Ritröð Guðfræðistofnunar - 01.09.2008, Síða 115

Vídalínspredikunar um Guð. Hvaða trú og skynjun er að baki? Það er
trú manns sem iifir Guð altækt. Þessi Guð umlykur manninn á bak og
brjóst og er allt sem skiptir máli. Til að túlka þessa afstöðu notaði Jón
Vídalín mjög ákveðinn túlkunarramma sem féll að hugsun og háttum
samtíma hans. í okkar samtíð hefur líkingin af Guði sem konungi tapað
táknmætti, konungstólar hafa steypst og kóngsvaldið einnig. Stjórnhugsun
okkar samtíma er önnur en á tíð Vídalíns, hugmyndir um samvirkni Guðs
og manna einnig. Við erum ekki bundin af því að túlka Guð með hjálp
stórkonungslíkinga. Trúartúlkun okkar getur orðið með allt öðru móti því
þarfir hverrar samtíðar kalla fram nýtt myndmál og nýtúlkun. Við erum
ekki bundin af því að endurtaka eða enduróma guðfræði Jóns Vídalíns
en við megum hins vegar gjarnan bera djúpa virðingu fyrir hugarstyrk og
kerfissókn meistarans og iðka og stæla okkar guðfræði með sömu áfergju
og heilindum og meistari Jón Vídalín. Trú í samtíðinni er jafn mikilvæg
og þá, guðsupplifunin jafn sterk og Guð jafnaltækur ofurveruleiki nú
sem á tíð Vídalíns. En málið er annað, viðmiðin önnur og krafan á okkur
guðstúlkendur er knýjandi.
113