Ritröð Guðfræðistofnunar - 01.01.2002, Blaðsíða 17

Pétur Pétursson
Guðfræðingurinn og guðsmaðurinn
Sigurbjörn Einarsson
/
Erindi mitt fjallar um trúmanninn og guðfræðinginn Sigurbjöm Einarsson
og guðfræðiskoðanir hans. Hann á að baki sex áratuga starf í þjónustu guð-
fræðideildar Háskóla íslands og kirkju þessa lands. Níræðisafmæli Sigur-
bjöms er nýafstaðið og við fetum okkur nú inn í nýja öld, nýtt árþúsund.
Ekki er úr vegi að nota þetta tækifæri til að spyrja um framtíðina og reyna
að greina það markverðasta og nýtilegasta á nýliðinni öld. Lífssaga Sigur-
bjöms er saga um trúarbaráttu og sigur í þeirri baráttu og við getum öll af
henni lært.
Því fer fjarri að erindi mínu sé ætlað að vera endanlegt mat eða heildar-
úttekt á starfsævi Sigurbjörns. Auk þess má alltaf búast við bók frá
Sigurbirni og þess vegna sér engan veginn fyrir endann á starfi hans.
Fyrir þremur vikum fjallaði Sigurbjörn um predikunina og undirbúning
hennar á málstofu í kennimannlegri guðfræði fyrir nemendur á lokaári
guðfræðinámsins hér í guðfræðideildinni. Það var vel hlustað á framlag hans
og tekið eftir hverju orði. Að mínu mati eiga prestar og djáknar íslenskra
safnaða ekki kost á betri undirbúningi en þeim sem þar var boðið upp á.
Það eru forréttindi bæði fyrir nemendur og kennara í guðfræði að vera
samskipa Sigurbirni þegar siglt er út í óvissan tíma í upphafi þessarar aldar.
Veður eru válynd og eins gott að vita úr hverju skútan er gerð og hvert ferð-
inni er heitið.
II
Mannfræðingurinn Mary Douglas hefúr sett fram kenningu þess efnis að það
gæti verið samsvörun milli manna í lykilstöðum og ákveðinna tímabila í
sögu þjóða og hreyfinga. Glíma þessara manna, barátta, áhyggjur og hug-
sjónir gefa innsýn í menningu og þjóðfélag. Það getur verið svo greinileg
samsvörun milli einstaklings og samfélags að í framkomu, fasi og stíl ein-
15