Hagskýrslur um landbúnað - 01.01.1953, Qupperneq 22

20*
Búnaðarskýrslur 1951
Framtal heimanotaðrar mjólkur er hins vegar vitanlega ekki til
hlítar nákvæmt. Nokkuð algengt er, þar sem mjólk er seld, að skatta-
nefndir áætli heimanotaða mjólk eftir heimilismannafjölda, til þess að
hafa til hliðsjónar við framtölin. Þar sem þetta er gert, fer framtal
heimanotaðrar mjólkur ekki fjarri réttu lagi. Ekki verður þessu þó við
komið að fullu gagni, nema þar sem mjólkursala er allt árið og eigi
unnið smjör úr mjólkinni til sölu. Sums staðar eru skýrslur nautgripa-
ræktarfélaganna hafðar til hliðsjónar við framtölin og jafnvel eftir þeim
einum farið. Getur þá framtal mjólkurinnar orðið helzti hátt, og eru
til sveitir, sem svo er ástatt um. Enn er það til, að farið er eftir áætlun
framleiðandans með lítils háttar hliðsjón af því, hvað talin er hæfileg
kýrnyt. Þar sem þeirri reglu er fylgt, er framtal mjólkurinnar yfirleitt
lægst.
Samkvæmt búnaðarskýrslum var meðalkýrnyt 1949, 1950 og
1951 sem hér segir (miðað við samanlagðan kúafjölda í ársbyrjun og
árslok deilt með 2):
1949 1950 1951
lftrar lítrar lítrar
Gullbringu- og Kjósarsýsla 2 282 2 345 2 341
Borgarfjarðarsýsla 2 336 2 306 2 283
Mýrasýsla 2 456 2 159 2 153
Snæfellsnessýsla 2 192 2 044 2 176
Dalasýsla 2 121 2 197 2 169
Barðastrandarsýsla 2 327 2 492 2 488
ísafjarðarsýsla 2 156 2 196 2 381
Strandasýsla 2 197 2 351 2 428
Húnavatnssýsla 2 269 2 297 2 288
Skagafjarðarsýsla 2 142 2 080 2 348
Eyjafjarðarsýsla 2 456 2 374 2 380
Þingeyjarsýsla 2 351 2 366 2 392
Norður-Múlasýsla 1 966 2 041 2 216
Suður-Múlasýsla 2177 2 131 2 147
Austur-Skaftafellssýsla 2 082 2 115 2 126
Vestur-Skaftafellssýsla 2 434 2 356 2 224
Rangárvaliasýsia 2 062 2 032 2 026
Árncssýsla 2 129 2 237 2 183
Iíaupstaðir 2 282 2 386 2 174
Á öllu landinu 2 191 2 234 2 240
Ef litið er á einstaka hreppa, er hæsta meðalnyt 1951 3050 lítrar,
en lægsta um 1700 lítrar. — 1 sumum þeim hreppum, þar sem erfið-
ast er að koma við eftirliti með framtali mjólkurinnar, svo sem í
sumum hreppum Vestur-Skaftafellssýslu og Barðastrandarsýslu, er með-
alársnyt kúnna hvað hæst. Mun það víða stafa af því, að hliðsjón er
þá höfð af skýrslum nautgriparæktarfélaganna, en í þeim skýrslum er
ársnyt kúnna frekar talin of há en of lág. Þegar á heildina er litið, má
að visu gera ráð fyrir, að mjóllcin sé eitthvað vantalin, en varla sem
miklu nemur.
Fargað hefur verið af sauðfé samkvæmt búnaðarskýrslum: