Múlaþing: byggðasögurit Austurlands - 01.01.1998, Qupperneq 32

Múlaþing
Fermingarmynd af Málfríði. Myndin er tekin við
Vattarnes í Reyðarfirði. Fjölskylda Málfríðar fluttist af
Héraði að sjávarsíðunni að lœknisráði eftir að hún
veiktist. Eftir nokkur ár á Vattarnesi settistfjölskyldan
að á Kolmúla. Málfríður er í útprjónuðum sokkum sem
hún vann sjálf.
Ljósm: Ljósmyndasafn Austurlands.
Skýjabarnið
Bak við skýin borg ég finn.
Býr þar litli vinur minn
með blíðan svip og bros um kinn
brosið lýsir alheiminn.
Hann er eins og himininn
ég horfi í augun biáu.
Það er ljúft að leika sér með lokkana þína smáu.
Til dauðans er ég þig að þrá
þú ert eins og fuglinn smá.
sem skýjahnoðri á himni há
hugurinn vill þangað ná.
Veröldin er vond og flá
vill hún mína hefta tá.
En alltaf er ég út að gá
hvort einhver bíði dyrum hjá
senn mun hjartað hætta að slá
hnígur visið ýlustrá
en eðalsteina á ég þrjá
sem enginn vættur granda má
svíf ég með þá feigðum frá
fagran draum í brjósti á
einn er trúin helg og há
hinn er vonin björt sem snjá
kalla þriðja kærleik má
kórall vex í djúpum sjá.
Þegar leikur bros um brá
bjartir geislar sindra þá.
En veðrin gerast viilt og grá
veruleikans ströndum á
gegnum andans gluggaskjá
greini ég stundum loftin blá
þegar í gáska hugur hlær
hjartað í brjósti órótt slær
höfgum tárum ég grét í gær
en gleðjast kann á morgun.
Gott er að reyna að gleyma öllum sorgum.
Lækurinn syngur ljóðin þar
líða til hafsins bylgjumar
þegar að sól var sest í mar
sá ég þig í draumi.
Við skulum bæði bregða oss burt frá heimsins glaumi.