Dagblaðið Vísir - DV - 23.11.2012, Qupperneq 8

990 milljónir fóru
á milli félaga Pálma
8 Fréttir 23.–25. nóvember 2012 Helgarblað
„Aldrei beitt ofbeldi“
n Egill Einarsson segir ömurlegt ár að baki
Þ
að vita allir að ég hef gengið í
gegnum ömurlegasta ár ævi
minnar og það er ekkert sér­
staklega hressandi að rifja
það upp. En góðu fréttirnar eru
að það versta er að baki. Ég vona
það,“ segir Egill Einarsson, betur
þekktur sem Gillz, í fjögurra síðna
viðtali í tímaritinu Monitor, fylgiriti
Morgunblaðsins.
„Það er ákveðinn öfgahópur
sem engu ræður sem vill svipta mig
málfrelsinu. Ég gerði ekkert af mér,
hef aldrei beitt manneskju ofbeldi
á ævinni, er ekki ofbeldismaður, og
því ætti að vera í góðu lagi að taka
viðtal við mig.“
Egill segir málið hafa haft mikil
áhrif á líf sitt: „Það er erfitt að lýsa
því hvernig það er að vera sakaður
um glæp sem maður framdi ekki,
og svona hræðilegan glæp. Þegar
svo við bætist að menn hafa viljað
notfæra sér svo alvarlega ásökun
og bæta í, rógi og viðbjóði, ofan á
það, og við erum ekki bara að tala
um einhverja fábjána á umræðu­
kerfi DV heldur líka stjórnmála­
menn og annað áhrifafólk, þá get­
urðu rétt ímyndað þér hvernig það
fer með mann. Þetta er bara veru­
lega vont. Við erum að tala um
margar andvökunætur og það var
leiðinlegt að sofna með hnút í mag­
anum og vakna með sama hnút,“
segir Egill sem segir málið hafa haft
gríðarleg áhrif á móður sína. Þá lést
fósturóðir Gurrýjar, unnustu hans,
í janúar:
„Það var sérkennilega erfitt
að fylgja henni til grafar í skugga
nauðgunarkæru. Sko, það sem ég
er að reyna að segja er að þetta litar
líf manns, eiginlega setur skugga á
allt sem maður gerir.“ n
Fáðu greinar í heild sinni
á DV.is og vefáskrift
af prentútgáfu DV
* Verðið er 790 kr. fyrstu
3 mánuðina, en 1.790 kr. eftir það.
fyrir 790 kr.
á mánuði *
Sjáðu
meira
R
úmlega 990 milljónir
króna af ríflega 2,6 millj­
arða rekstrartekjum Ferða­
skrifstofu Íslands runnu til
Iceland Express í fyrra. Þetta
kemur fram í ársreikningi Ferða­
skrifstofu Íslands sem skilað var til
ársreikningaskrár ríkisskattstjóra
um miðjan september síðastliðinn.
Pálmi Haraldsson fjárfestir var eig­
andi beggja fyrirtækjanna í lok síð­
asta árs.
Þetta þýðir í reynd að meira en
þriðjungur af öllum tekjum Ferða­
skrifstofu Íslands rann til systurfé­
lags þess, Iceland Express. Um þetta
segir orðrétt í ársreikningi Ferða­
skrifstofu Íslands: „Félagið keypti
þjónustu af tengdum aðila fyrir
990,6 millj. kr. á árinu.“
Ferðaskrifstofa Íslands sam­
anstendur af Úrval Útsýn, Plúsferð­
um, Sumarferðum og ferðaskrif­
stofunni Heklu Travel í Danmörku,
sem var keypt í febrúar 2012. Fyr­
irtækið er í eigu eignarhaldsfélags­
ins Academy S.á.r.l. í Lúxemborg.
Ferðaskrifstofan hefur verið í sölu­
ferli hjá verðbréfafyrirtækinu Arct­
ica Finance. Komið hefur fram í fjöl­
miðlum að Pálmi vilji að minnsta
kosti 800 milljónir króna fyrir Ferða­
skrifstofu Íslands.
84 milljóna hagnaður
Hagnaður Ferðaskrifstofu Íslands
nam tæplega 85 milljónum króna
í fyrra en hafði numið ríflega 650
milljónum króna árið 2010. Sá hagn­
aður var að hluta tilkominn vegna
niðurfærslu á skuldum Ferðaskrif­
stofu Íslands árið 2010, rúmlega 260
milljónum króna. Í fyrra var engin
skuldaniðurfærsla hjá fyrirtækinu og
er því um að ræða hagnað af rekstri
félagsins að stóru leyti.
Hagnaðurinn byggir þó auðvit­
að að nokkru leyti meðal annars á
því að Pálmi var í þeirri stöðu að
geta átt í viðskiptum við eigin far­
miðasölu, Iceland Express, og eig­
ið flugfélag, Astraeus, stóran hluta
ársins í fyrra.
Viðskiptavild tæpur helmingur
eigna
Bókfærðar eignir Ferðaskrifstofu Ís­
lands nema rúmlega 1.200 milljón­
um króna. Þar af er viðskiptavild upp
á rúmlega 511 milljónir króna. Við­
skiptavildin var niðurfærð um 50
milljónir króna í fyrra. Ekki er útskýrt
hvernig viðskiptavild félagsins er til­
komin né af hverju hún er svo há.
Væntanlegur kaupandi Ferða­
skrifstofu Íslands mun því vera að
greiða nokkur hundruð milljónir
króna fyrir viðskiptavild fyrirtækisins
ef svo fer að Pálmi fái eins hátt verð
fyrir félagið og hann telur sig geta
fengið.
Skuldir afskrifaðar við kaupin
Líkt og DV greindi frá í mars í fyrra af­
skrifaði Landsbanki Íslands um 800
milljónir króna af skuldum Ferða­
skrifstofu Íslands í ársbyrjun 2010.
Pálmi keypti Ferðaskrifstofu Ís­
lands í byrjun janúar 2009, nokkrum
mánuðum eftir íslenska efnahags­
hrunið. Reksturinn hafði verið erf­
iður hjá þáverandi eiganda félags­
ins, eignarhaldsfélaginu Saxbygg og
tengdum aðilum, en skuldir félags­
ins námu rúmum tveimur milljörð­
um króna í árslok 2008.
Þegar greint var frá kaupunum á
Ferðaskrifstofu Íslands í fjölmiðlum
kom fram að nokkur hundruð millj­
ónir króna yrðu lagðar inn í rekstur­
inn auk þess sem skuldir þess yrðu
yfirteknar. Félagið stóð því frammi
fyrir óhjákvæmilegu gjaldþroti
þegar Pálmi kom að rekstrinum og
má segja að hann hafi haldið fyrir­
tækinu gangandi með kaupunum.
Breyttar forsendur
Kaupverðið á félaginu var ekki gefið
upp á sínum tíma.
Samkvæmt ársreikningnum fyrir
2009 voru 750 milljónir króna lagðar
inn í rekstur Ferðaskrifstofu Íslands í
formi nýs hlutafjár á árinu en skuld­
ir félagsins lækkuðu sömuleiðis úr
rúmum 2,4 milljörðum króna og nið­
ur í tæpa 1,4 milljarða vegna skulda­
niðurfærslu og innborgun nýs hluta­
fjár.
Nú vill Pálmi selja ferðaskrif­
stofuna fyrir nokkuð háa upp­
hæð enda hafa forsendurnar fyr­
ir áframhaldandi eignarhaldi
hans á fyrirtækinu breyst umtals­
vert frá kaupunum á henni í árs­
byrjun 2009. Astraeus er komið í
greiðslustöðvun og Pálmi seldi far­
miðasöluna Iceland Express í síð­
asta mánuði fyrir ótilgreinda upp­
hæð. n
n Tæplega helmingur eigna Ferðaskrifstofu Íslands er viðskiptavild
Ingi Freyr Vilhjálmsson
fréttastjóri skrifar ingi@dv.is
„Félagið keypti
þjónustu af tengd-
um aðila fyrir 990,6 millj.
kr. á árinu.
Vill 800 milljónir Pálmi Har-
aldsson vill selja Ferðaskrifstofu
Íslands fyrir 800 milljónir króna.
Meira en hálfur milljarður af 1.200
milljóna króna eignum félagsins er
viðskiptavild.
Andvökunætur „Það var leiðinlegt að
sofna með hnút í maganum og vakna með
sama hnút.“
Ók full með
barnabarnið
Lögreglan á höfuðborgarsvæðinu
stöðvaði í vikunni konu sem
reyndist vera ölvuð undir stýri.
Konan var ekki einsömul í bílnum
því með í för var ólögráða barna­
barn hennar. Amman var hand­
tekin og flutt á lögreglustöð, en
gerðar voru viðeigandi ráðstaf­
anir í þágu barnsins og barna­
verndaryfirvöld jafnframt upplýst
um málið.
„Þekkt eru dæmi um foreldra
sem aka drukknir eða undir
áhrifum fíkniefna með börn sín í
bílnum. Lætur nærri að slík mál
hafi komið á borð lögreglunnar
á höfuðborgarsvæðinu næstum
mánaðarlega á síðasta ári. Fáheyrt
er hins vegar að afar og ömmur
gerist sek um slíkt dómgreindar­
leysi, en svo bregðast krosstré sem
önnur tré,“ segir í tilkynningu lög­
reglunnar um málið.
„Ég hef engar
áhyggjur“
„Ég hef engar áhyggjur af þessu,
það er ekkert athugavert við þessi
viðskipti sem voru fyrir áratug og
menn mega skoða það eins og
þeir vilja,“ segir Guðlaugur Þór
Þórðarson, þingmaður Sjálfstæðis­
flokksins, í samtali við Morgun­
blaðið.
Þar er hann spurður út í kæru
Gunnars Andersen, fyrrverandi for­
stjóra Fjármálaeftirlitsins, á hend­
ur honum til embættis sérstaks
saksóknara. Kæran varðar meint
umboðssvik og mútuþægni þing­
mannsins vegna viðskipta einka­
hlutafélagsins Bogmannsins ehf. við
Landsbanka Íslands árið 2003.
Það var DV sem greindi frá
kærunni á þriðjudag en hún beinist
einnig að eiginkonu Guðlaugs Þórs,
Ágústu Johnson, og fyrrverandi
bankastjóra Landsbankans, Sigur­
jóni Þ. Árnasyni.
„Þetta er einungis nýjasti þáttur­
inn í leikriti Gunnars Andersen og
Inga Freys á DV og ég efast ekki um
að þeir verða örugglega fleiri,“ segir
Guðlaugur Þór við Morgunblaðið.