Jökull - 01.12.1975, Qupperneq 48

Myncl 1. Tjaldborg og skálinn við Hálfdánar- Mynd 2. Tjaldmýri og Esjufjallarönd.
öldu á Breiðamerkursandi.
ið var um Skálabjörgin, hugað að gróðri og
skoðaðar leifar Jöklaskálans, er eitt sinn stóð
fremst í Skálabjörgum, en hann fauk fyrir
nokkrum árum. Farið var ofan í kerið, sem er
fyrir framan Skálabjörg, en þar eru miklir ís-
hellar og vatnsgöng. Þá var og gengið á Stein-
dórsfell (Lyngbrekkutind). Af Steindórsfelli sér
vítt yfir. í vestri sjást Öræfajökull, Mávabyggðir
og Vesturbjörg, í norðri eru Esjan og Austur-
björg, í austri sjást Veðurárdalsfjöll og Þverár-
tindsegg en til suðurs sér á haf út. A milli Vest-
urbjarga og Skálabjarga sér niður í Fossadal.
Þar eru mörg jökullón, ísjakar flóta með hlíð-
um.
Þennan dag var þurrt og ágætis veður. En
aðfaranótt miðvikudags hvessti skyndilega af
norðaustri. Varð fáum svefnsamt það sem eftir
lifði nætur, enda áttu flestir í hinu mesta basli
Mynd 3. í Tjaldmýri.
við að hemja tjöld sín. Strax um morguninn
var því ákveðið að fella tjöldin og halda af stað
niður. Gekk ferðin vel þrátt fyrir hávaða rok
alla leiðina og var komið niður að Breiðá um
kl. 7.
Nokkur tjöld höfðu verið skilin eftir við
Breiðá, er gangan hófst. Var nú lágt risið á
tjaldborginni þeirri, er til baka var komið, því
að jafnhvasst hafði verið á láglendinu og uppi
á jöklinum. Eiginkonur tveggja göngumanna
dvöldu i skálanum og gættu tjalda og barna
þessa daga og þennan daginn höfðu þær haft
ærinn starfa við að fella tjöld og bera farg á
önnur.
Á miðvikudagskvöld skiptist hópurinn, en
flestir héldu í Skaftafell og héldu þar áfram
gönguferðum í Malljorkaveðri.
Valur Jóhannesson.
Mynd 4. Einar, Gunnar, Sigrún, Hörður,
Hildigunnur og Inga.
46 JÖKULL 25. ÁR