir - DV - 19.08.2014, Blaðsíða 32

32 Menning Vikublað 19.–21. ágúst 2014
Valur Gunnarsson
valurgunnars@gmail.com
Dómur
Klip
Handrit og leikstjórn: Maja Milos.
Aðalhlutverk: Isidora Simijonovic
og Vukasin Jasnic.
„Fjölskylduleyndarmál
sem bankar upp á“
n Kvikmyndin Blóðberg tekin upp í Reykjavík n Björn Hlynur leikstýrir myndinni
Þ
etta gengur glimrandi vel,“
segir Rakel Garðarsdóttir,
annar framleiðenda
myndarinnar Blóðberg,
en tökur standa nú yfir á
myndinni. Tökur fara að mestu fram
í Reykjavík og nágrenni en kvik-
myndin er fyrsta kvikmyndin sem
Björn Hlynur Haraldsson leikstýrir.
Þær Rakel og Ágústa Ólafsdóttir hjá
Vesturporti framleiða myndina í
samvinnu við 365 miðla og Pegasus.
„Það gengur mjög vel, allir léttir og
ótrúlega gaman,“ segir Rakel að-
spurð um stemminguna á setti.
Dramatísk mynd með
gamansömu ívafi
Handritið byggist á fyrsta leikriti
Björns Hlyns, Dubbeldusch, sem
Vesturport sýndi við miklar vinsæld-
ir fyrir nokkrum árum. Myndin er
gamansöm með alvarlegum undir-
tón um venjulegt fólk í mjög óvenju-
legum aðstæðum. Myndin fjallar
um hefðbundna íslenska fjölskyldu
sem býr í úthverfi Reykjavíkur. Fjöl-
skyldufaðirinn skrifar sjálfshjálpar-
bækur til hjálpar samlöndum sínum
á meðan móðirin vinnur sem hjúkr-
unarfræðingur á spítala og bjargar
mannslífum. „Þetta er dramatísk
mynd með gamansömu ívafi. Þetta
er um fjölskylduleyndarmál sem
bankar upp á. Eftir að við settum upp
leikritið þá urðum við einmitt vör við
það að í flestum fjölskyldum er ein-
hvers konar fjölskylduleyndarmál.
Myndin er um venjulegt fólk í Reykja-
vík sem lendir í mjög óvenjulegum
aðstæðum,“ segir hún.
Miklir fagmenn
Rakel segir hópinn sem stendur að
baki myndinni vera góðan og þétt-
an. „Þetta er svakalega gott og traust
„crew“ – toppmannað í allar stöður
og því gengur vélin eins smurð og
hægt er,“ segir Rakel sem stödd var
í tökum þegar DV náði tali af henni.
„Það eru svo miklir fagmenn í öllum
stöðum og það skiptir ótrúlega miklu
máli. Það sér bara hver um sitt og
þetta gæti held ég bara varla gengið
betur,“ segir hún.
Leyfa fólki að fylgjast með
Hópurinn sem stendur að baki
myndinni er duglegur að leyfa fólki
að fylgjast með tökunum og setur
reglulega inn myndir á Facebook- og
Instagram-síðu myndarinnar. Nokk-
uð sem telst líklega frekar óvenjulegt
þar sem yfirleitt er reynt að halda
myndum frá setti leynilegum með-
an á tökum stendur. „Við viljum bara
leyfa þeim sem vilja fylgjast með
að gera það. Við erum samt ekki að
þröngva þessu upp á neinn og þess
vegna er þetta bara í sér grúppu á
Facebook en hún er opin og hver
sem er getur gengið í grúppuna.“
Miklir fagmenn
Hópurinn fór líka kannski heldur
óvenjulega leið til þess að fá
aukaleikara í myndina. Auglýst var
eftir fólki sem vildi taka þátt og við-
tökurnar létu ekki á sér standa. „Við
vildum leyfa almenningi að taka þátt
ef það vildi einhver prufa og spreyta
sig í að vera aukaleikari. Við fengum
alveg rosalega mikið af pósti frá fólki
sem vildi vera með, við erum búin
að vera nýta það og það hefur bara
gengið vonum framar. Þetta eru bara
allt alveg ótrúlega miklir fagmenn og
hafa staðið sig vel.“ n
Viktoría Hermannsdóttir
viktoria@dv.is
„Myndin er
um venju-
legt fólk í Reykjavík
sem lendir í mjög
óvenjulegum
aðstæðum
Á setti
Rakel er hér
fyrir miðju.
Nóg um að vera Hér eru tökur á garð-
veislu í gangi. Fjölmargir aukaleikarar tóku
þátt í þeirri senu.
Tökur Hér eru tökur í fullum gangi.
45 þúsund séð
Vonarstræti
Kvikmyndin Vonarstræti held-
ur sigurgöngu sinni áfram en
myndin er aðsóknarmesta mynd
ársins hér á landi. Myndin hefur
nú verið þrettán vikur í sýningu og
hafa rúmlega 45 þúsund manns
séð myndina. Samkvæmt að-
sóknarlista SMÁÍS sáu 616 manns
myndina í síðustu viku, sem er
nokkuð meira en í vikunni þar á
undan. Aðsóknarmesta íslenska
kvikmyndin frá upphafi er Mýr-
in með 84 þúsund áhorfendur. Í
öðru sæti eru Englar alheimsins
með 82 þúsund áhorfendur og í
því þriðja Bjarnfreðarson með 67
þúsund áhorfendur.
Barnaópera
í Hörpu
Ein frægasta ópera Mozarts,
Töfraflautan, verður sett upp í
nýrri útgáfu fyrir börn hinn 16.
nóvember næstkomandi í Norð-
urljósasal Hörpu. Verður þetta
jafnframt fyrsta barnaóperan
sem sýnd verður í Hörpu. Óper-
an fjallar um ránið á hinni fallegu
Paminu, dóttur Næturdrottn-
ingarinnar, og raunum prinsins
Tamino, er hann yfirstígur mikla
erfiðleika til að frelsa Paminu frá
Sarastro konungi. Edda Austmann
mun fara með hlutverk Paminu og
þá verður Gissur Páll Gissurarson
í hlutverki Tamino. Stjórnandi er
Magnús Ragnarsson og með leik-
stjórn fer Ágústa Skúladóttir.
Undarlegt ástarlíf Serba
Dómur um kvikmyndina Klip
V
ið fyrstu sýn mætti halda að
myndin Klip væri nokkurs
konar fantasía miðaldra
karla um líf unglingsstúlkna.
Þær gera ekki annað en að raka á sér
skapahárin, pósta nektarmyndum
af sér á Facebook og eru aldrei einar
inni í herbergi án þess að dansa um
á nærfötunum. Því kemur á óvart
að leikstjóri Klip er ekki loðinn og
sveittur Serbi, heldur þvert á móti
hin rétt þrítuga leikkona, Maja
Milos, sem er hér með sína fyrstu
mynd. Söguhetja myndarinnar ger-
ir fátt annað en að hella sig fulla
og sofa hjá skólatöffaranum sem
niðurlægir hana æ meira eftir því
sem á líður. Hvort þetta er raun-
sönn lýsing á lífi serbneskra ung-
lingsstúlkna veit ég ekki, en sér-
staklega góð bíómynd er það ekki.
Persónurnar eru lítið aðlaðandi en
svo sem trúverðugar. Skólatöffar-
inn lemur minni máttar til að ganga
í augun á stelpunum með góð-
um árangri. Stúlkan sjálf er heldur
ekki spennandi karakter, er sama
þótt faðir hennar liggi fyrir dauðan-
um og krefur mömmuna um pen-
ing án þess að sýna fjölskyldu sinni
nokkurn áhuga. Mikið er síðan sof-
ið hjá og allt að sjálfsögðu tekið upp
á síma eins og nafnið bendir til. Þó
leka þessi myndbönd aldrei á netið,
sem hefði gert meiri drama og gef-
ið öllum þessum ríðingum ein-
hvern tilgang. Allar þessar klám-
senur verða brátt álíka þreytandi og
... tja, klám. Nokkrar myndir hafa
verið gerðar undanfarið um öm-
urlegt líf unglingsstúlkna af fátæku
foreldri, svo sem Fish Tank sem
sýnd var á RIFF um árið. Flestum
tekst að koma sínu til skila án þess
að notast jafn mikið við samfarir, en
tekið er fram undir lokin að engin
ungmenni hafi raunverulega ver-
ið notuð í senum þessum. Vissu-
lega er hér engin glansmynd dregin
upp, en ekki er ljóst hvað er verið að
gagnrýna annað en að sjálfsagt þyk-
ir að hafa mök fyrir framan mynda-
vélar. Vissulega segir strákurinn á
einum stað að Kosovo tilheyri Serb-
Þátttöku-
gjörningur á
Menningarnótt
Meðal viðburða á Menningarnótt,
sem haldin verður á laugardag,
er þátttökugjörningur Snorra Ás-
mundssonar þar sem gestum og
gangandi býðst meðal annars að
sitja fyrir. Um árabil hefur Snorri
tekið tveggja mínútna löng víd-
eó-portrett af fólki í sínu nánasta
umhverfi. Meðal þeirra sem hafa
tekið þátt í því eru þjóðþekktir
einstaklingar á borð við Gunnar
Nelson, Einar Örn Benediktsson,
Guðrúnu Evu Mínervudóttur,
Ragnar Kjartansson, Steingrím
Eyfjörð og Krumma Björgvins-
son. Gjörningurinn fer fram í
Listasafni Íslands milli kl. 17 og 19
á laugardag og er öllum velkomið
að taka þátt í honum.