Gerðir kirkjuþings - 2001, Qupperneq 98

Tillaga til þingsályktunar um Kirkjuþingskosningar
26. mál, flutt af allsherjamefnd
Að tillögu allsherjamefndar samþykkti Kirkjuþing eftirfarandi
ÁLYKTUN
Kirkjuþing 2001 felur Kirkjuráði að skipa þriggja manna nefnd til að semja tillögur
um nýskipan kosninga til Kirkjuþings þar sem jafnréttisáætlun kirkjunnar verði höfð
að leiðarljósi. Nefndinni er ætlað að meta kosti og galla núverandi fyrirkomulags,
kanna hvort æskilegt væri að stækka kjördæmin og meta hvort landið gæti verið eitt
kjördæmi, skoða hvort æskilegt væri að hafa listakosningu þar sem ffarn yrðu bomir
málefnalistar og leggja fram tillögur um nýjar reglur. Nefndin skal taka tillit til
jafnréttissjónarmiða. Tillögur skulu lagðar fyrir Kirkjuþing 2002.
94