Múlaþing: byggðasögurit Austurlands - 01.01.1998, Page 125

Fjallkirkjan
22. Björn læknir, kallaður oft í
sögunni „litli maðurinn“. Fyrirmynd að
honum mun vera Jón Jónsson læknir sem
kom til Vopnafjarðar 1897 en flutti frá
Vopnafirði til Blönduóss 1906 og var þar
síðan lengi velmetinn læknir. Jón læknir
var hinn mesti gáfu- og framfaramaður og
var oddviti sveitarinnar þau ár sem hann var
í Vopnafirði. Hann var sonur séra Jóns í
Hjarðarholti í Dölum Guttormssonar pró-
fasts í Vallanesi Pálssonar. Jón læknir var
mjög smár vexti en snarmenni og hinn
mesti dugnaðarmaður. Hann varð fyrir
þeirri gráglettni, vegna smæðar sinnar, að
vera kallaður Jón „pína“ og að því lýtur
nafngiftin „litli maðurinn“ í sögunni. Jón
læknir átti 1903 Kristjönu Sigríði Arnljóts-
dóttur prests á Sauðanesi Ólafssonar.
23. Kolbeinn Ásmundsson, nýi
læknirinn í Hamrafirði sem kom um borð
með krabbameinssjúkling í skipið á höfn-
inni þegar skáldið er nýkomið á skipsfjöl á
leið til Kaupmannahafnar. Hann biður að
heilsa dönsku stúlkunum í Höfn en áminnir
hann að gleyma ekki þeim íslensku. Hér
mun átt við Ingólf lækni Gíslason frá Þve.rá
í Dalsmynni Ásmundssonar sem læknir var
á Vopnafirði 1906 - 1924, síðar í Borgar-
nesi. Ingólfur var hinn mesti ferðagarpur
og fjörmaður „skemmtimaður skapaður",
skáldmæltur vel eins og bók hans Læknis-
ævi ber með sér. Þeir Olgeir verslunarstjóri
og Ingólfur voru systkinasynir að frænd-
semi og voru nokkur ár samtíða í Vopna-
firði. Kona Ingólfs var Oddný Vigfúsdóttir
,,borgara“ og því systir Ágústu konu Ol-
geirs. Oddný var því æskuvinkona Mar-
grétar á Ljótsstöðum ekki síður en Ágústa.
Ólafur Davíðsson var fyrirmynd Jóns Jónssonar,
verslunarstjóra með „hvalbeinaandlitið".
Ingólfur Gíslason iœknir var fyrirmynd Kolbeins
Amundssonar, nýja lœknisins í Hamrafirði.
123