Morgunblaðið - 02.07.2015, Qupperneq 24

Á FERÐINNI
Benedik Bóas
benedikt@mbl.is
Ferðamannafjöldinn skreið í fyrsta sinn
yfir milljón á síðasta ári og hefur þre-
faldast síðan árið 2000. Ekki er talið sér-
staklega hve margir fara Gullna hring-
inn; á Þingvelli, Gullfoss og Geysi, en
samkvæmt tölum Ferðamálstofu fara
61% vetrargesta og 72% sumargesta
þennan hring. Að mati Ferðamálastofu
aflar ferðaþjónustan nú meiri gjaldeyr-
istekna en sjávarútvegurinn og ál-
framleiðslan. Tekjur af erlendum ferða-
mönnum innanlands námu 158,5
milljörðum árið 2014 eða 27 milljörðum
meira en árið 2013 sem er 20% aukning.
Ísland gerir margt vitlaust
Morgunblaðið slóst í för með ferða-
mönnum um Gullna hringinn og spurði
þá um upplifun sína af Íslandi. Allir við-
mælendur voru á einu máli um að nátt-
úran og landslagið væri það sem þeir
myndu muna eftir. Eftir smá spjall kom
hinsvegar í ljós að áhyggjur þeirra af
landinu voru töluverðar. Einn ferðamað-
ur við Gullfoss sagði að Ísland væri að
gera ansi margt vitlaust. Tollurinn hefði
verið lélegur, ekki leitað í einni tösku og
hann bjóst við að strangari reglur yrðu
settar innan tíðar.
Annar lýsti öryggisleysinu við Gullfoss
og skildi ekki hvað lítill spotti ætti að
stöðva. Við Geysissvæðið fannst einum
svæðið lítið og átti erfitt með að sjá
Strokk gjósa. Það var hinsvegar allt í
blóma á Þingvöllum að sögn viðmælenda,
en rútur með Ítölum, Frökkum og Jap-
önum komu þegar Morgunblaðsmenn
bar að garði og töluðu þeir enga ensku.
Ekki voru margir Íslendingar á ferð
um hringinn þennan þriðjudag en þeir
sem unnu á bak við afgreiðsluborðið
segja að þeim fjölgi um helgar. Rúmlega
37% Íslendinga ferðuðust um hringinn á
síðasta ári.
Ofboðslega dýrt að stoppa
Áberandi er hversu dýrt er að kaupa
sér mat og drykk á þjónustumiðstöðvum.
Klósettferð á Þingvöllum kostar 200
krónur en ókeypis var að létta á sér á
Geysi og við Gullfoss.
Fyrir einn kaffibolla á Þingvöllum,
Djæf-íspinna, Flórídana-safa, langloku
og pínulítið hangikjötsflatbrauð þurfti að
reiða fram rúmar 2.000 krónur. Á Geysi
er falleg miðstöð, sem minnir um margt
á vel hannaðan flugvöll þar sem allskyns
mállýskur mátti finna. Þar var svo mikið
að gera að ferðalangar blaðsins fengu
sér ekkert í gogginn. Við Gullfoss kost-
aði heit samloka 1.550 krónur. Hún var
köld þegar hún kom á borðið. Það er
hægt að kaupa allskonar ferðamanna-
varning í þessum þrem þjónustu-
miðstöðvum. Frá íslenskri hönnun upp í
rándýrar úlpur frá 66°Norður. Lundar
og eldgosanammi auk póstkorta og minja
frá Íslandi eru á víð og dreif. Þá var
hægt að kaupa íslenskt fjallaloft á 1.100
krónur.
Þá var einnig áberandi hve stóru
jöklajepparnir eru erfiðir viðureignar á
vegunum og á bílastæðunum við Gullna
hringinn.
Hreinlæti er hinsvegar alls staðar
gott, hvort sem er innanhúss í þjónustu-
miðstöðvunum eða úti á svæðinu. Það er
greinilega mikið lagt upp úr hreinlætinu
því töluverður fjöldi starfsmanna var
við störf við Þingvelli að tína upp laus-
legt rusl sem hafði fallið til. Klósett
voru alls staðar hrein og engin biðröð
við þau. Ferðamenn passa einnig upp á
sitt og henda ekki neinu rusli út í nátt-
úruna. Einn missti tóman kaffibolla við
Gullfoss en bollinn var gripinn af Svía
sem kom honum í ruslið.
Ánægja ferðamanna mikil með
Gullna hringinn en stutt í áhyggjur
 Ferðamenn lýsa upplifun sinni af Íslandi og Gullna hringnum  Tekjur af erlendum ferðamönnum
námu 158,5 milljörðum á síðasta ári  Í fyrsta sinn komu fleiri en milljón ferðamenn á árinu 2014
24 FRÉTTIRInnlent
MORGUNBLAÐIÐ FIMMTUDAGUR 2. JÚLÍ 2015
Nick frá Sydney í Ástralíu segir að þegar Ástralar ferðist sé
það langt og strangt ferðalag.
„Af hverju er ég hér? Þetta er bara allt svo mikið öðruvísi
hér en heima. Sumar á Íslandi er kaldara en veturinn í Ástr-
alíu og það er gott að komast aðeins í kuldann. Ég er hér með
fjölskyldunni, búinn að vera í nokkra daga og líkar vel. Ég
leigði húsbíl því að við erum svo mörg í fjölskyldunni, sem
virðist stungin af – ég allavega finn hana ekki, að við gistum á
veginum, eða á tjaldsvæðum. Ætlum að keyra hringinn í
kringum landið og njóta okkar,“ segir Nick.
Hann segir það hafa komið sér á óvart hve margir hafi
ferðast til Íslands frá Ástralíu. „Maður skynjar að hér er
sprenging meðal ferðamanna. Það hlýtur að valda landinu
miklu raski því að þetta svæði er ekki stórt og skyndilega er
allur þessi fjöldi kominn saman. Það er meira að segja erfitt
að finna stað til að sjá hverina gjósa. Kannski er fjölskyldan
farin ofar því að þar sést kannski betur. Það sést líka að Ís-
lendingar vita ekki alveg hvernig á að ráða við þessa
fjölgun.“
Einn Nick var búinn að týna fjölskyldunni sinni. Hann var þrjá daga að
komast til Íslands. „Það er allt langt í burtu frá Ástralíu,“ segir hann.
Margir samankomnir á litlu svæði
Sam og Steph frá London stóðu við Strokk á Geysissvæð-
inu og dáðust að náttúruundrinu. „Ísland er svolítið í tísku
í Bretlandi núna. Eftir að við ákváðum að fara kom okkur
á óvart hversu margir voru búnir að koma hingað og aðrir
sem vildu fara. Einn vina minna mælti með landinu fyrir
þó nokkru og við höfum verið að skoða landið á netinu
lengi síðan þá. Vinir okkar voru samt undrandi, því að
Bretar vilja fara í sólina yfir sumarið,“ segir Sam.
Hann segist kunna vel við sig á Íslandi. „Maður gerir
meira í svona veðri en að liggja bara í sólinni og það er
eins og maður eigi skilið bjór um kvöldið eftir góðan dag.“
Sam segist sjá vel að Ísland sé í tísku því þau áttu erfitt
með að sjá Strokk gjósa. „Það eru rosalega margir hérna
núna og svolítið erfitt að sjá. Ég hef velt því fyrir mér
hvað Íslendingum finnst um ferðamenn eftir að ég las að
einhver róttæklingur hefði málað Geysi bleikan. Það fannst
mér mjög skrýtið. Skrýtnast af öllu hefur mér þó fundist
allt veggjakrotið sem er víða – meira að segja á bóndabæj-
um.“
Skyrfólk Sam og Steph voru búin að heyra margt gott um landið frá Bret-
landi. Sögðust hlakka til að borða íslenskan mat, sérstaklega skyrið.
Ísland í tísku í Bretlandi
„Við höfum ekki verið lengi á landinu en það sem við höfum
séð er dásamlegt. Ég er hér með minni fjölskyldu, við leigðum
bíl og hús í gegnum Airbnb-vef á Selfossi,“ segir Sven Bon-
dold frá Danmörku. Hann segist alltaf hafa verið spenntur að
koma til Íslands og nú þegar börnin séu komin á fínan ferða-
aldur hafi verið ákveðið að taka rúnt um Ísland.
„Dvölin hefur verið góð hingað til og ekki skemmir veðrið.
Mig hefur alltaf langað til að koma til Íslands og krakkarnir
eru á góðum aldri til að ferðast þannig að við drifum okkur
bara. Það er auðvelt að fara í gegnum Airbnb-vefinn og hann
léttir manni lífið. Þegar maður á þrjú börn þá komast þau
ekki fyrir í einu hótelherbergi og þá er þetta ódýrara.“
Hann segist ekki hafa náð að sjá nógu mikið af landinu til að
sjá ummerki um aukinn ferðamannastraum, en það var hins-
vegar töluverð umferð til Þingvalla.
Dönsk og dásamleg Sven, Sofie, Eric og Anna Catrina og Dagmar.
Alltaf langað til að koma
Michael Denzel frá Þýskalandi kom hingað til lands fyrir tíu
árum. Nú er hann með fjölskyldu sinni, konu og nýfæddri
dóttur sem verður átta vikna í dag. Hann flutti inn forláta
Benz-húsbíl sem hann getur keyrt víða en hann áætlar að vera
hér í tvo mánuði.
„Ég kom til landsins fyrir viku en bíllinn hefur verið hérna í
þónokkra mánuði. Mamma og pabbi nýttu hann fyrst og óku
um landið. Við vorum að eignast litla stelpu og hún kemur til
með að ráða för. Hingað til hefur þetta verið mjög ánægjulegt
en þó er mikil breyting á fjölda ferðamanna frá því þegar ég
kom hingað fyrir rúmum tíu árum.“
Fallegur fararskjóti Michael Denzel fyrir framan bílinn sinn sem hann
flutti til landsins en inni í honum sváfu kona hans og nýfædd dóttir.
Litla stelpan ræður för
Morgunblaðið/Eggert
Myndasmiðir Ekki þarf að leita lengi á samfélagsmiðlum til að sjá hversu vinsælt
Ísland er orðið. Fjöldi manns frá öllum heimshornum staðsetur sig á Íslandi.
Pavel og Mikela frá Tékklandi eru stödd hér á landi í brúð-
kaupsferð, en þau giftu sig fyrir 10 dögum. Þau brostu út að
eyrum þegar talið barst að náttúrunni en það kom þeim á óvart
hvað þau gátu gengið um landið óáreitt. „Við vorum í Ástralíu í
heilt ár, sem var dásamlegt. Öll dýrin, ströndin og sólin. Hér er
þetta öðruvísi,“ segja þau.
Eftir Ástralíu ferðuðust þau til Nýja-Sjálands. „Vegna ferða-
manna eru mjög strangar reglur þar í landi. Það má ekki tjalda
hvar sem er og enginn má sofa í bílum. Það má ekki koma með
banana, fræ, mat eða neitt þannig því að þeir eru svo hræddir
við aðskotahlut í umhverfinu. Nýja-Sjáland og Ísland eru lík
lönd, með fallega en mjög viðkvæma náttúru,“ sögðu þau.
Þau segja Ísland nýtt fyrir ferðamenn og það sé ljóst að við
eigum langt í land. „Á næstu árum verða hér settar strangari
reglur því að þegar við lentum voru engar af töskunum okkar
skoðaðar. Við hefðum getað komið með hvað sem er inn í land-
ið. Ísland mun komast á leiðarenda, finna út hvernig er best að
gera hlutina, en núna sér maður að landið á erfitt með að taka á
móti svona mörgum.“
Nýgift Pavel og Mikela brostu út að eyrum enda stutt síðan þau giftu sig.
Ljóst að Ísland á langt í land