Gerðir kirkjuþings - 2001, Page 104

Lokaorð forseta Kirkjuþings
Á þessu Kirkjuþingi hafa verið tekin fyrir 26 mál. frv. til laga. starfsreglur. tillögur,
skýrslur o.fl. Það er athyglisvert, að allar starfsreglumar fjórar, sem hafa verið settar á
þessu þingi, eru til lítilla breytinga á öðrum eldri. Það segir bæði þá sögu, að setning
nýrra starfsreglna mun ekki verða umfangsmikið verkefni á næstu árum og ekki síður,
að reynslan hefur kallað á furðulitlar bre\tingar á hinum eldri. Ályktanir þingsins hafa
hins vegar orðið þrettán.
Kirkjuþing er nú að ljúka störfum á síðasta ári hins fyrsta kjörtímabils á grundvelli
laganna um stöðu, stjóm og starfshætti kirkjunnar frá 1997. Eins og ffam hefur komið
hafa störf þingsins síðustu árin fyrst og ffernst mótast af setningu hins \ tri ramma um
starfsemi kirkjunnar, sem það fékk þá réttindi og skyldur til að gera. Það hefur sett
nokkuð svip sinn á þá vinnu, að okkur hefur að ýmsu leyti fundist fyrirmæli laganna
ekki nógu skýr og um önnur atriði væri eðlilegra að Kirkjuþing hefði frjálsar hendur.
Það sama hefur einnig komið ffam á þessu þingi.
Sjálfsagt hefðu viðhorf og vinnubrögð okkar við þetta verk verið önnur hefðum við
haft reynslu þessara ára, þegar við hófum störfin á fyrsta þinginu, þó að væntanlega
hefðum við komist að svipaðri niðurstöðu. Engu að síður er mikilvægt að Kirkjuráð
reyni nú að loknum þessum lærdómstíma að meta hvemig árangurinn hefur orðið á
vettvangi einstakra starfsreglna, hvemig er heildarmyndin, sem þær móta. hvemig hafa
ákvæði þeirra reynst og hvað kunni þar að skorta á. Við slíka úttekt ber okkur öðrurn
fulltrúum að leggja Kirkjuráði lið, að við hver og einn komum hugmyndum og
ábendingum á framfæri við Kirkjuráð um það, sem við teljum að betur þurfi og geti
farið.
Þó að með lögum og starfsreglum sé nauðsynlegt að mæla fyrir um verksvið einstakra
stofnana kirkjunnar, þá verður líka að gæta þess, að þær verði ekki til að byggja
óæskilega múra milli þeirra. Fyrst og fremst ber þá að hafa í huga, að stofnunum er
ætlað að vinna að sama markmiði og taka saman höndum við það.
Margar hefðir, skráðar og óskráðar, ríkja innan kirkjunnar. Það þarf að íhuga vel, hvort
innan hinnar nýju skipunar hjá kirkjunni megi ekki líka skapa óformlegar venjur og
siði, sem tengja alla traustari böndum en unnt er með nokkrum öðrum hætti við hina
sameiginlegu þjónustu, þar sem styrkur hvers og eins er ávinningur allra.
Við þinglok þakka ég húsráðendum í Grensáskirkju fyrir framúrskarandi góðar
móttökur í þessum veglegu húsakynnum. Þetta þing er það síðasta á kjörtímabilinu. Eg
þakka Kirkjuþingsfulltrúum, varaforsetum, skrifurum og öðrum, fyrir samstarfið á
þessum árum við hina miklu og sem betur fer, árangursríku vinnu, sem hefur náðst
með sameiginlegu átaki. Jafnffamt vil ég þakka það umburðarlyndi, sem mér hefur
verið sýnt, þrátt fyrir vinnuhörku, a.m.k. á fyrri árum. Þá vil ég þakka hinu ágæta
starfsfólki Kirkjuþings fyrir alúð og ósérhlífni í sinni jákvæðu þjónustu. Síðast en ekki
síst þakka ég biskupi Islands fyrir vináttu og stuðning. Það er að sjálfsögðu ómetanlegt
að hafa slíkan samverkamann, sem alltaf er reiðubúinn að leggja góðum málum lið og
leysa vanda.
Efst í huga er sú ósk, að Kirkjuþingi auðnist á komandi árum að efla styrk sinn og
íslensku kirkjunnar, svo að áhrif hennar verði sem mest í samfélaginu til að það þroskist
á guðsríkisbraut.
100