Múlaþing: byggðasögurit Austurlands - 01.01.1998, Síða 119

Fjallkirkjan
og sagði mikið af furðusögum þar sem hann
sjálfur var aðalsöguhetjan.
11. Markús Arnfjörð á Hálsi, einsetu-
maður í kofaskrifli. Hér virðist tekið mið af
Jósep Jósepssyni á Felli í Vopnafirði. Jósep
hafði farið til Ameríku og kallaði sig
„Axfirðing“ eftir að hann kom heim aftur.
Hann var ættaður úr Axarfirði. Hann var
sérstæður og gagnrýninn á ríkjandi lifnaðar-
hætti sveitarmanna og því í andstöðu við
meginhluta fólks en var annars í betra lagi
að gáfum. Bærinn Fell stendur sunnan við
háls þann er skilur Vesturárdal og Hofsár-
dal. Jósep bjó síðast í Fannardal í Norðfirði
og dó þar gamall. Markús á Hálsi í sögunni
gæti verið fulltrúi fyrir það fólk sem
óánægðast var með samtíðina og nokkuð
var af um þessar mundir. Það einangraðist
því. Enn var sá tími eigi kominn að skilyrði
gætu skapast fyrir breytta lifnaðarhætti. En
þessi óánægja var þó í rauninni forsenda
fyrir breytingum til batnaðar í framtíðinni.
12. Fagravík. Það er táknræn nafngift á
Krossavík í Vopnafirði sem er ein allra
besta jörð til búskapar og hefur mikla
möguleika bæði til lands og sjávar. Það
þykir alls staðar fallegt þar sem vel er búið.
Krossavíkurhjón, Margrét Gunnarsdóttir
föðursystir skáldsins og Jörgen Sigfússon,
fluttust í Krossavík 1893 en bjuggu áður á
Asi í Fellum. Þau urðu fljótt mikils metin í
Vopnafirði enda höfðingshjón að persónu-
leika og Jörgen var lengi oddviti sveitar-
innar. Dó 1928. Þau hjón eru í sögunni
kölluð Bjarni og Sigurveig. Það er ekki til-
viljun að Bjarna er getið þar sem Markús á
Hálsi veltur fullur af hesti. Jósep á Felli
hafði verið vinnumaður hjá Jörgen þegar
hann bjó á Ási í Fellum og áður en Jósep fór
Signý Jónatansdóttir líkist Árnýju, systur Eika.
Hólmfríður Þórarinsdóttir og Vilhjálmur Þórar-
insson með Agústu dóttur sína. Þau voru fyrir-
mynd Höllu og Eika í Fögruvíkutfjöru.
117