Jökull - 01.12.1975, Síða 72

ekki síður af gerð snævarins, skilum, rakastigi
og fleiru.
Samkvæmt framansögðu verður að telja allt
svæðið sunnan íbúðarhúss, frá vegi að neðan til
fjails, hættusvæði og mjög óráðlegt að staðsetja
þar ný mannvirki.“
Hér lauk bréfi Axels Þorsteinssonar.
Snjóflóð í Stiflu, Oslandshlíð og víðar, 13.—
15. januar 1975.
Eins og Axel Þorsteinsson nefnir í bréfi sínu
liér að framan, þá féllu snjóflóð víða út með
Skagafirði að austan.
Að Lundi i Stíflu féll snjóflóð á mannlaust
liús og braut það.
Að Molastöðum urðu fjárskaðar.
Hinn 15. janúar klukkan 14 liljóp Óslands-
lilíðarfjall á 2,5 km breiðri spilclu. Snjóflóðið
reif og sleit girðingar. Á kafla náði það niður á
þjóðveg. Slys urðu ekki á mönnum né skepnum
í þessu ferlega snjóflóði. Svo heppilega vildi til,
að nýbúið var að sækja hesta, sem voru í fjall-
inu. Veðrahamurinn var að mestu genginn nið-
ur, veður stillt og bjart, þegar snjóflóðið féll.
Sjónarvottar segja, að það liafi verið í senn
tíguleg og ógnvekjandi sjón, að sjá snjóflóðið
geysast niður hlíðina.
Unnið er að frumdrögum að snjóflóðakorti.
Snjóflóð úr Lambakinn féll í inntakslón Reið-
hjallavirkjunar í janúar. (Heimild: Benedikt
Benediktsson, vélgæslumaður). Dags. ekki ná-
kvæm. Upptök við fjallsbrún. Snjóflóðið braut
upp ísinn á lóninu. ísinn var 70 cm þykkur. Is-
jakarnir skullu á lokuvindur. Tvær skemmclust
mikið og sú þriðja laskaðist lítilsháttar. Tveir
allvænir ísklumpar höfðu kastast að dyrurn
stífluhússins, en ekki vaklið skemmdum, því að
nú var dyrauntbúnaðurinn eftir viðgerðina á
síðastliðnu sumri traustari en áður.
Rétt er að veita því athygli, að stíflan á Reið-
hjalla var byggð sumarið 1956, þ. e. a. s. sett í
það ástand, sent liún er í nú. í 17 ár urðu þar
engir skaðar af völdum snjóflóða, en nú bæði á
18. árinu og hinu 19. hafa orðið tilfinnanlegir
skaðar á mannvirkinu.
Snjóflóð i Arnarfirði (Heimild: Ómar Þórðar-
son, rafstöðvarstjóri, Mjólkárvirkjun).
Hinn 15. janúar féll snjóflóð utan við Rauð-
70 JÖKULL 25. ÁR
staði á vel þekktum snjóflóðastað, einmitt þar
sem staur brotnaði 1973 í línunni frá Mjólká.
Hlaupið skall nú inn fyrir „snjóflóða“-ranann
og náði að snerta einn staur. Hann stóð snjó-
flóðið af sér í þetta sinn. Snjóflóðið var þunnt.
Það fór niður á veg.
Snjóflóð á Seyðisfirði (Heimild: Morgunbl.
16. janúar).
Síldarverksmiðja Hafsíldar hf. á Seyðisfirði
hefur stórskemmst vegna fannfergis, og í gær-
kveldi, er fréttaritari Mbl. þar eystra, Sveinn
Guðmundsson, fór að kanna aðstæður, var allt
óljóst um það, hvernig skemmdirnar hefðu átt
sér stað. Annað hvort hefur snjóflóð fallið á
verksmiðjuna eða þá að hún er að sligast und-
an gífurlegu fannfergi, sem safnast hefur 1 fjalls-
hlíðina ofan við hana. Ljóst mun vera sam-
kvæmt upplýsingum eins af eigendum verk-
smiðjunnar, Jóns Ingvarssonar, að verksmiðjan
verður ekki starfrækt á komandi loðnuvertíð og
er þetta því önnur verksmiðjan á Austfjarða-
höfnum, sem er úr sögunni að þessu sinni ..."
Heimild: Þjóðviljinn 16. janúar: „Það var
verksmiðjustjórinn Kristinn Sigurjónsson, sem
fyrstur sá, hvernig komið var. Mikið dimmviðri
hefur verið á Seyðisfirði, og vita menn ekki ná-
kvæmlega, hvenær snjóflóðið féll. Engar manna-
ferðir höfðu verið um verksmiðjusvæðið, síðan
fyrir helgi (laugard. II. jan.). Verksmiðjan var
tilbúin til loðnumóttöku. Snjóflóðið braut vegg
vélasalsins á um 20 m löngum kafla, og er þakið
fallið að verulegu leyti, en framhliðin, þ. e.
sjávarmegin, stendur. í vélasalnum voru m. a.
tveir þurrkarar og liggja þakbitarnir ofan á
þeim . ..“
Verksmiðjan stendur norðan fjarðarins innan
Háubakka og undir Bjólfinum. Þetta er alþekkt-
ur snjóflóðastaður, a. m. k. síðan 1885. Þarna
féll snjóflóð 27. mars 1967, samanber Jökul 21.
ár bls. 31. Um fannfergið og snjóflóðið í janúar
1975 var allmikið rætt og ritað, óþarft er að
rekja það hér. Meiru skiptir, að kerfisbundin
heimildasöfnun fer nú frant á Seyðisfirði. Gunn-
laugur Jónasson fyrrv. bankagjaldkeri safnar nú
heimildum um snjóflóð á Seyðisfirði og leitast
við að skipta bænum niður í hættusvæði með
mismunandi hættustigum. Skipulag ríkisins og
Seyðisfjarðarhær ráðgera að gefa út snjóflóða-
kort af Seyðisfjarðarkaupstað.
Hér með lýkur að segja frá janúarhrinunni
hinni síðari.