Jökull - 01.12.1990, Qupperneq 195

Jökulheimum og á árinu 1959 það athvarf sem Jón get-
ur um í skýrslu sinni á aðalfundi þann 28. janúar 1960
með eftirfarandi orðum; ”helsta framkvæmdin hefur
að þessu sinni verið bygging á svokölluðum utandyra-
þægindum í Jökulheimum, sem stundum ganga líka
undir nafninu ”Vatíkanið“. Er það að sönnu ekki stór-
hýsi, en gert af miklum hagleik og næmum skilningi
byggingarmeistarans á hlutverki hússins“.
Nú líður allt til ársins 1963, en þá um haustið, nánar
tiltekið þann 13. september, fer að vanda harðsnúið
lið í Jökulheima. Morguninn eftir hófust fimm úr
hópnum, undir stjórn yfirsmiðs félagsins, handa við
að reisa bensínskemmu. Sóttist þeim verkið vel og
svo að ég noti orð Jóns; ”vinnu var lokið fyrir myrkur
um kvöldið. Tunnur fluttar inn, afklippum og rusli
brennt. Að lokinni kvöldmáltíð upphófst kvöldvaka,
sem stóð til klukkan eitt um nóttina. Þá var þetta
kveðið:
Dægileg er dansins list
dátt er sveinaþingi
er hrokkinkolla heyr þar tvist
með holdugum lögfræðingi".
Seinna í sömu ársskýrslu heldur Jón áfram:”Stundum
er þröngt í Jökulheimum, ekki síst þegar veðurathug-
anamaður hefur þar bækistöð sína. Það hefur oft hvarl-
að að mönnum að stækka skálann ofurlítið, en það er
óhægt án þess að spilla útliti hans og ég held ég megi
segja að okkar ágæti byggingameistari, Stefán, sé á
móti slíku klastri. Hann leggur til að byggja heldur
nýjan skála og hefur þegar gert teikningu og áætlað
efniskostnað. Krónutalan er há, og ég vil ekki nefna
hana að svo stöddu, en það væri vitanlega gaman að
heyra, hvort fundarmenn hefðu nokkra tillögu í þessu
sambandi eða hvernig þeim geðjast að hugmyndinni“.
Þama er teningunum kastað, Nýji skáli, eins og Jón
kallaði hann, orðinn að hálfum veruleika því dagana
3.-5. júlí 1964 var steyptur grunnur undir skálann og
árinu seinna var hann reistur og gengið frá gólfi. A
haustdögum 1966 var lokið við klæðningu að innan,
en fullbúinn er skálinn ekki fyrr en sumarið 1970.
Næstu árin gerist lítið í byggingamálum enda
kröftum félagsins beint í aðra farvegi. I fundargerð
aðalfundar þann 24. janúar 1974 stendur eftirfarandi:
”Sigurður Þórarinsson tók til máls í sambandi við
reikningana og vakti athygli á hinni góðu gjöf Lands-
virkjunar, sem var Moelven hús, er komið hefur verið
fyrir á Grímsfjalli. Hann lét í ljósi þakklæti til gefand-
ans og sagði, að síðar meir kæmi til greina að flytja
húsið í Kverkfjöll“. Svo varð þó ekki því réttum fjór-
um mánuðum áður en Sigurður mælti þessi orð hafði
fellibylurinnEllengengið yfirlandiðog brotiðMoelv-
en húsið í spón þar sem það stóð á Grímsfjalli. Ekki
varð þetta þó að öllu leyti til tjóns því að nú hljóp
mönnum kapp í kinn með þeim afleiðingum að hafist
varhandavið aðfjármagnaogbyggjatvöjökulhúseftir
teikningu Stefáns Bjarnasonar. Af ýmsum óviðráðan-
legum ástæðum hófst smíðin ekki fyrr en í endaðan
janúar 1977, en var lokið fyrirpáska. Það nýmæli var
við þessa skála að þeir voru byggðir í ”bænum“, fluttir
á dráttarvögnum að jökli, og síðan dregnir, á sleða, af
snjóbílum á þá staði er þeim var ætlað að vera. Fyrri
skálinn var fluttur um páskana upp Breiðamerkurjökul
í Esjufjöll og honum komið fyrir við Tjaldmýri undir
Skálahnjúkum, örlítið norðar en gamli skálinn var, en
hann hafði fokið af grunninum í óveðri þann 9. janúar
1967. Síðari skálinn var svo fluttur á sama hátt úr
Jökulheimum í Kverkfjöll, um Hvítasunnuna. Þessi
framkvæmd þótti takast það vel að hún var endurtek-
in árið 1979. Þá voru aftur byggðir tveir skálar eftir
sömu teikningu og sá fyrri fluttur á páskum norður eftir
Langjökli að Fjallkirkju, en hinn um Hvítasunnu upp
Breiðamerkurjökul á Goðahnúka. Það má til gamans
geta þess að við fjármögnun á smíði þessara fjögurra
skála var notuð aðferð Jóns Eyþórssonar með þeim
árangri að félagið þurfti aðeins að leggjafram 10% af
andvirði þeirra úr sjóði sínum.
Þá er ég kominn að ástæðunni fyrir veru okkar
hér í dag. Meðal yngra fólksins í félaginu höfðu um
nokkurt skeið verið uppi raddir um að koma þyrfti upp
betri aðstöðu á Grímsfjalli, byggja þar nýjan skála
eða stækka þann gamla. Málið hafði verið reifað í
formannstíð Sigurðar Þórarinssonar, en endanleg af-
staðaekki tekin fyrr en á stjórnarfundi þann 17. janúar
1986. Þá er gerð eftirfarandi bókun: ”Stjórnin sam-
þykkir að heimila skálanefnd að hefja byggingu skála
á Grímsfjalli. Ef fjárhagur félagsins leyfir er æskilegt
að framkvæmdum við skálann verði lokið sumarið
1987“. Ákveðið var að beita sömu aðferð og notuð
var við litlu skálana, þ.e. að byggja skálann í ”bænum“
og flytja hann síðan fullbúinn hingað. Framkvæmdir
hófust þann 25. október 1986 og má segja að þeim
JÖKULL, No. 40, 1990 191