Gerðir kirkjuþings - 2001, Side 80

6. Önnur gögn sem Kirkjuráð kann að óska eftir.
8. gr.
Jöfnunarsjóður skal halda afskriftareikning vegna veittra ábyrgða og skal hann á
hverjum tíma gefa raunhæfa mynd af áætluðum afskriftum allra ábyrgða sjóðsins.
Varasjóður ábyrgðardeildar skal hið minnsta nema % af heildarábyrgðum deildarinnar
umfram 1/3 af tekjum sjóðsins, þó eigi minna en sem nemur áætluðum afskriftum.
9. gr.
Kirkjuráð skal fylgjast með rekstri þeirra aðilja sem Jöfnunarsjóður sókna hefur
gengist í ábyrgð fyrir. Ábyrgðarþegar skulu láta í té ársreikninga ásamt skýrslum,
bókhaldsgögnum og skýringum, er Kirkjuráð telur nauðsynlegar vegna eftirlits síns.
10. gr.
Jöfnunarsjóður á þess ætíð kost að greiða gjaldfallnar afborganir og vexti og getur þá
skuldareigandi ekki gjaldfellt alla skuldina.
11. gr.
Nú verða vanskil á láni er Jöfnunarsjóður hefur tekið sjálfskuldarábyrgð á og getur þá
skuldareigandi krafið sjóðinn beint um greiðslu skuldarinnar og þarf ekki að ganga að
öðrum tryggingum vegna hennar.
12. gr.
Nú fellur ábyrgðargreiðsla á Jöfnunarsjóð og getur þá Kirkjuráð haldið eftir af
andvirði veittra styrkja úr sjóðnum til skuldara, ef því er að skipta.
13. gr.
Reglugerð þessi sem sett er samkvæmt heimild í 9. gr. laga um sóknargjöld o.fl. nr.
91/1987 öðlast gildi 1. janúar 2002.
Send til kirkjumálaráðherra
76