Ritröð Guðfræðistofnunar - 01.01.2001, Page 137

Kristján Valur Ingólfsson
Krákustígur eða kláfferja
Staða og hlutverk praktískrar guðfrœði í samtímanum
séð útfrá sögu guðsþjónustunnar á Islandi í þúsund ár
Svissnesku Alparnir eins og þeir birtast í myndabókum eða á skjánum eru
öðruvísi en íslenskt fjalllendi. Samt er á mörgum stöðum ótrúlega margt líkt.
Sá sem hér stendur hefur til dæmis gengið vissar slóðir þar og hugsað: Er ég
í Sviss eða er ég frammi á Garðsárdal í Eyjafirði og leita kinda?
Möguleikar til ferða eru bæði líkir og ólíkir. Eins og hér má þar feta mjóa
stigu eða alveg enga, og þræða fyrir stórgrýti og þústir. Þar eru krákustígir.
En svo má lfka taka sér far með kláfferju og svífa milli tinda og nálgast
eftir mætti kráku á flugi en ekki á fæti. Þannig getur nálgun veruleikans ver-
ið með mjög svo ýmsu móti í Svissnesku Ölpunum, og eru þeir hér með úr
sögunni.
I.
Guðfræðingurinn Dieter Rössler hefur búið til setningu um praktíska guðfræði
sem er þannig við fyrstu nálgun sem rísi Esjan upp við fætur þér og kalli til
náinna kynna en þú sért þegar móð(ur).
Tilraun til þýðingar á þessari setningu er svona:
Praktísk guðfrœði er tenging á milli grundvallaratriða hinnar kristnu arf-
leifðar í Ijósi samtíma reynslu og hinnar vísindalegu teóríu sem ber grund-
vallar ábyrgð á hinni sögulegu birtingarmynd kirkjunnar og sameiginlegu lífi
hinna kristnu í kirkjunni.1
1 „Praktische Theologie ist die Verbindung von Grundsazen der christlichen Uberlieferung
mit Einsichten der gegenwartigen Erfahrung zu der wissenschaftlichen Theorie, die die
Grundlage der Verantwortung fiir die geschichtliche Gestalt der Kirche und fiir das
gemeinsame Leben der Christen in der Kirche bildet”. Rössler, Dietrich: Grundriji der
Praktischen Theologie. 1986. 3. Sjá einnig: Wintzer Friedrich, Praktische Theologie (unt-
er Mitarbeit von Manfred Jossutis, Dietrich Rössler, Wolfgang Steck) 5.erw. Aufl.
Neukirchen 1997.
135