Dagblaðið Vísir - DV - 29.08.2008, Qupperneq 24

föstudagur 29. ágúst 200824 Menning DV
Norræn goða-
fræði fyrir
börn
Út er komin bókin Örlög guð-
anna, stórvirki um norræna
goðafræði fyrir börn. Bókin
geymir allar helstu sögur af
norrænum goðum og gyðjum í
aðgengilegri og fjörugri endur-
sögn sem öll fjölskyldan getur
haft gaman af. Við heyrum af
Óðni og Þór, systkinunum Frey
og Freyju, gyðjunum Sif, Iðunni
og Frigg, prakkarastrikum Loka
Laufeyjarsonar og fleiri litríkum
goðum og gyðjum, þursum,
jötnum og furðuskepnum. Ing-
unn Ásdísardóttir er höfund-
ur textans en Kristín Ragna
Gunnarsdóttir gerir myndir og
hannar útlit. Útgefandi er Mál
og menning.
LEIKHÚS
Brúðuleiksýningin Klókur ertu, Einar Áskell verður frumsýnd á laugardag:
Fyrsta frumsýning haustsins
Brúðuleiksýningin Klókur ertu,
Einar Áskell verður frumsýnd í Kúl-
unni, barnasviði Þjóðleikhússins, á
morgun, laugardag. Sýningin, sem
er fyrsta frumsýning haustsins í
Þjóðleikhúsinu, er
unnin í samvinnu
við Fígúru–leik-
hús brúðugerðarmannsins Bernds
Ogrodniks. Sýningin byggir á heims-
þekktum sögum Gunillu Bergström
um þennan uppátækjasama snáða,
nánar tiltekið bókunum Svei-attan,
Einar Áskell og Góða nótt, Einar Ás-
kell en Bergström hafði samband við
Bernd og hafði áhuga á að vinna með
honum að skemmtilegu verkefni
tengdu Einari Áskeli.
Bernd Ogrodnik hefur sett upp
sýningar víða um heim en auk þess
að semja og sýna brúðusýningar þá
býr hann til brúður, gerir leikmynd
og semur og flytur tónlist. Í Þjóðleik-
húsinu hefur hann meðal annars
sett upp sýningarnar Pétur og úlfinn
og Umbreytingu – ljóð á hreyfingu.
Leikstjóri er Kristján Ingimarsson en
búninga hannar Helga Björt Möller.
Dagskrá Þjóðleikhússins á leik-
árinu sem nú er framundan verð-
ur annars kynnt á mánudaginn. Á
meðal verka sem sett verða upp má
nefna Hart í bak eftir Jökul Jakobs-
son, nýtt verk eftir Sigurð Pálsson,
Utan gátta, og verk sem byggt er á
ævi mexíkósku listakonunnar Fridu
Khalo sem Brynhildur Guðjónsdótt-
ir skrifaði og leikur titilhlutverkið í.
Þá er ónefnd jólasýningin, Sumar-
ljós og svo kemur nóttin, sem byggð
er á samnefndri verðlaunaskáldsögu
Jóns Kalmans Stefánssonar.
Barnaorðabók
Út er komin Barnaorðabók,
ensk-íslensk - íslensk-ensk,
sem er glæsileg orðabók fyrir
yngstu enskunemendurna.
Hún er ríkulega myndskreytt
og hefur
að geyma
allt sem
börn þurfa
í upphafi
tungumála-
náms, hvort
sem er
heima eða í
skólanum.
Bókin er
sérstaklega
sniðin að þörfum 8 til 10 ára
barna og samin af reynd-
um kennurum. Í henni er að
finna ríflega 2.600 uppfletti-
orð með fjölmörgum dæm-
um og myndskreytt fjölda
líflegra teikninga. Barna-
orðabókin var upphaflega
gefin út hjá Gyldendal í Dan-
mörku árið 2006 og hlaut
góðar viðtökur. Nanna Rögn-
valdardóttir þýðir.
Loksins
fáanleg á ný
Nú er loksins komin út endur-
prentun á Íslenskri samheita-
orðabók en hún hefur verið
ófáanleg
í nokkurn
tíma. Þegar
Íslensk sam-
heitaorðabók
kom fyrst út
árið 1985 var
hún fyrsta
bók sinnar
tegundar um
íslenskt mál
og hefur hún
sannað gildi
sitt hvað eftir annað á síðustu
árum. Bókin geymir 44 þúsund
uppflettiorð og gefur notandan-
um val um orð og orðasambönd
sömu eða svipaðrar merkingar.
Ritstjóri er Svavar Sigmundsson.
Kristín Guðrún Gunnlaugsdóttir
er fædd á Akureyri árið 1963. Sem
barn stundaði hún nám í Myndlist-
arskólanum á Akueyri en fluttist til
Reykjavíkur, tvítug að aldri og lauk
námi frá Myndlista-og handíðaskól-
anum í Reykjavík árið 1987.
Eftir það lá leiðin til Rómar þar
sem Kristín dvaldi eitt ár í nunnu-
klaustri. „Þar lærði ég íkonatækni.
Ég bjó meðal nunnanna í ár og
viðaði að mér reynslu. Að kynn-
ast nunnum og kaþólsku kirkjunni
hafði mikil áhrif á mig,“ segir Kristín
sem var eini gesturinn í klaustrinu á
þessum tíma.
„Ég fékk að koma þarna sem
gestur. Nokkrar nunnurnar mál-
uðu fyrir Vatíkanið og páfann og
ein þeirra málaði íkona. Ég var svo
heppin að fá að læra hjá henni að
gera íkona einsog þeir voru hugsað-
ir frá grunni, bæði hugmyndafræði-
lega og tæknilega.“
Notar íkonatæknina í eigin
myndir
Sjálf segir Kristín að helgimyndir
hafi heillað sig lengi en hún hafi þó
ekki farið í klaustrið með það í huga
að læra þessa einstöku íkonamálun-
artækni. „Ég fór í klaustrið til að upp-
lifa klausturlíf en fékk sem viðbót að
læra að mála ortódox-íkona,“ segir
hún og útskýrir í kjölfarið muninn á
íkon og helgimynd.
„Helgimyndir getur maður búið
til sjálfur alveg frá eigin grunni og
hugmyndum. Íkonarnir hinsvegar
fylgja hugmyndafræði ortódox kirkj-
unnar og ganga út á að túlka fyrir-
framgefnar staðreyndir. Íkonar fyrir
mér eru bara ein grein innan mynd-
listarinnar. Svo hef ég hinsvegar ver-
ið að nota sömu tækni og við íkona-
málunina í mínar eigin myndir.“
Fyrirhafnarlaus ákvörðun
Eftir árið í klaustrinu flutti Kristín
sig frá Róm yfir til Flórens þar sem
hún nam við akademíuna í fimm ár.
Aðspurð um það hvort leiðin hafi þá
alltaf legið beint í myndlistarnám er
Kristín ekki lengi að svara.
„Ég ákvað eiginlega nokkuð fyrir-
hafnarlaust, þegar ég var í Mennta-
skólanum á Akureyri, að þetta væri
í raun það skemmtilegasta sem ég
myndi gera í framtíðinni og ég sá
fyrir mér að þetta myndi ganga vel.
Ég fann það á mér að þetta væri það
sem ætti fyrir mér að liggja. Ég hef
aldrei hikað eftir það. Þetta var eitt-
hvað sem ég vissi innst inni og þegar
þú þorir að viðurkenna það þá breyt-
ir maður aldrei um skoðun. Þetta er
bara staðreynd eins og sú staðreynd
að vera sá sem maður er.“
Hugmyndin er möguleikarnir
Spjallið berst að því hversu mikl-
um breytingum myndlistarnám
hefur tekið í gegnum tíðina en sjálf
valdi Kristín hefbundnu leiðina eins
og hún orðar það.
„Þegar ég var í Myndlista-og
handíðaskólanum voru margir
Gekk bleiku
línunatil enda
vIðtaL
Menning
Einar Áskell Íslenskir leikhúsgestir fá
nú að berja augum þennan heims-
fræga dreng á sviði Kúlunnar.
Kristín Guðrún Gunn-
laugsdóttir hefur
löngum getið sér gott
orð fyrir falleg olíu-
verk sín og hefur
verið meðal fremstu
listamanna þjóðar-
innar síðastliðin ár. Í
ár er hún bæjarlista-
maður Seltjarnarness
þar sem hún hefur
búið frá árinu 2004 og
nýjasta rósin í
hnappagatið hjá
listakonunni er að
fjögur af verkum
hennar prýða nú
miðana á víni austur-
ríska vínframleiðand-
ans Hubert Sandho-
fer. Hér ræðir Kristín
við Kristu Hall um
myndlistina, lífið í
klaustrinu, barneign-
ir sem áhrifavald og
að sjálfsögðu austur-
rísk léttvín.
Ákvað ung að leggja fyrir
sig myndlist „Ég hef hins
vegar aldrei litið á mig sem
trúarlegan myndlistarmann.“