Gerðir kirkjuþings - 2001, Page 30

nema lög mæli á annan veg. Fjárhagsáætlun fyrir næsta almanaksár ásamt
endurskoðuðum reikningum liðins árs skal leggja fram til umræðu og ályktunar".
V. Önnur mál
Kirkjudagar
Kirkjudagar á Jónsmessu voru haldnir á Skólavörðuholti. Talið var að um 3000 manns
hafi sótt Kirkjudagana og kom fólk af öllu landinu. Veittir voru styrkir til margra
prófastsdæma til að standa straum af kostnaði við ferðir og auðvelda þannig þátttöku.
Kirkjuráð stóð straum af kostnaði við Kirkjudagana. þ.m.t. launum verkefnisstjóra.
Ráðið var með eina af mörgum málstofum á Kirkjudögunum og var þar fjallað um
margt af því sem ráðið fæst við. Verkefnisstjóri hefur skilað áfangaskýrslu um
Kirkjudagana en mun skila lokaskýrslu til ráðsins síðar. Áfangaskýrslan fylgir hér
með. Kirkjuráð þakkar öllum þeim sem stóðu að framkvæmd Kirkjudaga á Jónsmessu
og góðar undirtektir presta, sókna, stofnana kirkjunnar og almennings.
Samstarfssamningar
Á árinu voru gerðir nokkrir samstarfssamningar um embætti presta þ.e. við
Hjallasókn, Digranessókn og KFUM og K o. fl. Kostnaði við prestsembætti í
Hjallaprestakalli og Digranesprestakalli er skipt til helminga á móti sóknunum. Greitt
er 25% kostnaðar við starfrækslu embættis Miðborgarprests. Þá var gert samkomulag
við Lágafellssókn um samnýtingu sérþjónustuprestsembættis. Prestur fatlaðra þjónar
að hluta með sóknarpresti í Mosfellsprestakalli en nýtur á móti starfsaðstöðu í
safnaðarheimili sóknarinnar og sinnir þaðan sérþjónustunni. Þetta er í samræmi við
þann vilja Kirkjuþings að fjársterkar sóknir taki þátt í kostnaði við embættin. Þá skal
þess getið að Biskup Islands varð við beiðni formanns Prestafélags íslands um að
leggja honum til aðstoð við þjónustu í prestakalli hans, til að styðja við starf hans sem
formanns félagsins, sem er viðamikið og krefjandi starf. Slíkt fyrirkomulag tíðkast á
Norðurlöndum og hafði verið rætt hérlendis án þess að það kæmi til ffamkvæmda fyrr
en nú.
Þá hafa einnig verið gerðir samstarfssamningar um störf fræðslufulltrúa á
Biskupsstofu sem hafa verið lagðar til landsbyggðarinnar þ.e. annars vegar fyrir
Norðurland eystra (70%) og hins vegar Norðurland vestra (30%) og eru þau störf á
ábyrgð prófastanna. Auk þess er lagt er til skrifstofuhúsnæði á Akureyri og rekstrarfé
fyrir fræðslufulltrúann áNorðurlandi eystra. Fræðslufulltrúi á Norðurlandi vestra
nýtur húsnæðisaðstöðu á Löngumýri og fær rekstrarfé.
Rétt þykir að minna á samkomulag milli Biskups íslands og Kirkjumiðstöðvar
Austurlands um stuðning við fræðslustarf á Austurlandi en það kom í stað stöðu frá
Biskupsstofu vegna fræðslufulltrúa þar.
Kirkjuvefurinn
Nú stendur yfir heildarendurskoðun á heimasíðu kirkjunnar “kirkjan.is”. Kirkjuráð
hefur sett upp til bráðabirgða heimasíðu undir “kirkjurad.is”. Þar er að finna lög og
reglur, upplýsingar um sjóði og umsóknareyðublöð auk margvíslegra annarra
gagnlegra upplýsinga. Efnið verður sett inn á stofnanahluta kirkjuvefsins þegar hann
verður tilbúinn. Þá er verið að vinna að vefsíðu fyrir Kirkjuþing og er hún kynnt hér á
Kirkjuþingi.
26