Morgunblaðið - 02.07.2015, Page 86

»Ekki svo að skiljaað gaurum eins og
Johann Sebastian Bach,
330 ára, Wolfgang Ama-
deus Mozart, 259 ára, og
Ludwig van Beethoven,
245 ára, þyki það
merkilegt.
AFP
AC/DC Hinir síungu Brian Johnson og Angus Young á tónleikum á dögunum.
AF ALDRI
Orri Páll Ormarsson
orri@mbl.is
Þegar ég var að vaxa úrgrasi á níunda áratugnumfannst mér The Rolling
Stones afskaplega gömul hljóm-
sveit. Þeir ágætu menn voru þá
um fertugt. Mér þótti raunar með
ólíkindum að sveitin væri enn að
störfum en ekki lögst í kör. Bítl-
arnir heyrðu til fjarlægri fortíð.
Ég man líka hvað það var
mikið áfall þegar Bruce Dick-
inson varð þrítugur. Þá hugsaði
maður með sér: Jæja, þá fer þetta
að verða búið hjá Iron Maiden.
Menn spila ekki þungarokk lengi
fram yfir þrítugt. Raunar hökti
eitt og eitt „gamalmenni“ um
stærstu svið heimsins á þeim
tíma, Ozzy Osbourne, Ronnie
James Dio og David Coverdale
sem af einhverjum ástæðum átti
bullandi séns í Tawny Kitaen,
eina heitustu píuna á þessum
tíma. Orðinn 36 ára, karlinn.
Þetta skildi ekki nokkur maður.
Allt er þetta fólk í fullu fjöri
– þrjátíu árum síðar. Dio er að
vísu fallinn frá og synd væri að
segja að lífið hafi farið mjúkum
höndum um aumingja Tawny
Kitaen. En það er önnur saga.
The Rolling Stones og Iron Mai-
den fylla enn íþróttaleikvanga um
allan heim og á dögunum hitti ég
mann sem var að koma alsæll
heim af AC/DC-tónleikum. Þar
sem fáránlegur fjöldi manna var
samankominn. Þeir knáu piltar
þurfa ekki að troða oft upp til að
hafa upp í íslensku fjárlögin. Bri-
an Johnson er 67 ára og Angus
Young nýorðinn sextugur. Enn í
skólabúningnum.
Sá líka fyrir skemmstu undir
iljarnar á öðrum manni sem var á
leiðinni á tónleika með hinum 73
ára gamla Paul McCartney – í
loftköstum.
  
Fór að velta þessu öllu fyrirmér meðan ég sat yfir upp-
tökum frá Glastonbury-hátíðinni í
Ríkissjónvarpinu um daginn. Að-
alnúmerið þar í fyrra var Metal-
lica, rúmlega fimmtugir menn, en
einnig komu við sögu The Sma-
shing Pumpkins, tæplega fimm-
tugir menn, og goðsagnir á borð
við Dolly Parton, 69 ára, og Deb-
bie Harry, sem varð sjötug í gær.
Ekki var að sjá að þessar gyðjur
hefðu neinu gleymt. Nema þá
helst því að eldast.
Svo er það Tom Jones, sem
heillaði mörlensk sprund upp úr
skónum fyrr í sumar, 75 ára.
Svona mætti lengi telja.
Löngu er búið að afsanna það
að rokkendur þessa heims þurfi
að finna sér annað að gera um
þrítugt eða í allra síðasta lagi um
fertugt. Hægt er að gera úr þessu
ævistarf, svo sem The Rolling Sto-
nes, AC/DC, U2 og fjölmörg fleiri
bönd hafa sannað. Og ekkert fær
þau stöðvað, ekki elliglöp, ekki
eiturlyfjafíkn, ekki dauði. Ekkert.
Hver hefði spáð því fyrir þremur
til fjórum áratugum að Keith
Richards yrði sjötugur?
  
Ekki svo að skilja að gaurumeins og Johann Sebastian
Bach, 330 ára, Wolfgang Ama-
deus Mozart, 259 ára, og Ludwig
van Beethoven, 245 ára, þyki það
merkilegt. Til að setja málið í
stærra samhengi. Þeirra tónverk
lifa enn góðu lífi í tónleikasölum
heimsins – að vísu í flutningi ann-
arra.
Dæmin sanna að dauðinn ger-
ir vinsældum rokkenda heldur
ekkert ógagn. Varla líður sú vika
að maður heyri ekki í John Lenn-
on, Freddie Mercury eða jafnvel
Janis Joplin. Einhvers staðar.
Ætli þetta fólk komi til með
að eiga upp á pallborðið eftir tvö
til þrjú hundruð ár? Ætli The
Rolling Stones muni þá þykja
gömul hljómsveit?
Um langan aldur
AFP
Gamlir? The Rolling Stones á útopnu á tónleikum fyrr í sumar. Hljómsveitin fyllir enn íþróttaleikvanga.
AFP
Sjarmör Ætli David Coverdale sé búinn að gleyma Tawny Kitaen?
Reuters
Sjötug Debbie Harry er sjötug en
lætur engan bilbug á sér finna.
86 MENNING
MORGUNBLAÐIÐ FIMMTUDAGUR 2. JÚLÍ 2015
Gylfaflöt 7 112 Reykjavík 587 8700 krumma.is
FRÁ
106.800kr
FRÁ
122.900kr
58.900kr
KÍKTU Á VEFVERSLUN
KRUMMA.IS