Bændablaðið - 17.07.2014, Blaðsíða 12
12 Bændablaðið | Fimmtudagur 17. júlí 2014
Fréttir
Bygggrasræktunarskápar Fóðurlausna vöktu athygli á Landsmóti hestamanna:
„Viðtökurnar framar
björtustu vonum“
– segir Einars Nilsen, þjónustustjóri fyrirtækisins
Einars Nilsen, þjónustustjóri fyrirtækisins, sýndi gestum á Landsmóti hestamanna á Hellu bygggrasræktunarskáp
sem vakti mikla athygli. Myndir HKr.
Mikill áhugi virðist vera á
ræktun bygggrass í sérstökum
ræktunarklefum sem fyrirtækið
Fóðurlausnir hefur verið að kynna
að undanförnu. Greint var frá
þessu í síðasta Bændablaði og var
fyrirtækið með sýningarklefa á
Landsmóti hestamanna á Hellu í
síðustu viku.
Einars Nilsen, þjónustustjóri
Fóðurlausna, segir að kornið sexfaldi
þyngd sína á sex dögum við að láta
það spíra í vatnsbaði og láta vaxa
upp af því bygggras. „Þá tólffaldast
næringargildið á sama tíma í samspili
raka, hitastigs og ljóss.“ Samkvæmt
þessu ætti að vera augljós ávinningur
hjá bændum sem þurfa að nota
korn m.a. við mjólkurframleiðslu
að margfalda ávinninginn af
kornnotkuninni. Þá segir Einar að
sauðfjárbændur hafi einnig sýnt
þessari aðferð mikinn áhuga.
Í ræktunarskápunum er
vaxtarferlinu stýrt við nákvæmt hita
og rakastig auk lýsingar. Skáparnir
eru þannig hannaðir að þeir eiga að
vera algjörlega óháðir lofthitanum
úti. Er ræktunarskápurinn sem
kynntur var á hellu hannaður fyrir
aðstæður í Alaska og á að virka
þó hann standi úti í allt að 40 stiga
frosti. Allur frágangur skápanna
er miðaður við að þeir geti staðið
undir berum himni. Við skápana þarf
síðan einungis að tengja rafmagn
og garðslöngu fyrir vatnið. Afköst á
skáp eins og þarna var sýndur eru að
meðaltali 50 kg af ferskfóðri á dag,
eða 300 kg á sex daga vaxtartíma.
Skáparnir eru síðan til í ýmsum
stærðum.
Hugmyndin á bak við Fodder
Solutions er áströlsk en búið er að
setja upp samsetningarfyrirtæki í
Bandaríkjunum. Þurrt kornið er
einfaldlega sett á sérstaka bakka
sem fara í ræktunarskápinn. Eftir sex
daga kemur út um 8 kg grasmotta
með rótum. Þar sem þetta er ræktað
í vatnsbaði eru engin jarðvegsefni
með þessu þannig að kýr og sauðfé
geta étið grasmotturnar upp til agna.
Viðtökur framar björtustu vonum
„Bændur sem eru að gefa bygg geta
sexfaldað þyngdina á fóðrinu með
þessu móti og búið til ferskt fóður
sem er margfalt næringarríkara og
mun auðmeltara en hreint bygg.
Þannig ná menn hámarksafköstum
út úr bygginu.“
– En hvernig hafa bændur tekið
þessari nýjung?
„Viðtökurnar hafa verið framar
björtustu vonum. Hér á sýningunni er
búið að handsala tveim samningum.
Hugmyndin hjá okkur er síðan að
fara hring um landið og sýna þennan
búnað. Þá stefnum við á að byrja í
Skagafirði og fara norður í Fljót, þar
sem snjóaði á dögunum.
Það hafa komið til okkar
kúabændur að skoða þetta og líka
fjárbændur. Einn fjárbóndi taldi sig
t.d. aðeins þurfa að auka fallþungann
hjá sér um eitt kíló fyrir slátrun til
að greiða upp slíka einingu á tveim
árum,“ sagði Einar. Taldi hann að
fyrir kúabónda gæti svona kerfi
verið að borga sig upp á 12 til 18
mánuðum og þá ef litið væri einungis
til þess að bóndinn gæti helmingað
kjarnfóðurkostnað sinn. /HKr.
Bændablaðið
Smáauglýsingar 56-30-300
Landsmót hestamanna fór
fram samkvæmt venju og nú
á Gaddstaðaflötum við Hellu.
Veðurguðirnir settu mark
sitt á mótið og sannarlega
spillti rigning, rok og kuldi
mótshaldinu framan af, en þó
voru tveir síðustu dagarnir
veðurfarslega ágætir.
Dró að þúsundir manna
Landsmótið er stærsta
landbúnaðarhátíð sem haldin er
hér á landi og ein fjölmennasta
útihátíð landsins. Landsmótið
var velsótt þótt ljóst sé að veðrið
hafi dregið nokkuð úr aðsókn.
Hitt skal svo sagt hér að fáir ef
nokkur atburður annar, fengi
þúsundir manna allsstaðar að úr
heiminum til að fylla brekkurnar af
fólki dag eftir dag í kulda og trekki
eða slagveðri annar en íslenski
hesturinn.
Hestamenn báru lof á
ræktunarstarfið og mér er til efs
að nokkru sinni hafi svo margir
glæsihestar og snilldarreiðmenn
komið til landsmóts eins og nú.
Hér áður var allt nokkuð vitað
fyrir fram þá báru nokkrir hestar
og hestamenn höfuð og herðar
yfir aðra en nú koma til leiks tugir
hesta og afreksknapa og ekkert er
fyrirséð fyrr en að dómarar ljúka
störfum, hver sigrar. Eigi að síður
komu nú fram einstakir höfðingjar
sem báru af í sínum flokki og
voru aldrei í hættu, þeir Spuni frá
Vesturkoti í A-flokki gæðinga og
Loki frá Selfossi í B-flokki, annar
með 9,30 og hinn 9,39. Þessir
hestar báðir eru svo stórkostlegir
á góðum degi að margt í þeirra
fari og fasi er svo flott að manni
finnst það ekki af þessum heimi.
Þar sýndu Þórarinn Ragnarsson og
Sigurður Sigurðarson snillingana
og hestamenn og knapar voru í
fremstu röð.
Engu að kvíða
Engu er að kvíða um framtíðina
hvað hestakostinn varðar, en Arion
frá Eystra-Fróðholti, Stormur frá
Herríðarhóli og Konsert frá Hofi
voru stórkostlegir ásamt mörgum
öðrum yfirburðahestum. Arion
banki ætti að verðlauna sjálfan
sig með nafna sínum og semja
um að gera sérstakan sparibauk
honum til heiðurs því bankinn ber
nafn hestsins en ekki öfugt, Ársæll
Jónsson var á undan með nafnið.
Heiðursverðlaun hlutu svo tveir
merkir stóðhestar, þeir Vilmundur
frá Feti og Stáli frá Kjarri.
Hestamenn eiga stórleik
Ég óska hestamönnum innilega
til hamingju með Landsmótið og
okkur öllum til hamingju með
hestinn og reiðmennina snjöllu,
frábært fólk. Eftir þetta landsmót
verða aðstandendur landsmótsins
að setjast niður og velta fyrir sér
framtíðinni.
Ég fann að nokkur þreyta er
kominn í hestamenn með að mótið
skuli standa yfir í átta daga. Bæði er
það langur tími og mjög dýrt fyrir
þá sem bera uppi þungann á mótinu,
hestamennina og hrossabúgarðana.
Spurningin er þessi, er hægt að
fækka dögum um helming, fara
niður í fjóra landsmótsdaga í stað
átta?
Er hægt að fækka hrossum
skráðum inn á landsmót um
helming?
Er hægt að byggja upp enn
meiri spennu og hátíðleika, ekki
síst inn á tvo síðustu dagana, að
þeir verði nokkurs konar þjóðhátíð
eða þjóðarleikar sem flestir vilja
upplifa og fjölga fólki verulega sem
sækir mótið?
Ég sá gott viðtal við hrossa-
bóndann á Hofi í Skagafirði, Baltasar
Kormák, kvikmyndaleikstjórann
snjalla, sem setti fram sterkar
skoðanir um breytingar sem ég
get tekið undir. Nú er rétti tíminn
að ræða breytingar. Það eru aðeins
þeir bestu sem eiga erindi inn á
landsmót. Hátíð þarf að vera stutt
og snörp og hátindurinn hverju
sinni með mikið aðdráttarafl,
því verða hestamenn að meta
aðstæður landsmótanna upp á
nýtt. Hinn stóri atburðurinn er svo
heimsmeistaramótið um íslenska
hestinn sem fram fer annað hvert
ár í Evrópu.
Nú eru menn vonandi hættir
að deila um staðsetningu
landsmótanna, þar eru þrír staðir
sterkastir; Hella, höfuðborgar-
svæðið og Skagafjörðurinn, að
vísu með þeirri breytingu að
mínu mati að færa mótið heim
að Hólum aftur. Hólar hafa allt
til að bera sem landsmótsstaður
og þar verður fjárfestingin
m.a. nýtt af Háskólanum og
hestamönnum árið um kring.
Fyrir utan hitt að Hjaltadalurinn
með sína sögu og fegurð er síst
verri en Vindheimamelar. Og
uppbyggingin heima á Hólum
væri landsmóti mikilvæg og öfugt.
Það verður spennandi að fylgjast
með umræðunni um landsmótin
í hesthúshornunum hringinn í
kringum landið. Hestamenn eiga
leik og það stórleik.
Guðni Ágústsson, fyrrverandi landbúnaðarráðherra:
Glæsihestar og
snilldarreiðmenn
Byggið, sem sést hér í miðjubakkanum í neðri hillunni, verður að tilbúnu
fersku næringarríku fóðri fyrir búfé á sex dögum.
Framleiðsluskáparnir eru smíðaðir í Bandaríkjunum og eru mjög vandaðir.
Þeir eru gerðir til að geta sinnt hlutverki sínu í allt að 40 stiga frosti.