Dagblaðið Vísir - DV - 08.07.2014, Blaðsíða 38

Vikublað 8.–10. júlí 201438 Fólk
Hús fræga fólksins hverfa af Google
Allt í móðu hjá Tony Blair og Lily Allen
H
ægt er að finna næstum
öll heimili og kennileiti á
vefkortum líkt og Google
maps. Eru slík forrit vel
nýtt bæði sem leiðarvísir
til að rata og einnig til að skyggnast
inn á staði og umhverfi fólks víðs
vegar um heiminn. Tækni þessara
korta er orðin það háþróuð að hægt
er að skipta yfir í svokallað „street
view“ og fá þá að sjá húsið líkt og þú
stæðir fyrir framan það.
Nú hafa heimili ýmiss frægs fólks
hins vegar tekið að hverfa af þess-
um kortum. Þannig hafa glæsi-
hallir fólks líkt og Paul McCartn-
ey, Katherine Jenkins og Lily Allen
verið tekin út af kortunum. Einnig
hefur fyrrverandi forsætisráðherra
Bretlands, Tony Blair, látið fjarlægja
glæsihöll sína í miðborg London. Ef
leitað er að heimili hans er einungis
að sjá móðu á skjánum.
Þetta er til komið vegna þess að
nýlega féll dómsúrskurður í Evrópu-
dómstólnum sem viðurkenndi rétt
fólks til þess að hverfa undir laga-
bókstafi persónuverndarlaga. Þess
vegna hefur Google fengið ótal
beiðnir þess efnis að heimili þessa
fólks hverfi af kortum þeirra.
Talsmaður Google segir að það
hafi alltaf verið mögulegt að láta
fjarlægja heimili af kortinu ef færð
eru einstaklega góð rök fyrir því.
Eftir dómsúrskurðinn hefur um-
sóknum hins vegar fjölgað gríðar-
lega og hefur Google ráðið til sín
fólk til þess að fara sérstaklega yfir
hverja umsókn, en fjölmargir þing-
menn og stjörnur hafa sent inn
beiðnir. n salka@dv.is
Húsin í móðu Hús Lily Allen
er þakið móðu á Google maps.
Föðmuðust á
sviðinu
Stjörnuparið Jay-Z og Beyoncé
gáfu sögusögnum um að hjóna-
band þeirra stæði á brauðfót-
um langa fingurinn á tónleikum
um helgina. Háværar sögur hafa
verið í gangi um að það sé ekki
allt með felldu í sambandi þeirra
hjóna og að Jay-Z hafi haldið
framhjá eiginkonu sinni. Annað
mátti sjá á sviðinu í Philadelphiu
um helgina þar sem þau komu
fram saman á tónleikum og virk-
uðu ástúðleg á sviðinu. Jay-Z
faðmaði eiginkonu sína og kyssti
í enda lagsins Forever Young.
Húðflúr af
hundinum
Vandræðagemsinn Miley Cyrus
er komin með nýtt húðflúr. Flúr-
ið hefur persónulegt gildi fyr-
ir stjörnuna en það er af Floyd,
hundinum hennar sáluga. Miley
og nokkir vinir fengu sér húðflúr
í veislu í heimahúsi á laugar-
daginn. Miley póstaði myndum
á Instagram-síðu sinni meðan
á húðflúruninni stóð. Húðflúrið
er vinstra megin á líkama henn-
ar með mynd af Floyd og í litlu
skýi stendur: „Með smá hjálp
frá vinum mínum“. Miley hefur
syrgt Floyd síðan hann dó í apríl
síðast liðnum.
Bleikir Crocks
í fríinu
Cate Blanchett er stödd í fríi með
sonum sínum, Dashiell, 12 ára,
Roman, 9 ára og Ignatius, 5 ára.
Cate nýtur lífsins með sonunum
og var afslöppuð í klæðaburði.
Cate er greinilega umhugað um
húð sína og klæddist því síðerma
flotgalla og var með stráhatt til
þess að vernda sig fyrir sterkum
geislum sólarinnar enda er hún
með afar ljósa húð. Óskarsverð-
launaleikkonan rölti áhyggjulaus
um ströndina í bleikum Crocks-
skóm og naut þess að fylgjast
með sonum sínum leika sér á
ströndinni.
Líkti áreitinu
við nauðgun
n Baulað á Kanye West í London n Hélt 20 mínútna ræðu á tónleikum
R
apparinn Kanye West gerði
lítið af því að reyna að gleðja
áhorfendur sína þegar hann
kom fram á Wireless-hátíð-
inni í London um helgina.
Rapparinn hélt rúmlega 20 mínútna
langa ræðu á sviðinu um líf sitt og
hversu erfitt það væri. Þetta vakti litla
lukku á meðal áhorfenda sem baul-
uðu hástöfum.
Óvinsæl samlíking
„Mér er sama hvað þú gerir í lífinu.
Allir þurfa frí af og til. Allir eiga rétt
á fríi. Veistu hvað, ég þarf að fá smá
stund hérna til að anda,“ sagði rapp-
arinn meðan á ræðunni stóð. „Mig
langar til að fara í bíó án þess að 30
hálfvitar elti mig. Öllum hérna líkar
við kynlíf, ekki satt? Kynlíf er frábært
þegar þú og maki þinn viljið það bæði.
En hvað kallast það þegar annar aðil-
inn vill það ekki? Það kallast nauðgun.
Það kallast misnotkun,“ sagði Kanye
um áreiti svokallaðra papparazzi-ljós-
myndara sem elta frægt fólk á röndum
hvert sem það fer.
Mörgum tónleikagestum fannst
þessi samlíking kappans ósmekkleg.
Sérstaklega í ljósi þess að barnsmóð-
ir Kanye og eiginkona, Kim Kardashi-
an, byggir feril sinn á frægðinni einni
saman. Að hún þrífst í raun á athygli
ljósmyndaranna.
Hræsni frægðarinnar
Þegar Kanye hélt svo áfram að tala um
frægðina og dóttur sína jókst baulið
enn frekar. „Ég vil að dóttir mín hafi
tækifæri til að velja hvort hún sé fræg
eða ekki,“ sagði Kanye en North, dótt-
ir hans og Kim, hefur þegar setið fyr-
ir á myndum auk þess sem raun-
veruleikaþáttur fjölskyldunnar fjallar
um hverja mínútu í lífi hennar. „Ég
hugsa með mér, hvernig í ósköpunum
á ég að geta fært dóttur minni eðlilega
æsku?“
En Kanye var ekki bara lítill í sér
vegna áreitis ljósmyndara og álags
frægðarinnar. Hann tók góðan tíma í
að gera upp tískubransann. Þar sak-
aði hann heimsfræga framleiðendur á
borð við Nike, Louis Vuitton og Gucci
að vera á móti sér einungis fyrir að
vera svartur á hörund.
Kayne gaf sér einnig dágóða stund
í að ræða eigin snilli en ekki einu sinni
það virtist vera nóg til að ná áhorfend-
um á sitt band.
Reglulega baulað á Kanye
Það virðist gerast reglulega að baulað
sé á rapparann heimsfræga á tónleik-
um því hið sama gerðist fyrir þremur
vikum síðan. Þá er frægt þegar Kayne
rauk upp á svið á MTV-tónlistarverð-
laununum og reif hljóðnemann af
Taylor Swift. Sú hafði hlotið verðlaun
sem Kayne taldi Beyoncé hafa átt skil-
ið að fá og sá rapparinn sig tilneyddan
til þess að gera sig og Swift að fífli fyrir
framan heiminn.
Kanye gerði síðar heiðarlega til-
raun til að biðjast afsökunar en
lendingin í þeirri afsökunarbeiðni var
á endanum sú að allir aðrir væri í raun
asnar þótt hann væri það líka. n
Kanye West Virðist
nota tónleika eins og
sálfræðitíma og heldur
reglulega langar ræður.
Vill geta valið Kanye vill geta gefið
dóttur sinni val um frægðina en birtir samt
myndir af henni í heimspressunni.
Kim Kardashian Kona Kanye þrífst á
frægðinni og athygli ljósmyndaranna sem
hann líkir við nauðgara.