Ritröð Guðfræðistofnunar - 01.01.2001, Page 156

Hlaupandi fyrirsögn
ingar til að hún verði lokuð í fílabeinsturni fræðanna. Hún á að að legga sitt
af mörkum til að efla skilning manna á ólíkum trúarskoðunum og lífsskoð-
unum og efla umburðarlyndi. Til þess að lifa og starfa í þjóðfélagi nútímans
þarf maðurinn að tileinka sér þekkingu og tækni í auknum mæli. Aðferðir fé-
lagsvísindanna hafa gegnt lykilhlutverki í öflun nauðsynlegrar þekkingar í nú-
tímanum, enda má segja að uppruni nútímans og þessara vísinda sé sameig-
inlegur. Guðfræðingar verða að þekkja, skilja og nota þessar aðferðir í þekk-
ingaröflun, og það má hiklaust fullyrða að framtíð guðfræðinnar sé undir því
komin að hún nýti sér þá möguleika, sem fólgnir eru í aðferðum félagsvís-
indanna.
Guðfræðin rannsakar þá texta sem trúarstofnanirnar byggja tilveru sína á,
texta sem opinbera tilvist guðs, vilja hans, boð og bönn. Guðfræðin við Há-
skóla íslands er til vegna kirkjunnar og safnaðanna. Hún er stunduð vegna
þess að samfélagið þarf á upplýstri umræðu um trú að halda og hún þarf að
geta greint þátt kirkju og trúar í sögu íslenskrar menningar. Hlutverk
guðfræðinnar er að leggja grunn að samræðum um trúmál byggðum á þekk-
ingu þar sem skoðanaskipti eru óþvinguð, hreinskilin og upplýsandi. Guðfræð-
in er stunduð í samfélagi fræðanna vegna þess að hún opnar víddir til skiln-
ings á tjáningu, táknum og samskiptum manna sem annars mundu daga uppi
í heimi fræðanna. Guðfræðin á að vera í virkum samskiptum við aðrar frœði-
greinar þeirra vegna - og sín vegna einnig. Á þetta hefur skort hér á landi og
því má segja að guðfræðin á íslandi geti horft björtum augum til nýrrar ald-
ar - því ekki vantar verkefnin.
Hver háskóli sem ætlar sér að standa við þær kröfur, sem gera á til æðstu
menntastofnana á komandi öld verður að búa svo í haginn að guðfræði sé
stunduð þar af krafti - þar sem ólíkum aðferðum er beitt við hin margbrotnu
viðfangsefni hennar.
154