Dagblaðið Vísir - DV - 23.11.2012, Blaðsíða 10

10 Fréttir 23.–25. nóvember 2012 Helgarblað
Royal Copenhagen
leigiR af Íslendingum
n Lárus Blöndal, fulltrúi í Icesave-nefndinni, á í dönsku fasteignafélagi
Á
rið 2006 keypti hópur ís­
lenskra fjárfesta fasteigna­
pakka í Kaupmannahöfn
sem að hluta var fjármagn­
aður af Kaupþingi á Íslandi.
Á meðal fasteigna var húsnæði þar
sem danska postulinsfyrirtækið
Royal Copenhagen er með fram­
leiðslu. Með í kaupunum var líka
húsnæði sem danskur drykkja­
vöruframleiðandi leigir. Utan um
umrætt verkefni stofnuðu fjárfest­
arnir félagið Royal Premium Invest
ApS. Samkvæmt síðasta ársreikn­
ingi Royal Premium skuldar félag­
ið Kaupþingi (nú Arion banka) 70
milljónir danskra króna eða um
1.550 milljónir íslenskra króna.
Fjárfestarnir sem tóku þátt í
verk efninu voru Eggert Magn­
ússon, fyrrum formaður
Knattspyrnusambands Íslands og
síðar stjórnarformaður West Ham
United, Guðmundur A. Birgisson á
Núpum, Gunnar Andrés Jóhanns­
son, fyrrverandi forstjóri Fóður­
blöndunar, Aðalsteinn Karlsson,
fjárfestir og fyrrverandi heildsali
og Lárus Blöndal, hæstaréttarlög­
maður og fulltrúi stjórnarandstöð­
unnar í samninganefnd um Ice­
save.
Samkvæmt heimildum DV
drógu þeir Eggert og Gunnar sig
hins vegar fljótlega út úr verkefn­
inu. Í dag á Eignarhaldsfélagið LAG
ehf. 75 prósent í Royal Prem ium
Invest. Eignarhaldsfélagið LAG er
síðan í eigu Eignarhaldsfélagsins
GAL ehf. sem fer með 50 prósenta
hlut, Aðalsteins Karlssonar sem
fer með 25 prósenta hlut og Eddu
Sonju, 18 ára dóttur Guðmundar á
Núpum sem fer með 25 prósenta
hlut. Hlutur Eddu Sonju var áður í
eigu föður hennar sem færði hann
yfir á dóttur sína árið 2008 sem arf.
Guðmundur hefur verið dug­
legur að færa eignir yfir á fjöl­
skyldu sína eftir hrun. Í lok árs
2009 sagði DV frá því að Guð­
mundur hefði fært tíu fasteignir
yfir á Unni Jóhannssdóttur, sam­
býliskonu sína. Þar á meða voru
hús að Núpum í Ölfusi sem átti
upphaflega að renna inn í minn­
ingarsjóð Sonju Zorillu sem og
sögufrægt hús að Hofsvallagötu
1 þar sem Guðmundur og Unnur
búa enn í dag. Guðmundur færði
einnig 33 prósenta hlut sinn í
Eignarhaldsfélaginu GAL yfir á
Eddu Sonju. Lárus Blöndal fer síð­
an með 33 prósenta hlut í GAL og
Aðalsteinn Karlsson 33 prósenta
hlut. Guðmundur hefur einnig
fært eignarhlut sinn í Hótel Borg
yfir á dóttur sína.
Staða félagsins óljós
Þegar Royal Premium Invest er flétt
upp í dönsku fyrirtækjaskránni kem­
ur fram að félagið hafi hagnast um
nærri 100 milljónir íslenskra króna á
síðasta reikningsári, sé með eigið fé
upp á 675 milljónir króna og skuldi
um 3,6 milljarða króna. Heildareign­
ir félagsins nema hins vegar um 4,5
milljörðum króna. Samkvæmt heim­
ildum DV kom það illa fyrir fyrirtæk­
ið þegar postulínsframleiðandinn
Royal Copenhagen flutti stóran hluta
af framleiðslu sinni til Taílands árið
2008.
Í samtali við DV segir Lár­
us Blöndal, lögmaður og stjórn­
armaður í Royal Premium Invest
að óvissa sé nú um stöðu félags­
ins þar sem tíu ára leigusamningur
við postulínsframleiðandann Royal
Copenhagen sé að renna út. Útlit sé
fyrir að hann verði ekki framlengdur
þar sem Royal Copenhagen hafi flutt
stóran hluta af framleiðslu sinni til
Taílands. Danski fasteignamark­
aðurinn sé mjög erfiður um þessar
mundir. Auk þess sé mikið af dönsk­
um fyrirtækjum að færa starfsemi
sína til Asíu og Austur­Evrópu vegna
erfiðs rekstrarumhverfis í Dan­
mörku.
Lárus vill að það komi fram að
starfsemi Royal Premium Invest hafi
gengið vel á undanförnum árum
ólíkt mörgum öðrum útrásarverk­
efnum Íslendinga í Danmörku. Þá
hafi íslensku fjárfestarnir komu með
töluvert af eigið fé þegar Royal Prem­
ium Invest hafi verið keypt – ólíkt
mörgum öðrum.
Heimsfrægur
postulínsframleiðandi
Royal Copenhagen er sögufrægt
félag sem stofnað var árið 1785 undir
heitinu „Det Kongelige Porcelainsfa­
brik“ en árið 2001 keypti Axcel­sjóð­
urinn fyrirtækið. Royal Copenhagen
átti á þeim tíma líka önnur fræg fé­
lög eins og Georg Jensen og Bing &
Grondahl. Axcel­sjóðrurinn seldi
hins vegar Georg Jensen til fjárfesta
í furstadæminu Barein í síðustu viku
fyrir 18 milljarða íslenskra króna.
Axcel­sjóðurinn hefur tengingu
við Ísland vegna neyðarláns sem
Seðlabankinn veitti Kaupþingi árið
2008 með veði í danska FIH­bank­
anum. Þegar Seðlabankinn seldi
FIH voru ákvæði um að ef vel gengi
gæti Seðlabankinn fengið allt að 20
milljarða króna aukalega sem alfarið
kæmi frá Axcel­sjóðnum. Á meðal
stærstu eigenda Axcel er FIH­bank­
inn, sænski bankinn Nordea auk
þess fer LEGO fjölskyldan með stór­
an hlut.
Áralöng tengsl milli
Lárusar og Guðmundar
Lárus hefur lengi stundað viðskipti
með Guðmundi á Núpum. Auk þess
að eiga sjálfur hlut í Royal Prem­
ium í Danmörku í gegnum íslenskt
eignarhaldsfélag á Lárus einnig
hlut í Hótel Borg í gegnum einka­
hlutafélagið Borgin okkar. Edda
Sonja, dóttir Guðmundur á Núpum
er einnig hluthafi í Borginni okkar
en hlutinn færði faðir hennar yfir á
hana líkt og hlut sinn í eignarhalds­
félögunum LAG og GAL sem eiga í
Royal Premium í Danmörku. Þá situr
Lárus einnig í stjórn fleiri félaga sem
tengjast Guðmundi á Núpum.
Skráð á lögmannsstofu Lárusar
Samkvæmt dönsku fyrirtækja­
skránni sitja danski lögmaður­
inn Frank Zaubitz og Lárus Blön­
dal í stjórn Royal Premium Invest.
Eignarhaldsfélagið LAG ehf. sem
fer með 75 prósenta hlut í Royal
Premium er síðan skráð til heimil­
is hjá Juris lögmannsstofu í Borgar­
túni en á meðal eigenda hennar er
Lárus sjálfur, Andri Árnason, verj­
andi Geirs H. Haarde og Sigurbjörn
Magnússon, stjórnarformaður
Árvakurs. Líkt og kunnugt er var
Lárus fulltrúi stjórnarandstöðunnar
í saminganefndinni um Icesave.
DV sendi fyrirspurn á danska
lögmanninn Frank Zaubnitz sem
situr í stjórn Royal Premium In­
vest ásamt Lárusi. Í svari frá danska
lögmanninum segist hann bund­
inn trúnaði um viðskiptavini og
þá starfsemi þeir tengjast. Því geti
hann ekki veitt upplýsingar um
Royal Premium Invest – þrátt fyrir
að hann sitji sjálfur í stjórn félags­
ins. n
Annas Sigmundsson
blaðamaður skrifar as@dv.is
Amagertorv 6 Hér má sjá verslun Royal
Copenhagen við Amagertorv 6 sem liggur
við Strikið í Kaupmannahöfn. Húsið er eitt
það elsta í borginni en það var byggt árið
1616. Tekið skal fram að þarna er ekki verk-
smiðjahúsnæði fyrirtækisins sem íslensku
fjárfestarnir eiga.
Situr í stjórn Royal Premium Invest
Lárus Blöndal, lögmaður og nefndarmaður
í samninganefnd um Icesave situr í stjórn
danska fasteignafélagsins Royal Premium
Invest á sjálfur hlut í því í gegnum íslenskt
eignarhaldsfélag.
Færir eignir yfir á dótturina Guðmund-
ur A. Birgisson á Núpum hefur verið duglegur
að færa eignir yfir á eiginkonu sína og dóttur
eftir hrun. Í dag á Edda Sonja, 18 ára dóttir
hans, bæði hlut í Hótel Borg og danska fast-
eignafélaginu Royal Premium Invest.
Viðgerðir á
götuljósum
Þessa dagana er unnið að við­
gerðum vegna götulýsingar í mið­
borginni, en eftir óveðrið fyrir
tveimur vikum fjölgaði bilunum
til muna. Í frétt á vef Reykjavíkur­
borgar kemur fram að um síðustu
helgi hafi um 170 stólpar verið
ljóslausir, sem og pollar á Austur­
velli og við Arnarhól. Einnig datt
öll lýsing á Ingólfstorgi út. Lamp­
ar fuku af nokkrum stólpanna eða
löskuðust svo illa að skipta þarf
um þá.
Starfsmenn Orkuveitunnar
vinna að viðgerðum í samráði við
umsjónarmenn götulýsingar hjá
Reykjavíkurborg og lýkur verkinu
í þessari viku. Síðast var farið yfir
götulýsingu í ágúst og september
og þá var gert við allt sem laga
þurfti.
Mikið traust
til slökkvi- og
sjúkraliðs
Íslendingar bera nær undantekn­
ingarlaust mikið traust til slökkvi­
liðs­ og sjúkraflutningamanna.
Um 97 prósent svarenda í nýrri
rannsókn Capacent Gallup segj­
ast bera mikið traust til stéttar­
innar. Rannsóknin sýnir einnig
að 96,5 prósent telja að eldvarna­
átak slökkviliðsmanna fyrir jólin
sé mikilvægt. Þetta kemur fram í
tilkynningu frá Landssambandi
slökkviliðs­ og sjúkraflutninga­
manna (LSS) en Capacent gerði
könnunina í október síðastliðnum
fyrir sambandið og Eldvarna­
bandalagið. Úrtakið var 1.450
manns af öllu landinu og var
svarhlutfallið 58,8 prósent.
Valdimar Leó Friðriksson,
framkvæmdastjóri LSS, segir í til­
kynningunni afar mikilvægt fyrir
slökkviliðs­ og sjúkraflutninga­
menn að njóta trausts almenn­
ings. „Okkar menn koma fólki
til aðstoðar á erfiðum stundum
í lífinu, vegna eldsvoða, slysa og
alvarlegra veikinda. Það er ákaf­
lega mikilvægt að gagnkvæmt
traust sé fyrir hendi við slíkar að­
stæður. Því eru þessar niðurstöður
mikið gleðiefni fyrir okkur,“ segir
Valdimar.
Hann segir það einnig mikla
hvatningu fyrir LSS að fólk skuli
almennt telja að hið árlega
eldvarnaátak LSS sé mikilvægt.
Langflestir segja það mjög mik­
ilvægt. Eldvarnaátakið hófst í
gær, fimmtudag, og stendur til
mánaðamóta. Slökkviliðsmenn
heimsækja þá börn í 3. bekk
grunnskólanna og fræða þau og
fjölskyldur þeirra um eldvarnir.
„Við teljum það afar mikil­
vægan þátt í okkar starfsemi að
fræða almenning um eldvarn­
ir og reyna þannig að fyrirbyggja
eldsvoða og mann­ og eignatjón
vegna þeirra. Þessi niðurstaða
styrkir okkur í þessu starfi,“ segir
Valdimar.