Ritröð Guðfræðistofnunar - 01.09.2008, Qupperneq 92

við í ljóðum sem kalla má kenndarljóð og miðla innlifun skáldsins.24 Sökum
fyrirferðar sinnar eru vísanirnar haldgóður vegvísir um það hvaða fyrirbæri,
meðal annars stefnur og straumar, það voru sem orkuðu á huga Snorra.
Verða nú hin eftirlátnu ljóð Snorra rýnd með hliðsjón af niðurstöðum
Páls Valssonar að því er snertir ljóðabækurnar. í að minnsta kosti átta þeirra
er að finna skýrar vísanir. Eru þær tiltölulega fleiri í eftirlátnu ljóðunum en
gerðist í síðari ljóðabókum Snorra, þær eru sóttar til sömu uppspretta og á
því skeiði er Snorri beitti líkingum hvað mest en athyglisvert er að sterkra
„útleitinna“ vísana gætir í eftirlátnu ljóðunum en úr þeim hafði dregið í
síðari bókunum.
I ljóðinu Um daga dýr í skógi er vísað til hamskiptasagnar þar sem
sögupersónan er dýr (úlfur?) á daginn en mennskur maður á nóttunni.
Ljóðið hverfist þó um aðra persónu, Sólnýju, sem hamskiptingurinn á örlög
sín undir:
Um daga dýr á skógi
um dimmar nætur maður
sem engist einn á fleti
og ekki kemur Sólný
að brenna haminn, bjarga
mér burt og heim í ríkið
sem bíður okkar beggja
slær bjarma á hellisþilið
af eldi fyrir utan
þá ertu komin — Sólný!25
Sagnir af hamskiptum eru auðvitað fjölmargar en vegna þess hve Völsunga
saga skipaði veigamikinn sess í skáldskap Snorra fyrr á ævinni er nærtækt
að líta svo á að hér sé á ferðinni óbein vísun í hana.26 Sólný er þá tilbrigði
24 Páll Valsson 1990: 121-139.
25 Snorri Hjartarson 2006: 234.
26 Hjalti Hugason 2007: 152-154.
90