Jökull - 01.12.1993, Page 84

JARÐFRÆÐAFELAG ISLANDS
Skýrsla formanns fyrir starfsárið 1992-1993,
flutt á 28. aðalfundi félagsins, í Odda hinn 25. maí 1993.
Á liðnu starfsári voru haldnir 10 stjórnarfundir og
gefin út 6 fréttabréf. Einnig kom út hefti með ágripum
á vorráðstefnu félagsins. Hér verður nú gerð grein
fyrir helstu atriðum í starfsemi félagsins á liðnu ári.
FÉLAGSSTARF
FRÆÐSLUFUNDIR
Fjórir fræðslufundir hafa verið haldnir í vetur, og
fimmta erindið verður haldið hér í kvöld að loknum
venjulegum aðalfundarstörfum. Allir fundirnir voru
haldnir í stofu 101 í Odda. Fyrsti fræðslufundurinn
var 25. nóvember. Þá flutti Roger Buck jarðeðlis-
fræðingur erindi sem hann nefndi Tectonics on Venus.
Hann fjallaði um samband landslags og þyngdarsviðs
reikistjörnunnar, og byggði hugleiðingar sínar á ný-
legum rannsóknum bandarísku geimvísindastofnunar-
innar. Erindið var fjölsótt, milli 40 og 50 manns, og
þótti afar fróðlegt. Annar fræðslufundurinn var 27.
janúar. Þar flutti Ágúst Guðmundsson jarðfræðingur
erindi um urðarjökla og berghlaup og var það einnig
vel sótt, rúmlega 30 manns. Ágúst sýndi mikið af
ljósmyndum og gerði grein fyrir þeirri skoðun sinni,
að stór hluti þess sem vant er að kalla berghlaup sé
í raun fornir urðarjöklar. Ekki voru menn á eitt sátt-
ir um þessa kenningu. Þriðji fræðslufundurinn var
haldinn 26. febrúar og þá flutti Lúðvík Gústafsson er-
indi um jarðfrœði Austfjarða norðan Seyðisfjarðar.
Vegna þrengsla á stundaskrá Odda var gerð sú tilraun
að fly tj a erindið á föstudagskvöldi og hafa margir orðið
til að skamma okkur fyrir uppátækið. Fundinn sóttu að
vísu um 20 manns, en sýnt þótti að mæting hefði orð-
ið betri á skikkanlegri fundardegi. Lúðvík brást ekki
þeim sem mættu og flutti skemmtilegt erindi prýtt með
ágætum ljósmyndum. Fjórðafræðsluerindið flutti Pat-
ricia Turner jarðfræðingur þann 22. mars og talaði um
jarðfrœði Skærgaardsinnskotsins, einkum með tilliti
til dýrra málma. Um 30 manns sóttu þetta erindi. Er-
indið var vel flutt og fróðlegt, ekki síst fyrir þá sem
eru að huga að málmum í basískum innskotum á Is-
landi. Fimmta og síðasta fræðsluerindi vetrarins mun
Elsa G. Vilmundardóttirjarðfræðingurflytja hér á eftir
og fjallar það um síðkvarter eldstöðvakerfi á miðhá-
lendinu. Auk þessara funda átti JFÍ þátt í að boða
tvo fræðslufundi. Sá fyrri var haldinn að frumkvæði
Orkustofnunar 1. júlí 1992. Þar fluttu tveir erlend-
ir gestir fyrirlestra á sviði jarðhitamála.. Fyrri fyr-
irlesturinn nefndist Sustainable development og var
fluttur af Bill Fyfe. Hinn síðari hét Biomineralization
and biocorrosion og var fluttur af Grant Ferris. Síð-
ari fundurinn var haldinn 8. mars 1993 að frumkvæði
Jarðtæknifélagsins í samvinnu við byggingaverkfræði-
deild Verkfræðingafélags íslands. Þar flutti Freysteinn
Sigurðssonjarðfræðingurerindi semhann nefndi Ahrif
jarðfrœðiafia á byggð og búsetu.
JÓLAFUNDUR
Jólafundur var að venju haldinn í Skólabæ og fjall-
að um atvinnumál jarðfræðinga vítt og breitt, en þó
mest um störf utan ríkisstofnana. Frummælendur á
fundinum voru Ari Trausti Guðmundsson jarðeðlis-
fræðingur og jarðfræðingarnir Ágúst Guðmundsson
og Sigmundur Einarsson. Fundinn sóttu á þriðja tug
félagsmanna. Milli framsöguerindanna og eftir þau
urðu miklar umræður um j arðfræði"bransann", útgáfu-
mál, jarðfræðikennslu á öllum skólastigum og ýmis-
legt fleira skemmtilegt.
VORRÁÐSTEFNA
Hin árlega vorráðstefna Jarðfræðafélagsins var
haldin þann 20. apríl í Norræna húsinu. Fyrir hádegi
82 JÖKULL,No. 43, 1993