Ritröð Guðfræðistofnunar - 01.01.2001, Síða 193

Leif Grane
í byrjun ársins 2000 andaðist í Kaupmannahöfn prófessor Leif Grane (f. 1928)
eftir stutt en erfið veikindi. Grane var prófessor í kirkjusögu við guðfræði-
deild Kaupmannahafnarháskóla og var sérsvið hans síðmiðaldir og siðbótin
og einkum Marteinn Lúther og guðfræði hans. Prófessor Grane var íslend-
ingum að góðu kunnur. Hann var lengi garðprófastur á Regensen eða Garði
í Kaupmannahöfn en söguleg tengsl fslendinga við þann stað eru mikil. Hann
leitaðist við að greiða götu íslenskra guðfræðinga er leituðu til Kaupmanna-
hafnar. Þegar Kaupmannahafnarháskóli hélt upp á 500 ára afmæli sitt árið
1979, gaf Háskóli Islands honum í afmælisgjöf að bjóða forsetum háskóla-
deildanna í Höfn hingað til lands. Grane var þá forseti guðfræðideildar Hafn-
arháskóla og kom ásamt konu sinni í hópi hinna deildarforsetanna vorið 1980
og hélt fyrirlestur í guðfræðideild og var efni fyrirlestrarins valið í tilefni af
450 ára afmæli Ágsborgarjátningar en um skeið var skýringarrit hans um Ágs-
borgarjátningu notað sem kennslubók við guðfræðideild. í framhaldi af heim-
sókn sinni hingað til lands árið 1980 beitti Grane sér fyrir söfnun á bókum
meðal starfssystkina sinna í Höfn og voru þær gefnar guðfræðideildinni hér.
Grane kom öðru sinni til landsins haustið 1991 er hann tók þátt í dómnefnd-
arstörfum á vegum deildarinnar og flutti þá almennan fyrirlestur. Guðfræði-
deild samþykkti að veita honum heiðursdoktorsnafnbót í guðfræði í tilefni af
150 ára afmæli Prestaskólans árið 1997 og kom hann þá til íslands þriðja sinn
og flutti fyrirlestur við deildina.
Leif Grane var í hópi fremstu Lútherfræðinga samtímans. Doktorsritgerð
hans frá árinu 1962 fjallaði um samband Gabriel Biels og Lúthers: Contra
Gabrielem. Luthers Auseinandersetzung mit Gabriel Biel in der Disputatio
contra Scholasticam Theologiam 1517.1 kjölfarið fylgdu nokkur rit um guð-
fræði hins unga Lúthers á þýsku og að auki skrifaði hann fyrir norrænan les-
endahóp á móðurmáli sínu. Þegar Kaupmannahafnarháskóli hélt upp á 500
ára afmæli sitt, sat Leif Grane í ritstjórn afmælisrits skólans, Kpbenhavns uni-
versitet 1479-1979, og ritaði sjálfur sögu guðfræðideildar sem er 5. bindi rit-
verksins. Auk starfa sinna sem prófessor, gegndi Grane um árabil embætti að-
stoðarprests við Trinitatis kirkju í Kaupmannahöfn og prédikaði þar reglulega.
Prófessor Grane var minnisstæður þeim sem kynntust honum, gáfaður, fjöl-
191