Morgunblaðið - 02.07.2015, Qupperneq 62

62
MORGUNBLAÐIÐ FIMMTUDAGUR 2. JÚLÍ 2015
Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma
HJÓLREIÐAR
Ásgeir Ingvarsson
ai@mbl.is
Inga Dagmar Karlsdóttir er enn í
sæluvímu eftir að hafa hjólað hring-
inn í kringum landið í reiðhjóla-
keppni WOW. Liðið hennar, HFR
Fjólur, varð hlutskarpast í hópi
fjórmenningsliða kvenna og fóru
þær hringinn á 46 klukkustundum,
7 mínútum og 58 sekúndum. Sigraði
liðið með miklum yfirburðum því
næsta lið í sama flokki fór hringinn
á tæplega 56 klukkustundum.
Auk Ingu mynduðu liðið þær
Bryndís Ernstsdóttir, Sigríður
Ásta Guðjónsdóttir og Kolbrún
Dröfn Ragnarsdóttir. Bílstjórar
voru Hlynur Harðarson og Arn-
aldur Gylfason en Arnaldur var
einnig í hlutverki liðsstjóra. Mark-
miðið var ekki eingöngu að hjóla til
sigurs heldur einnig að styðja gott
málefni. Á leið sinni um landið safn-
aði liðið áheitum fyrir samtals
176.000 kr. til styrktar uppbygg-
ingu Batamiðstöðvar á geðsviði
Landspítalans á Kleppi. Samtals
söfnuðust 21.728.250 kr.
„Við Bryndís tókum báðar þátt
í keppninni í fyrra og fannst það
gríðarlega skemmtilegt. Ákváðum
við snemma á þessu ári að taka aft-
ur þátt og byrjuðum að æfa skipu-
lega með Hjólreiðafélagi Reykja-
víkur. Síðan lá leiðin í hjólaæfinga-
búðir á Mallorca og þar kynntumst
við Kolbrúnu og bættist hún við lið-
ið. Eitt leiddi svo af öðru og loks
gekk Sigríður Ásta til liðs við okkur
og HFR Fjólur voru þá komnar
með fullmannað lið.“
15 mínútna skorpur
Segir Inga Dagmar að það hafi
verið mikill kostur að mynda liðið
snemma og geta æft saman. Stöll-
urnar hafi verið mjög vel sam-
stilltar og í fantagóðu formi þegar
keppnisdagurinn rann upp. Arn-
aldur stýrði liðinu með þeim hætti
að konurnar skiptust á að hjóla 10-
15 mínútur í senn. „Með þessu tókst
okkur að halda uppi góðum hraða
allan hringinn en við lögðum sér-
staka áherslu á það að fara mjög vel
af stað til að geta hjólað með fleiri
liðum.“
Inga Dagmar bendir á að
keppnishjólreiðar séu íþrótt sem
kalli á töluverða hugsun, pælingar
og skipulagningu. Það er til dæmis
mikilvægt að hjóla með öðrum lið-
um á svipuðum hraða því þannig
geta liðin skipst á að kljúfa vindinn
og sparað mikla orku. „Eftir Hval-
fjörðinn var orðið ljóst hvaða lið
voru á svipuðum hraða og við
mynduðum samstarf með þremur
öðrum liðum, Tommi’s Burger Jo-
int, Team AA1 og Vodafone Red.
Þannig hjóluðum við saman allan
hringinn þar til við komum að Þor-
lákshöfn en þá hófst æsilegur enda-
sprettur milli þessara liða.“
Það er ekki lítið þrekvirki að
hjóla sleitulaust í nærri tvo sólar-
hringa. Inga Dagmar segir að
þreytan hafi samt ekki gert mjög
vart við sig því spennan hafði yf-
irhöndina og enginn skortur á adr-
enalíni. „Við fengum hver um sig
eins og hálfs tíma hvíld, bæði fyrri
og seinni nóttina, en með allt í botni
gat ég ekki sofið dúr,“ segir hún og
bætir við að fyrir svona langa
keppni skipti líka mjög miklu máli
að borða næringarríkan mat og
vera í góðum fatnaði sem andar vel,
hefur enga sauma sem nuddast við
líkamann og halda passlegum hita á
kroppinum í mismunandi veðri.
„Við fengum allan mat frá Ynd-
isauka og vorum í Löffler-
hjólafötum frá Fjallakofanum sem
við getum svo sannarlega mælt
með. Þetta allt saman átti þátt í því
að okkur gekk svona vel og leið vel
alla ferðina.“
Verðmætar minningar
Keppnin var löng og ströng en
leiðin mjög skemmtileg og segir
Inga Dagmar að það hafi verið óvið-
jafnanlegt að ferðast með þessum
hætti í gegnum íslenska náttúru.
„Mér er sérstaklega minnisstætt
hvernig það var að hjóla seinni
nóttina, landslagið litað af miðnæt-
ursólinni, með fjallstinda og jökla í
fjarska.“
Kveðst Inga Dagmar samt
ekki vera lemstruð og lúin eftir
keppnina en hún hafi þó gefið sér
góðan tíma til að slaka á í heitum
potti eftir átökin.
Það gerir árangurinn ekki
minna markverðan að Inga Dagmar
er tiltölulega nýsmituð af reiðhjóla-
bakteríunni. Hún segist ekki hafa
byrjað að hjóla af neinni alvöru fyrr
en árið 2012 að hún fékk götuhjól í
fertugsafmælisgjöf. „Fram að því
hafði ég bara hjólað endrum og
sinnum á fjallahjóli mér til yndis-
auka en uppgötvaði að mér þótti al-
veg hreint frábært að hjóla hratt á
léttu hjóli. Það er líka stór plús að
félagsskapurinn í sportinu er frá-
bær og þetta er fyrirtaks leið til að
halda sér í góðu formi.“
Hjólreiðar kalla á
pælingar og góða
skipulagningu
Allan hringinn Sigurliðið á gleðistundu. Hlynur, Inga Dagmar, Sigríður Ásta, Kolbrún, Bryndís og Arnaldur.
Átök Inga Dagmar á fullri ferð. Gaman er að hjóla um íslenskt landslag og enn betra í meðvindi.
 HFR Fjólur fóru umhverfis Ísland á rétt
rúmlega 46 tímum  Óviðjafnanlegt að
hjóla í nátúrunni um miðja sumarnóttina
Inga Dagmar starfar sem sjúkra-
þjálfari og veit því sitthvað um
heilsubætandi áhrif hjólreiða.
Hún segir þær fyrirtaks íþrótt
sem styrkirhjarta og lungu og
auki þol. Ekki skemmi heldur fyr-
ir að fæturnir verði sterkir og
stæðilegir og hjólreiðarnar séu
góð leið til að brenna hitaein-
ingum.
„Hjólreiðar hafa það fram yfir
t.d. hlaupaíþróttir að fara betur
með líkamann því hann er ekki í
þungaberandi stöðu á hjólinu.
Þegar hlaupið er kemur högg
upp í fótinn í hverju skrefi, sem
leiðir upp í hné og mjaðmir, en á
hjólinu er álagið léttara og jafn-
ara á líkamann.“
Eins og með allar aðrar íþrótt-
ir gildir samt með hjólreiðarnar
að fara rólega af stað og huga
vandlega að líkamsbeitingunni.
Segir Inga Dagmar mjög mikil-
vægt að hafa alla hluta reiðhjóls
rétt stillta út frá þörfum hjól-
reiðamannsins, til dæmis að
hæð á hnakki og stýri sé í réttu
hlutfalli út frá líkamshæð. Þegar
komið sé á það stig að nota sér-
staka hjólaskó sem séu fastir á
pedölunum verði að huga mjög
vel að stellingu fótanna. „Hjá
sumum getur komið smávægi-
legur snúningur á fótinn við
þetta, sem getur orsakað hné-
verk svo að fóturinn ýmist vísar
of mikið inn eða of mikið út.
Mjög persónubundið er hvernig
þarf að fínstilla hjólaskóinn.“
Minnir Inga Dagmar líka á að
passa þurfi upp á stífleika í öxl-
um og úlnliðum. „Sumum hættir
til að spennast upp þegar þeir
hjóla og grípa mjög fast um stýr-
ið og geta þá farið að kenna
verkja í hálsi og úlnliðum. Vand-
lega stillt hjól í réttri stærð
hjálpar til að koma í veg fyrir
þetta, og sömuleiðis að vera
meðvitaður um að vera slakur í
baki, öxlum og úlnliðum þegar
hjólað er. Þannig er hægt að
bæta stöðu, hámarka afköst og
líða betur á hjólinu.“
Slök í öxlum
og úlnliðum