Dagblaðið Vísir - DV - 23.11.2012, Blaðsíða 27

Erlent 27Helgarblað 23.–25. nóvember 2012
n Fjölskyldan faldi sig undir stiganum í fjóra daga n Heimilið í rúst eftir loftárás n Óhljóðin í sprengjunum ærandi n Borgin lyktar af blóði
„Ég trúði því ekki að Ég væri lifandi“
búnir að ráðast að öllum skotmörk-
um sem tengjast stjórnvöldum. Hér
eftir munu þeir bara ráðast að borg-
urum,“ segir hún. „Fólkið á Gaza er
fólk friðarins. Við vonum að þetta
taki brátt enda svo við getum verið
hamingjusöm. Ég vona að við getum
vaknað upp á morgun og hafið upp-
bygginguna á ný. Við misstum allt
sem við áttum en mig langar til þess
að halda áfram, laga það sem eyði-
lagðist og hefja daglegt líf, fara að
vinna og komast út, hitta vini mína
og anda að mér fersku lofti. Við höf-
um aldrei verið inni svona lengi og
það er að buga okkur.“
Aðspurð hvort það sé nóg fyrir
hana að stríðinu ljúki þá svarar hún
játandi. „Það er nóg fyrir mig núna.
En sem palestínsk stelpa þá er það
ekki nóg til lengri tíma litið. Ég vil
vera frjáls, ég vil að umsátrinu ljúki
og að við öðlumst frelsi til þess að
ferðast um og það verði bundinn
endi á að Ísraelar geti ráðist á okkur
þegar þeir vilja. Það er auðvitað ekki
nóg að binda endi á þetta stríð. En
akkúrat núna, er það það eina sem
ég bið um.
En auðvitað þráum við frelsi og
öryggi og viljum fá að búa við frið
Átta daga martröð lokið
n Átökin rakin frá upphafi til enda
Miðvikudagurinn 21. nóvember
„El 7amdullah (Guði sé lof), þessu
er lokið!“ Íbúar á Gaza-svæðinu
þustu út á götur klukkan níu og
fögnuðu. Þeir kölluðu og klöpp-
uðu í gleðivímu og margir skutu
af byssum sínum upp í loftið í
fagnaðar skyni.
Árásir beggja aðila héldu áfram
til klukkan níu á miðvikudagskvöld
en þá tók vopnahléið gildi. Einn af þeim síðustu sem féllu var Nader Abu
Mgsab, 14 ára palestínskur drengur sem lést í loftárás á bæinn Deir al-
Balah. Þá særðist 28 ára gamall hermaður frá Ísrael en hann lést degi síð-
ar af sárum sínum. Hillary Clinton, utanríkisráðherra Bandaríkjanna, og
Mohamed Morsi, forseti Egyptalands, tilkynntu að samkomulag hefði
náðst og að vopnahlé hæfist að tveimur tímum liðnum, eða klukkan níu
að staðartíma. Samkvæmt upplýsingum frá Ísrael fól samkomulagið í
sér að Ísraelar stöðvi allar hernaðaraðgerðir á Gaza, að herskáir Palest-
ínumenn stöðvi allar hernaðaraðgerðir frá Gaza að Ísrael, meðal annars
flugskeytaárásir og sjálfsvígsárásir, að landamærin verði opnuð innan
sólarhrings svo fólk geti farið um og vöruflutningar séu greiðir. Sam-
kvæmt upplýsingum frá Palestínu fólst það hins vegar í sér að Ísraelar
myndu stöðva hernaðaraðgerðir sínar, að árásum Palestínumanna
myndi linna, að opnað yrði á vöruflutninga til og frá Gaza, að borgarar í
grennd við landamærin yrðu ekki gerðir að skotmörkum, að palestínsk-
um sjómönnum yrði frjálst að róa á miðin. Egypsku stjórninni var þakkað
fyrir að miðla málum.
Hamas-liðar komu fyrir sprengju í strætisvagni í miðborg Tel Aviv í
Ísrael. 21 særðist þegar sprengjan sprakk, þar af einn alvarlega. Sam-
kvæmt ísraelska dagblaðinu Ha‘aretz hafði leyniþjónustan fengið upplýs-
ingar um tugi hryðjuverka sem stæði til að fremja í Ísrael á næstunni og
áttu árásirnar meðal annars að beinast gegn ráðherrum eða háttsettum
herforingjum í Ísrael.
Í Palestínu var meðal annars ráðist á ráðuneyti, lögreglustöðvar og
fjölmiðlamiðstöðvar auk þess sem tveir fréttamenn voru drepnir þegar
skotið var á bíl þeirra. Auk þess var söguleg brú á milli Nusseirat-flótta-
mannabúðanna og þorpsins Mughraqa sprengd í loft upp.
Þriðjudagurinn 20. nóvember
Hamas-liðar lýstu því yfir að vopna-
hlé væri í nánd og forseti Egypta-
lands, Mohamed Morsi, taldi að
árásunum yrði lokið áður en dagur
væri úti. Það gekk ekki eftir og árás-
ir á Palestínu voru hertar. Sprengj-
um var varpað á flóttamannabúðir,
lögreglustöðvar, banka og verslunar-
miðstöð.
Ísraelar dreifðu flugritum í þorpum nærri Gaza þar sem íbúar voru
hvattir til þess að flýja heimili sín og halda til miðborgarinnar vegna yfir-
vofandi árása. Fjögurra manna fjölskylda var drepin í árás í Beit Lahiya
og táningsbræður voru drepnir í Rafah.
Palestínumenn héldu einnig áfram að skjóta flugskeytum yfir til
Ísraels. Eitt þeirra lenti í ólífulundi við þorpið Jabaa, um 15 kílómetrum
suður af Jerúsalem. Þá voru sex Palestínumenn teknir af lífi á Gaza fyrir
að vera uppljóstrarar Ísraelsstjórnar.
Framkvæmdastjóri Arababandalagsins kom til Gaza ásamt tíu arab-
ískum utanríkisráðherrum til að lýsa yfir samstöðu með íbúum svæðis-
ins. Hillary Clinton, utanríkisráðherra Bandaríkjanna, kom til Kaíró til að
taka þátt í friðarviðræðum en lýsti yfir stuðningi við Ísrael.

Mánudagurinn 19. nóvember.
Að minnsta kosti 105 Palestínumenn eru fallnir og 700 særðir.
Margar fjölskyldur eru orðnar uppiskroppa með mat og drykkjarvatn.
Háttsettur liðsmaður Hamas-samtakanna féll í loftárás á fjölmiðla-
miðstöð í Gaza-borg og tugir heimila forystumanna í Palestínu hafa verið
sprengdir í loft upp. Ísraelsmenn fresta landárás en 75.000 manna varalið
hefur verið kallað til og 40.000 hermenn bíða við landamærin.
Palestínumenn héldu áfram að skjóta flugskeytum yfir Ísrael. Alls hafa
þeir skotið 1.200 flugskeytum á Ísrael og drepið þrjá Ísraelsmenn. Ísrael-
um hefur tekist að granda um þriðjungi flugskeytanna og gert um 1.350
loftárásir á Gaza.
Eygptar hafa milligöngu um viðræður um vopnahlé og ríkisstjórn
Ísraels kom saman til að ræða tillögur þeirra. Hamas-samtökin krefjast
þess að einangrun Gaza verði rofin og að Ísraelar hætti að vega liðsmenn
hreyfingarinnar. Ísraelar kröfðust þess að flugskeytaárásir Palestínu-
manna yrðu stöðvaðar strax og að alþjóðlegt eftirlit sé með því að þeim
berist ekki langdrægar eldflaugar eða önnur tortímingarvopn.
Ban Ki-moon, framkvæmdastjóri Sameinuðu þjóðanna, kom til Kaíró.
Tayyip Erdogan, forsætisráðherra Tyrklands, kallaði Ísrael ríki hryðju-
verkamanna og sagði að árásirnar væru þjóðernishreinsanir. Ahmet
Davutoglu, utanríkisráðherra Tyrklands, sagði árásirnar glæpi gegn
mannkyni og ræddi við Hillary Clinton. Taldi hann hægt að koma á
vopnahléi ef Bandaríkjamenn tryggðu að Ísraelsmenn stæðu við skilmál-
ana.
Sunnudagurinn 18. nóvember
Að minnsta kosti 80 eru látnir. Særðir
Palestínumenn streyma á spítalana.
Læknar segja frá gríðarlegu álagi og
segja að lyf og aðrar nauðsynjar séu
á þrotum og deildir séu yfirfullar. Al-
þjóðaheilbrigðismálastofnunin seg-
ir að ástandið á spítölunum sé orðið
skelfilegt.
Al Dalou-fjölskyldan féll í loftárás
en tólf féllu í árásinni, þar af fjórar konur og fimm börn. Í Rafah féllu tveir
er bíll var sprengdur upp. Sex palestínskir fréttamenn særðust í árásum
á fjölmiðlamiðstöðvar og búnaður erlendra fréttastöðva eyðilagðist. Al-
þjóðleg samtök fréttamanna fordæmdi árásirnar og sögðu þær ógn við
frjálsa blaðamennsku. Skotið var á Gaza úr lofti og af sjó en herskipin áttu
erfiðara með að hitta skotmörk sín. Í norðurhluta Gaza fór rafmagnið af
og fólkið þar hafðist við í myrkri.
Mikið
mannfall
Stríðið stóð yfir í átta daga. Á þeim
tíma dóu 160 Palestínumenn sam-
kvæmt palestínsku fréttastofunni
Sama News Agcency, þar af 42 börn, 11
konur og 18 öldungar. Að minnsta kosti
1.222 eru særðir, þar af 431 barn, 207
konur og 88 öldungar. Sex Ísraelsmenn
eru látnir, 117 særðir.
Hús nágranna Areej fékk sjokk þegar hún fór út og sá ástandið í hverfinu. Mörg húsin
voru ansi illa farin eftir árásirnar en fólk var þegar farið að huga að endurreisn á fimmtu-
daginn.
Grunnskólinn Var í rúst eins og annað í hverfinu, enda þorði fjölskylda Areej ekki að
leita skjóls í einhverjum skólanum eins og margir ákváðu að gera.
Földu sig undir stiganum Frá því á föstudaginn faldi fjölskyldan, sem telur átta
manns, sig undir stiganum í plássi sem er um þrír fermetrar. Þau leyfðu sér þó að fara
aðeins fram á daginn þegar árásirnar lægði til þess að anda, borða og þvo sér. En þarna
voru þau allar nætur á meðan óhljóðin af sprengjuregninu var að æra þau.
Síðustu sprengjurnar falla Reykur stígur upp til himins þar sem sprengjurnar falla
á miðvikudaginn, rétt eftir að tilkynnt var að samkomulag um vopnahlé hefði náðst og
það ætti að hefjast tveimur tímum síðar.
Þráir frið „Heyrirðu?“ spurði Areej
blaðamann DV þar sem hún sat undir
stiganum og hlustaði á sprengjurnar
falla í kringum sig. Í loftinu var lykt af
púðri og blóði en Areej þráði engu að
síður að komast út undir bert loft. Nú
þráir hún ekkert heitar en að friðurinn
verði varanlegur.