Dagblaðið Vísir - DV - 08.08.2008, Qupperneq 20

föstudagur 8. ágúst 200820 Umræða DV
Fór að veiða
„Það sem bar hæst hjá mér var síðasta
helgi þegar ég var úti á árabát á Þingvalla-
vatni að veiða. Það var alveg yndisleg
stund úti í náttúrunni, að sitja í árabáti úti
á Þingvallavatni með veiðistöng í hend-
inni. Tók mér frí þar sem það var verslun-
armannahelgi og gott að slaka á. Ég var
ekki ein á báti þar sem fjölskyldan var með
mér á bátnum. Það verður ekki betra. Ég
mæli eindregið með þessu, það þarf ekki
að borga stóra upphæð fyrir nudd og eitt-
hvað, bara slaka á í náttúrunni okkar, það
hleður batteríin. Ég veiddi líka nokkra litla
titti, þeir voru ekki borðaðir á staðnum en
þeir voru borðaðir þegar komið var heim
þar sem þeir voru grillaðir. Þetta er alveg
lífsnauðsynlegt að fá svona góða slökun og
njóta náttúrunnar þar sem maður losnar
við erilinn í borginni. Annars gerði ég lítið
annað í vikunni þar sem mitt daglega líf
var í fyrirrúmi en annars var ég að spila í
Húsdýragarðinum ásamt Stuðmönnum,
Nýdanskri og fleirum. Það var rosalega
gaman þrátt fyrir rigningu og heppnaðist
mjög vel.“
Birgitta Haukdal, söngkona
Spilaði fyrir tuttugu þúsundir
„Það bar hæst að við vorum að spila
með Simon Matthew sem steig á svið fyrir
Danmörku í Eurovision og þá spiluðum við
á Akureyri um síðustu helgi. Á fimmtu-
daginn í síðustu viku vorum við að spila
fyrir 20 þúsund manns í Stokkhólmi. Það
var alveg hryllilega gaman, okkur var tekið
sem stórstjörnum og vel tekið undir þar
sem allir kunna lagið. Svo var ekki síður
skemmtilegt að spila á íþróttavellinum á
Akureyri og á Sjallanum með Simon Matt-
hew. Ég sló síðan persónulegt met þar sem
ég svaf 10 tíma aðfaranótt miðvikudags-
ins og núna er ég búinn að vera að slaka á.
Ég er ekki þekktur fyrir það að slaka mikið
á. Ég las síðan 340 blaðsíðna bók á einum
sólarhring og heitir hún Sagan af pí og svo
svaf ég. Þetta var þvílík afslöppun og ótrú-
lega næs að geta sofið almennilega. Ég er
þannig að ég leggst upp í rúm og hugsa
hvernig ég geti unnið næsta Eurovision,
nei, ég segi svona. Svo er mikill undirbún-
ingur fyrir helgina. Ég verð að spila á Fiski-
deginum mikla og svo fer ég upp í flugvél
og fer beint á Gay Pride þar sem við Regína
verðum að skemmta.“
Friðrik Ómar, söngvari
Fór að veiða með dótturinni
„Ég komst lítið út úr bænum og var
bara í faðmi fjölskyldunnar um verslun-
armannahelgina. Ég fór samt með yngstu
dótturina að veiða upp að Elliðaárvatni og
það bar hæst hjá mér. Dóttir mín veiddi
einn fisk en ég fór tómhentur heim. Annars
er allt búið að vera á fullu þar sem ég er að
fara að opna nýjan skemmtistað sem heitir
Steak and play. Hann verður sportklúbb-
ur með golfhermi og svo geta menn verið
að horfa á beinar útsendingar í svipaðri
stemmingu og í kvikmyndahúsum nema
það eru níu við hvert tæki og þetta eru allt
50 tommu tæki. Svo verður karaókí og bara
allt til alls enda heilt tækjaherbergi sem
fer undir það. Það eru 20 manns að vinna
á hundrað við þetta. Ég ætlaði að opna í
dag en ef ég verð heppinn verð ég búinn að
opna eftir viku. Svo er helgin plönuð, við
ætlum að fara niður í miðbæinn á Hinseg-
in daga þar sem stelpan mín hefur rosalega
gaman af þessu og munum við líklega taka
þátt í skrúðgöngunni. Svo finnst mér að
kvótalausi sjómaðurinn ætti að fá fálkaorð-
una, hann er búinn að standa sig vel og læt-
ur engan stöðva sig.“
Ásgeir Davíðsson, athafnamaður
Notaleg stund með tengdó
„Verslunarmannahelgina bar hæst hjá
mér þar sem ég átti mjög notalega helgi
með foreldrum mannsins míns og Merz-
edes Club spilaði á Akureyri á 16 ára balli
á sunnudagskvöldið. Það voru einhverj-
ir Dj-ar að spila líka og við mættum rétt
áður en við áttum að spila og fórum svo
bara strax aftur. Þetta eru alveg snar-
vitlausir krakkar, alveg rosalegt stuð og
mjög gaman að spila fyrir þá. Við lögðum
ekki í að fara heim um kvöldið þannig við
fórum heim um morguninn. Við lentum
í vandræðum á leiðinni heim þar sem
sprakk hjá okkur. Ég tók fram felgulyk-
ilinn og ætlaði að rífa dekkið undan, en
nei, nei, strákarnir sáu alveg um þetta
þar sem ég þarf að rifja eitthvað upp ef ég
á að skipta um dekk. Annars fór ég ekkert
þar sem ég var bara heima hjá tengdafor-
eldrunum þar sem við elduðum góðan
mat og svoleiðis. Ekki má gleyma því að
ég er búin að standa í flutningum í vik-
unni og rosalega mikið að gera hjá mér
í því.“
Rebekka Kolbeinsdóttir, söngkona
HVAÐ BAR HÆST í Vikunni?