Dagblaðið Vísir - DV - 23.11.2012, Blaðsíða 46

Steðji er beSti jólabjórinn
46 Jólabjór 23.–25. nóvember 2012 Helgarblað
n Árleg jólabjórsmökkun DV fór fram í vikunni
S
teðji var valinn besti bjór­
inn í hinni árlegu jóla­
bjórsmökkun DV en þessi
nýi bjór frá Brugghúsi
Steðja hf. í Borgarfirði
fékk 8,1 í meðaleinkunn. Í öðru
sæti lenti Jólakaldi með 7,1 og
Jóla Bock frá Víkingi varð í þriðja
sæti með 6,7 í meðaleinkunn. Ell­
efu tegundir af íslenskum jólabjór
voru smakkaðar og dæmdar. Það
er athyglisvert að nýr bjór á mark­
aði fái hæstu einkunn. Það vek­
ur einnig athygli að besti bjórinn
í fyrra, Tuborg Julebryg og Einstök
frá Vífilfelli, kom ekki vel út í
smökkuninni í ár.
Dómnefndin
Í dómnefnd sátu Henry Birgir
Gunnarsson, íþróttafréttamaður
og rithöfundur, Rakel Garðars­
dóttir, framkvæmdastjóri Vestur­
ports og knattspyrnustýra FC
Ógnar, Andri Freyr Viðarsson dag­
skrárgerðarmaður, Elín Arnar, rit­
stjóri Vikunnar, og Steinn Stefáns­
son á Microbar bjóráhugamaður.
DV fékk góðfúslegt leyfi til
að halda smökkunina á Dönsku
kránni. Hún fór fram með þeim
hætti að borinn var fram einn
bjór í einu og vissi dómefnd ekki
um hvaða bjór var að ræða í hvert
skipti. Dómnefndin gaf svo bjórn­
um einkunnir frá 1 upp í 10 og
ræddi svo um kosti
og galla hverrar
tegundar fyrir sig.
Haft var sam­
band við bruggverk­
smiðjurnar sem
sendu allar bjór til
smökkunarinnar
nema Gæðingur­Öl
ehf. DV taldi hins
vegar mikilvægt að
hafa alla íslenska
jólabjóra með og
lagði því út fyrir
nokkrum Gæðing­
um.
Þéttari en
venjulegur bjór
Áður en dóm­
nefndin hóf
smökkunina voru
dómarar spurðir
hvað þeim fyndist
einkenna góð­
an jólabjór. Þá var
nefnt að hann ætti
að vera dekkri en
venjulegur bjór. „Hann á að vera
meiri, þéttari, gera eitthvað ann­
að en venjulegur bjór. Hann þarf
að reyna aðeins á og vera bragð­
meiri,“ sagði Steinn. Öll nefndu
þau að jólabjór þurfi að vera meira
krefjandi og skera sig frá öðrum.
Henry sagði jafnframt að hann
gæti ekki ítrekað nægilega hve
miklu máli umbúðirnar skipa.
„Þær skipta öllu máli þegar kemur
að stemningunni,“ sagði hann og í
kjölfarið var ákveðið að að smökk­
un lokinni myndu þau einnig gefa
umsagnir um umbúðirnar.
Bjórinn í ár stóðst
ekki væntingar
Að smökkuninni lokinni voru þau
spurð hvort jólabjórinn í ár hafi
staðið undir væntingum og það
var álit þeirra allra að hann hafi
ekki verið nógu góður. Meiri hlut­
inn sé þó yfir meðallagi en jóla­
bjórinn sé þó verri í ár en í fyrra.
„Heilt yfir þá erum við með nokkra
góða bjóra en það er áhyggju­
efni hvað það eru margir svik­
arar í hópnum. Venjulegir bjór­
ar sem eiga ekkert heima þarna.
Þetta er vara sem selst vel og svo
virðist sem menn séu að reyna að
komast upp með að selja þetta á
fölskum forsendum,“ sagði Henry
og dómnefndin tók undir þetta
með honum og hafði orð á því að
þetta væri ljótt gagnvart kaupend­
um. „Það er einhver markaðslykt
af þessu. Þetta er hætt að snúast
um hvað er nákvæmlega í flösk­
unum. Kannski skrifast þetta á að
þeir anna kannski ekki eftirspurn,“
sagði Rakel.
Í lokin ræddu þau um að Steðji
ætti að fá frumleikaverðlaun fyrir
umbúðirnar. „Þetta eru umbúðir
sem skapa umtal og það er ná­
kvæmlega það sem óþekkt brugg­
hús þarf á að halda.“ n
Gunnhildur Steinarsdóttir
blaðamaður skrifar gunnhildur@dv.is
Dómnefndin í ár Fimm
manna dómnefnd valdi Steðja
besta bjórinn. mynDir sigtryggur ari