Gerðir kirkjuþings - 2001, Side 24

Tillögur um endurmermtun (og handleiðslu) presta.
Þetta mál, sem rætt var á Kirkjuþingi 1999 hefur verið á hendi nefndar sem Kirkjuráð
skipaði til verkefnisins árið 2000. í 13. máli Kirkjuþings 2000 var samþykkt að beina
því til Kirkjuráðs að skipa nefnd til að fjalla um tillögur um starfsmenntunarstofnun
kirkjunnar. Kirkjuráð fól fyrrnefndri nefnd einnig það verkefni, enda skyld
viðfangsefni. Greinargerð nefndarinnar fylgir skýrslu Kirkjuráðs.
Brauðamat og þjónustukönnun
Kirkjuráð skipaði Brauðamatsnefnd árið 1997 að ósk Prestafélags Islands.
Brauðamat er mat á embættum presta og störfum prófasta með tilliti til
embættiskostnaðar, vinnuframlags, starfsaðstöðu. búsetu og annarra þátta sem gefa
upplýsingar um störf og kjör þeirra. Matið getur leitt til endurskoðunar á núverandi
starfsreglum um rekstur prestsembætta en veitir jafnframt gagnlegar upplýsingar um
prestsþjónustuna. Stefnt er að því að brauðamatið hefjist á næsta ári. Verkefnisstjóri
hefur verið ráðinn til þess að sinna verkefninu, sem er flókið og yfirgripsmikið. Að
öðru leyti skal vísað til fylgiskjals um brauðamat með skýrslu þessari.
Þingsályktun um könnun á þjónustuþörf íprestaköllum
Á Kirkjuþingi 1999 var samþykkt þingsályktun um könnun á þjónustuþörf í
prestaköllum. Brauðamatið nær yfir nokkra þætti hennar. Eðlilegt þykir að bíða með
frekari vinnu að þeirri könnun uns brauðamat hefur farið fram í fyrsta sinn.
Fjármál Þjóðkirkjunnar (2. mál)
Oskað var eftir því hvort mögulegt væri að allir framlagðir reikningar fengju umsögn
og endurskoðun Ríkisendurskoðunar til samrœmingar.
Kirkjuráð kannaði þetta mál, sbr. framlagða greinargerð Ríkisendurskoðunar í
fylgiskjali með skýrslu þessari. Niðurstaðan er sú að reikningar Skálholtsstaðar og
Skálholtsskóla verði endurskoðaðir af Ríkisendurskoðun. Jafnframt kemur til álita að
reikningar Löngumýrar verði endurskoðaðir af Ríkisendurskoðun. I framlagðri
endurskoðunarskýrslu Ríkisendurskoðunar er úrdráttur úr ársreikningum annarra
stofnana sem lagðir eru fyrir Kirkjuþing en sem Ríkisendurskoðun annast ekki
endurskoðun á. Er farið að ósk Kirkjuþings í þessu efni.
Oskað var eftir að kannað yrði hvort breyta mœtti framsetningu fjárlaga þannig að
fjárlagaliðurinn “Biskup Islands” nefndist eftirleiðis “Þjóðkirkjan ” og
fjárlagatillögur yrðu í nafni Kirkjuráðs í stað Biskupsstofu.
Þessu hefur verið hrundið í framkvæmd og er fjárlagafrumvarp 2002 sett fram með
þeim hætti. Einnig var athugað hvort breyta mætti framsetningu á þjónustutekjum en
ekki var orðið við því.
Oskað var eftir að könnuð yrði myndun sjálfseignarstofnunar um fasteignir
kirkjunnar í Reykjavík.
Kirkjuráð kannaði þetta mál, sbr. framlagða greinargerð Ríkisendurskoðunar í
fylgiskjali með skýrslu þessari. Þar segir að niðurstaða Ríkisendurskoðunar sé í
aðalatriðum sú að ekki verði séð að hagræði verði af myndun sjálfseignarstofnunar.
Þetta myndi binda hendur Þjóðkirkjunnar um ráðstöfun íjármuna og gæti valdið
togstreitu ef breytt væri um stjórnarfyrirkomulag, sbr. eftirfarandi ummæli
Ríkisendurskoðunar:
„I þessu sambandi er og rétt að athuga að sjálfseignarstofnun verður til með þeim
hætti að reiðufé eða önnur fjárverðmæti eru með löggerningi afhent á
óafturkallanlegan hátt til ráðstöfunar í þágu sérgreinds markmiðs, sbr. nánar 2. gr.
20