Fréttablaðið - 12.12.2014, Qupperneq 50

12 • LÍFIÐ 12. DESEMBER 2014
Hin svokölluðu brúnkukrem geta svo
sannarlega verið himnasending fyrir
þá sem kunna að brúka þau en verk-
færi djöfulsins ef rangt er að farið við
meðhöndlunina á þeim. Flest kremin
innihalda efnið dihydroxyacetone eða
DHA sem gengur í efnasamband við
ákveðnar amínósýrur sem finna má í
efstu lögum húðarinnar. Við efnahvarf-
ið myndast brún litarefni sem kallast
melanoidin. Húðin fer úr því að vera
föl og fannhvít í að vera sveipuð gyllt-
um ljóma og dekkri húðlit á mettíma.
Kremin eru misjafnlega litsterk og
fljótvirk en eitt eiga þau sammerkt, það
er að maður þarf að vanda til verks ef
ekki á illa að fara. Fylgdu eftirfarandi
ráðum í einu og öllu og sólbrúnt hör-
undið bíður handan við hornið.
Skrúbbaðu húðina
Fyrst og fremst þarf að huga að því að
skrúbba og skúra húðina og með því
fjarlægja dauðar húðfrumur og létta
þurrkubletti. Brúnkukremin eiga það
til að festast á þurrum svæðum og þar
með verður liturinn ójafn. Hitaðu smá
kókosolíu í örbylgjunni, bættu hand-
fylli af fínmöluðu salti út í og skrúbb-
aðu líkamann í sturtunni og skol-
aðu af.
Þerraðu líkamann og berðu
feitt krem á olnboga, hné og
önnur þurr svæði. Gott er
að láta kremið þorna augna-
blik.
Notaðu alltaf hanska
Þá er komið að brúnkukrem-
inu. Það eru nokkrar út-
gáfur í boði, til að mynda
froða, sprey og krem. Til
þess að koma í veg fyrir lit-
aða lófa er best að skella
á sig gúmmíhönskum og
svo „brúnkukrems-svamp-
hanska“. Settu kremið í
hanskann og berðu það á þig
með hringlaga hreyfingum frá
fótleggjum upp að andliti. Láttu
kremið þorna algerlega áður en
að þú klæðir þig í.
Ef þú ert að flýta þér þá getur
verið gott að skella þunnu lagi af
barnapúðri á þau svæði sem koma til
með að hitna frekar en önnur svæði,
til dæmis handarkrikana, milli lær-
anna og hnésbæturnar.
Ekki of mikið
í andlitið
Notaðu annað-
hvort brúnkukrem
sem er sérstaklega
gert fyrir andlit eða
þynntu það út sem þú
ert að nota með venjulegu
andlitskremi. Notaðu mjög
lítið brúnkukrem í framan,
annað gæti komið illa út.
Langbest er að gera þetta að
kvöldi til, áður en að þú ferð í hátt-
inn. En gættu þess þó að brúnku-
kremið sé alveg þornað til að sporna
við því að rúmfötin líti út eins og ein-
hver hafi bráðnað í þeim.
KANNTU LISTINA AÐ BERA Á ÞIG
FRÍSKANDI BRÚNKUKREM?
Þegar unnið er með brúnkukrem er nauðsynlegt að kunna réttu tökin svo ekki fari illa.
Friðrika Hjördís Geirsdóttir
Umsjónarkona Lífsins
BAÐSALT
FYRIR JÓLIN
Yndislegt baðsalt með jólailmi sem er tilvalið til þess
að gefa í jólagjöf eða nota sjálfur yfir hátíðarnar.
4 bollar epsom-salt
½ bolli fínmalaðir hafrar
2 teskeiðar kanill
10 dropar af appelsínu-ilmkjarnaolíu
Blandið öllum þurru hráefnunum saman í skál og
hellið svo ilmkjarnaolíunni saman við í lokin. Hellið
innihaldinu í fallega krukku og setjið fallegan jóla-
borða og merkimiða á. Þá er komin falleg og per-
sónuleg jólagjöf sem allir geta notið.