Dagblaðið Vísir - DV - 08.07.2014, Blaðsíða 28

28 Lífsstíll Vikublað 8.–10. júlí 2014
Líður illa
með hugsun-
um sínum
Samkvæmt nýrri rannsókn, sem
framkvæmd var við háskólann í
Virginíu og Harvard, vilja flest-
ir hafa eitthvað að gera, jafnvel
skaða sig, en að sitja einir með
hugsunum sínum.
Sálfræðingurinn Timothy Wil-
son og félagar komust að því að
þátttakendum leið ekki vel ein-
um með ekkert að gera nema
íhuga, hugsa og láta sig dreyma.
Þegar þeir gátu hlustað á tónlist
eða fiktað í síma leið þeim mun
betur. Sumir völdu frekar að fá
vægan rafmagnsstraum í sig en
að hugsa.
„Mörgum okkar þykir þessi
niðurstaða eflaust furðuleg –
þar á meðal mér. En niðurstöð-
urnar eru skýrar. Fæstum líður
vel þegar þeir hafa ekkert nema
hugsanir sínar. Þótt ekki sé nema
í skamma stund,“ sagði Wilson.
Streita í æsku
breytir heilanum
Hópur vísindamanna við
Wisconsin-Madison-háskólann
hefur sýnt fram á að streita í æsku
getur haft neikvæð áhrif á þroska
þess hluta heilans sem snýr að
námi, minni og úrvinnslu stress
og tilfinninga.
Rannsóknin birtist í Biological
Psychiatry. Rannsakandinn Seth
Pollak segist ekki geta útskýrt af
hverju það sem gerist á fyrstu
fimm árum lífs okkar hafi áhrif
út lífið.
Lítil streita í litlum skömmtum
hjálpi einstaklingum að undirbúa
sig fyrir lífið en mikið af streitu,
eins og börn sem hafa lifað í fá-
tækt, vanrækslu eða ofbeldi upp-
lifa, geti haft varandi neikvæð
áhrif á hegðun, heilsu, félagslega
stöðu og jafnvel val á maka síðar
á lífsleiðinni.
Fæðubótarefni úr macarót � 100% náttúruleg vara með lífræna vottun
Inniheldur hvorki soja (ísó�avóna), mulin hörfræ né hormóna
U
m
boðsaðili: Vistor hf.
Hefur góð áhrif á:
- Orku og úthald
- Beinþéttni
- Kynferðislega virkni
- Frjósemi og grundvallar-
heilbrigði
Revolution Macalibrium
Macarót fyrir karlmenn
www.facebook.Revolution-Macalibrium
www.vistor.is
®Revolution Macalibrium
Fæst í apótekum og Heilsuhúsinu
„Veitir manni
algjört frelsi“
n Sjósund nýtur síaukinna vinsælda n Hollt og gott fyrir líkama og sál
S
jósund er svolítið eins og að
hlaupa úti í náttúrunni í stað
þess að hlaupa á hlaupa-
bretti inni í líkamsræktar-
stöð,“ segir Ragnheiður Val-
garðsdóttir, formaður Sjósunds- og
sjóbaðsfélags Reykjavíkur, í samtali
við DV. Ragnheiður hefur stundað
sjósund um fimm ára skeið og segir
þetta frábæra leið til að ná tengingu
við náttúruna og kynnast náttúrufeg-
urð landsins á öðruvísi hátt auk þess
að vera gott fyrir bæði líkama og sál.
Sterk tengsl við náttúruna
„Það er svo margt sem er gott og
skemmtilegt við sjósund. Það eru
þessi tengsl við náttúruna, en eitt
það fyrsta sem fólk upplifir er að
það sameinast náttúrunni. Að synda
fram og til baka í einhverjum steypt-
um ramma í sundlaug og fara svo út
í sjóinn og synda þar er æðisleg upp-
lifun og þetta veitir manni algjört
frelsi til að synda,“ segir Ragnheiður
og bætir við að sjósund og -böð hafi
ýmis heilsubætandi áhrif.
„Fólk finnur fyrir bæði líkam-
legri og andlegri vellíðan eftir sjó-
sund. Endorfínið fer af stað og svo
hefur þetta góð áhrif á blóðrásina
og kroppinn og fólki finnst það vera
hraustara.“
En er þetta ekki erfitt?
„Þetta tekur á. Fólk er svolítið
hrætt við að fara út í sjóinn og byrja
að synda. Það er hrætt við kuldann
og fyrstu sundtökin geta alveg verið
svolítið erfið. Það að fara frá því að
hafa sjóinn upp að nafla og koma sér
í það að synda veldur því að fólk ann-
aðhvort hættir að anda eða fer að of-
anda. En þegar fólk er komið yfir það
og er byrjað að synda, þegar það er
búið að róa sig niður og líkaminn er
búinn að jafna sig, þá er þetta yndis-
legt.“
Nauðsynlegt að þekkja
aðstæður
Ragnheiður segir fólk stunda sjó-
sund allan ársins hring, ekki síður á
veturna en sumrin.
„Á veturna er „kickið“ meira. En
hins vegar getur maður notið sum-
arsins miklu meira. Þá syndir maður
alveg upp í klukkutíma og er að njóta
þess að kafa og fara í einhverjar öld-
ur og svona; maður getur virkilega
notið þess að synda í náttúrunni. Á
veturna er maður náttúrlega styttra
ofan í.“
Ragnheiður segir ekki hægt að
stunda sjósund hvar sem er. Velja
þurfi fjöru eftir aðstæðum, enda sé
ýmislegt sem þurfi að hafa í huga.
„Maður þarf að passa að vera ekki
þar sem straumar eru miklir og þar
sem eru klettar niðri við strendurn-
ar. Eins þarf að passa sig á flóði og
fjöru og þekkja hvernig hafið hegðar
sér. En það eru til margir skemmti-
legir staðir á landinu sem er virkilega
gaman að synda á.“
Fólk kemst yfir hræðsluna
„Ég hef alltaf verið heilluð af fjör-
unni og hafinu og í æsku var ég oft að
leika mér í fjörunni og busla í sjón-
um,“ segir Ragnheiður, spurð hvern-
ig það kom til að hún hóf að stunda
sjósund.
„Svo þegar ég frétti að hópur
fólks væri farinn að synda í sjónum
var eins og það kviknaði ljós hjá mér
um að þetta væri vel hægt. Því yfir-
leitt hefur manni verið sagt að þetta
sé ómögulegt, að það sé stórhættu-
legt að detta í sjóinn og að kuldinn sé
óyfirstíganlegur, en það er ekki rétt.
Fólk er hrætt við hafið og margir eru
hræddir við það sem er í hafinu. En
fólk kemst yfir það.“
Ragnheiður segir sundið þó alltaf
jafn skemmtilegt og krefjandi.
„Þetta er alltaf mikið „kick“ og
maður hugsar oft þegar maður er að
labba út í sjóinn; „Hvað í andskotan-
um er ég að fara að gera?“ Svo ætl-
ar maður alltaf að vera bara stutt en
endar einhvern veginn alltaf á því að
vera lengi. Og það er stundum erfitt
að fara upp úr því það er svo æðislegt
að vera í sjónum.“
Fjölbreyttur hópur
„Það er frábært að koma og hitta
okkur niðri í Nauthólsvík. Við tök-
um alltaf á móti nýliðum á miðviku-
dögum og förum með þá í sjóinn og
fræðum þá. Annars þarf fólk að hafa í
huga að vera ekki að synda eitt, held-
ur alltaf með fleirum, og eins að velja
sér góða fjöru til þess að byrja með.
Sjóböð eru líka góð byrjun. Maður
þarf ekkert að synda neitt langt held-
ur bara svamla meðfram ströndinni
og finna hvernig áhrifin eru til að
byrja með,“ segir Ragnheiður, spurð
hvað sé nauðsynlegt að hafa í huga er
hefja á sjósund.
„Þetta er fjölbreyttur hópur, alveg
frá fólki sem stundar bara sjóböð, en
það er fólk sem heldur sig upp við
ströndina og nýtur þess að synda
50 metra út og til baka, og svo alveg
upp í fólk sem syndir í einn og hálf-
an tíma og tekur þriggja kílómetra
æfingu. Svo það er pláss fyrir alla og
það er fólk á öllum aldri að stunda
þetta; frá unglingum og alveg upp í
áttrætt. Allir finna sinn takt.“ n
Hörn Heiðarsdóttir
horn@dv.is
„ Fólk er svo-
lítið hrætt við
að fara út í sjóinn og
byrja að synda
Við Gróttu „Fólk finnur fyrir
bæði líkamlegri og andlegri vellíð-
an eftir sjósund,“ segir Ragnheiður.
MyNd RaGNHeiðuR ValGaRðSdóttiR
Sjósundið vinsælt Kristbjörg Rán Valgarðsdóttir, Kristín Helgadóttir og Ragnheiður
Valgarðsdóttir skelltu sér til sunds við Hjassabjörg á Kjalarnesi.