Ritröð Guðfræðistofnunar - 01.09.2008, Qupperneq 75

Westermann einnig athygli á því að konungssálmar gegna ákveðnu hlutverki
í uppbyggingu sálmasafnsins.
Áherslubreytingarnar sem urðu í sálmarannsóknunum einkum eftir 1980
með því hve athyglin færðist í ríkum mæli yfir á sálmasafnið sem bók eða
sálmasafn sem væri nokkuð skipulega upp byggt á að verulegu leyti rætur
að rekja til Bandaríkjamannsins Brevard S. Childs. I gamlatestamentisrann-
sóknum hans almennt og ekki síst í skrifum hans um sálmana lagði hann
áherslu á að þó að eldri stig hins biblíulega texta væru áhugaverð þá mætti
sú skoðun ekki verða til þess að hin endanlega gerð textans væri vanrækt
- eins og oft var raunin. Mikilvægi hins endanlega texta væri ekki síst fólg-
ið í því að það væri í þeirri gerð sem textinn hefði öðlast kennivald innan
hinnar kristnu kirkju. Childs hélt því fram að rannsókn á hinni endanlegu
gerð sálmanna í samhengi helgiritasafnsins veitti ritskýrendum tækifæri til
að brjótast út úr þeirri einföldu og þröngsýnu ritskýringu sem hann sagði
einkenna flest hinna nýrri og gagnrýnu skýringarita.11 Og með fullri virð-
ingu fyrir Gunkel sagðist hann fremur telja að hinir sönnu útleggjendur í
leitinni að hinu guðfræðilega hjarta Saltarans væru menn eins og Ágústínus,
Kimchi, Lúther og Kalvín.12
Þáttaskil með riti G.H. Wilson 1985
Ýmsir nemendur Childs tóku upp þráðinn frá honum í rannsóknum
sálmanna og enginn þó eins og Gerald H. Wilson en oft er vitnað til
doktorsritgerðar hans, The Editing oftbe Hebrew Psalter, frá árinu 1985 sem
tímamótaverks. Sagt hefur verið að með þessu ritverki sínu hafi Wilson lagt
vandaðan aðferðafræðilegan grundvöll fyrir rannsókn Saltarans sem bókar.13
Hann nýtti sér annan sálmakveðskap frá hinum fornu Miðausturlöndum til
samanburðar, svo sem súmerska musterissálma og einnig Qumranhandritin.
Wilson hefur fjallað um efnið í mörgum tímaritsgreinum eftir að
doktorsritgerð hans birtist og þar fínpússað kenningar sínar og skerpt
ákveðna þætti. Hann telur að Saltarinn sem bók hafi í þegar allt kemur til
alls verið spekirit, sem hafi að geyma leiðbeiningar Jahveh til sinna trúföstu
11 Childs, Brevard S. 1979: Introduction to the Old Testament as Scripture, s. 522-523.
12 Childs, Brevard S. 1979: Introduction to the Old Testament as Scripture, s. 523.
13 Howard, David M., Jr. 2005: The Psalms and Current Study, s. 25.
73