Morgunblaðið - 02.07.2015, Qupperneq 49

49
MORGUNBLAÐIÐ FIMMTUDAGUR 2. JÚLÍ 2015
Gripin Gleðin var við völd í útilegu í Brautarholti á Suðurlandi þar sem efnt var til keppni í að grípa kókosbollur með munninum, hvort þessari hafi verið sporðrennt á augabragði skal ósagt látið.
Golli
Ekkert það starf er
til, þar sem óvaningur
stekkur inn með
starfsreynslu og
þekkingu. Öll störf
eru þannig, að óvan-
ingur þarf að læra.
Læra að vinna, læra
hvernig er unnið og
læra hvers starfið
krefst. Þingmennska
er líka starf. Þar þarf
líka að læra hvernig á
að vinna, hvernig unnið er, hvers
starfið krefst, hvernig ná á ár-
angri – og hvernig eigi að um-
gangast samstarfsmenn. Enginn
óvaningur, enginn sem enga
reynslu hefur af félagsmála-
störfum, enga þekkingu hefur á
starfsreglum löggjafarsamkomu,
enga minnstu innsýn hefur í
hvernig stjórnmál ganga fyrir sig
og ekkert þekkir til samskipta
ólíkra skoðanahópa – enginn slík-
ur getur náð árangri á Alþingi Ís-
lendinga nema hann tileinki sér þá
starfsþekkingu, sem einber
reynsla getur veitt. Lærdómsríkt
er að lesa sögu Margrétar
Tryggvadóttur af þingveru sinni.
Um það bil sem henni var fyrst
farið að lærast hvaða reglur þurfa
að gilda í félagsmálastarfsemi,
hvað þá heldur þingmennsku, þá
rann þingmennskutíminn út.
Hröð umskipti
Svo hröð og ör umskipti hafa
orðið á síðasta áratug á fulltrúum
þjóðarinnar á þjóðþinginu að fæst-
ir hafa náð að tileinka sér þá
þekkingu á störfunum sem ein
verður lærð af reynslunni. Meðal
helstu forystumanna á þingi núna
eru einstaklingar,
sem flestum á óvart,
jafnvel ekki síst þeim
sjálfum, settust þang-
að inn og fengu svo
upp í hendurnar að
veita öðrum með svip-
aða fortíð eða öllu
heldur skort á henni
leiðsögn um hvernig
þar bæri að haga sér.
Sumum, jafnvel mörg-
um, hugnast nú ekki
að stjórnmálaleiðtog-
ar okkar hafi þurft að
ganga í gegnum skóla
reynslunnar, þurft að læra af for-
verunum. Hugnast fólkinu þá hitt
betur? Að kunna þá illa til verka –
og gera bara klúður? Stjórn-
málamenn sem taldir eru standa
undir því nafni eru jú illa liðnir?
En klúðrið? Kann fólk betur við
það?
Klúður!
Óhugsuð ákvörðun um valdbeit-
ingu við flutning Fiskistofu. Klúð-
ur! Illa undirbúin ákvörðun um
náttúrupassa. Klúður! Óígrunduð
ákvörðun um að flytja án nokkurs
fyrirvara virkjanakosti úr bið-
flokki í nýtingaflokk. Klúður!
Ákvörðun um að færa Þróun-
arsamvinnustofnun undir utanrík-
isráðuneytið að kröfu embættis-
manna þar – fjórða tilraun.
Klúður! Flutningur Þjóðminja-
safns frá menntamálaráðherra til
forsætisráðherra að ósk þess síð-
arnefnda en gegn mótmælum Rík-
isendurskoðunar. Klúður! Gjöf á
makríl til tíu fjölskyldna óend-
urkræf til sex ára. Klúður! Getu-
leysi til þess að geta lokið þing-
fundum að vori þrátt fyrir stóran
þingmeirihluta. Fordæmalaust
klúður um áratuga skeið!
Óskólagengið forystufólk
Þessi dæmi og fjölmörg fleiri
bera vott um vanhæfni. Þarna
vantar ekki viljann. Þarna vantar
getuna. Menn klúðra málunum
hverju á fætur öðru og eru gerðir
afturreka með þau – já af eigin
flokksmönnum. Þetta er ekki fólk,
sem fékk að ganga í skóla til
þeirra Davíðs Oddssonar og Hall-
dórs Ásgrímssonar – til þeirra
stjórnmálaforingja, sem ég þekkti
hvað best og höfðu sjálfir tileinkað
sér þekkinguna frá sínum for-
verum. Sem kunnu að vinna. Sem
kunnu að ná árangri. Þetta er
fólk, sem ekkert hefur tileinkað
sér af þeirri þekkingu á vinnu-
brögðum, sem þessir menn höfðu
alveg á hreinu. En það er e.t.v.
bara betra. Hefðu þeir gengið í
skóla hjá þeim Davíð og Halldóri
hefðu þeir ekki klúðrað. Fiskistofa
komin norður. Náttúrupassi í inn-
heimtu. Utanríkisráðuneytið kom-
ið inn í Þróunarsamvinnustofnun.
Og menntamálaráðherrann kom-
inn á Þjóðminjasafnið. Þingmenn
fyrir löngu komnir í sumarfrí. En
svona er klúðrið. Alveg endalaust.
Eftir Sighvat
Björgvinsson » Sumum, jafnvel
mörgum, hugnast
nú ekki að stjórn-
málaleiðtogar okkar
hafi þurft að ganga í
gegnum skóla reynsl-
unnar, þurft að læra af
forverunum.
Sighvatur
Björgvinsson
Höfundur er fyrrv. alþingismaður og
ráðherra.
Vanhæfni og klúður
Rögnunefndin svo-
kallaða með Dag B.
Eggertsson borg-
arstjóra innanborðs
hefur skilað skýrslu
sinni um flugvallarkosti
á höfuðborgarsvæðinu.
Hlutverk nefndarinnar
var að fullkanna aðra
kosti til rekstrar innan-
landsflugs á höfuðborgarsvæðinu en
framtíðarflugvöll í Vatnsmýri. Nefnd-
in hafði til hliðsjónar þá 15 flugvall-
arkosti sem áður höfðu verið skoðaðir
og valdi í kjölfarið að skoða þá fimm
flugvallarkosti sem helst kæmu til
greina, þ.e. Bessastaðanes, Hólms-
heiði, Hvassahraun, Löngusker og
breyttar útfærslur flugvallar í Vatns-
mýri.
Samkvæmt skýrslunni er flugvöllur
í Hvassahrauni skásti kosturinn fyrir
nýjan flugvöll á höfuðborgarsvæðinu
ef núverandi flugvöllur í Vatnsmýri
verður lagður niður. Er áætlaður
stofnkostnaður flugvallar og bygg-
inga í Hvassahrauni sem tækju við
allri starfsemi Reykjavíkurflugvallar
um 22 milljarðar króna. Ýmis atriði á
þó eftir að skoða nánar varðandi flug-
völl í Hvassahrauni, þar á meðal
mögulegar mótvægisaðgerðir vegna
sjúkraflutninga, auk þess sem ná-
lægðin við Keflavíkurflugvöll gerir
það að verkum að endurskoða þyrfti
loftrými, aðflugs- og brottflugsferla
o.fl.
Hlutverk Rögnunefndarinnar var
aldrei það að leggja mat á hag-
kvæmni þess að halda Reykjavíkur-
flugvelli í núverandi mynd, heldur
eingöngu að athuga hvort önnur flug-
vallarstæði eða flugvöllur í Vatnsmýri
í breyttri mynd kæmu til greina fyrir
rekstur innanlandsflugs á höfuðborg-
arsvæðinu. Athugun nefndarinnar
náði því ekki til óbreytts flugvallar í
Vatnsmýri enda var það utan skil-
greinds verksviðs. Afstaða Fram-
sóknar og flugvallarvina er jafnskýr
nú sem áður, við styðjum áframhald-
andi veru Reykjavíkurflugvallar í
Vatnsmýrinni í óbreyttri mynd.
Reykjavíkurflugvöll-
ur í núverandi mynd
besta lausnin
Eftir Sveinbjörgu
B. Sveinbjörns-
dóttur og Guðfinnu
Jóh. Guðmunds-
dóttur
»Rögnunefndinni var
aldrei falið að kanna
hagkvæmni óbreytts
Reykjavíkurflugvallar,
aðeins aðra kosti.
Sveinbjörg Birna
Sveinbjörnsdóttir
Höfundar eru borgarfulltrúar Fram-
sóknar og flugvallarvina í Reykjavík.
Guðfinna Jóhanna
Guðmundsdóttir