Gerðir kirkjuþings - 2001, Side 84

Tillaga að starfsreglum um fastanefndir Þjóðkirkjunnar.
19. mál, flutt af Halldóri Gunnarssyni
Fastanefndir kirkjunnar eru jafnframt löggjafarnefnd, fjárhagsnefnd og
allsherjamefnd Kirkjuþings, sem kjörið er árlega til í upphafi hvers
Kirkjuþings. Kirkjuráð ákveður árlega í hvaða nefndum Kirkjuráðsmenn sitja,
þannig að minnst einn Kirkjuráðsmaður á sæti í hverri nefnd. Formenn eru
kosnir árlega af Kirkjuþingi.
Formaður fastanefndar kallar nefndina saman minnst einu sinni á ári og oftar ef
nauðsyn ber og þá í samráði við forseta þingsins.
Fastanefndirnar taka við málum, sem Kirkjuráð vísar til þeirra til undirbúnings
fyrir störf Kirkjuþings. Fjárhagsnefnd fjallar sérstaklega um reikninga
Þjóðkirkjunnar og fjárhagsáætlun hennar.
Greinargerð
Tillaga að þessum starfsreglum eru settar samkvæmt 22. gr. laga nr.78/1997.
Með þessum tillöguflutningi er komið til móts við þær óskir sem fram hafa
verið settar um að Kirkjuþingsfulltrúar geti kynnt sér mál Þjóðkirkjunnar betur
og búið sig þannig undir störf á Kirkjuþingi með því að vera búnir að forvinna í
nefndarstörfum ákveðin umfjöllunarmál sem Kirkjuþing fjallar um. I tillögunni
er kveðið á um að aðeins Kirkjuráð, sem framkvæmdaraðili Þjóðkirkjunnar,
geti vísað málum til fastanefndanna. Þær taki að öðru leyti ekki upp mál til
umfjöllunar.
Að tillögu löggjafarnefndar samþykkti Kirkjuþing að vísa málinu til
Kirkjuráðs.