Jökull - 01.12.1993, Blaðsíða 85

voru flutt 4 erindi sem öll snertu Auðœfi á hafsbotni,
en eftir hádegi var veggspjaldasýning í sýningarsaln-
um í kjallara hússins með um 35 erindum. Þátttaka í
ráðstefnunni var ágæt, yfir 100 manns létu sjá sig og
fjölmiðlar veittu henni einnig nokkra athygli. Meðal
þeirra sem töluðu á morgunfundinum var yfirmaður
jarðfræðideildar Shell International í Haag, David M.
Loftus. Hann kom hingað til lands til þess að flytja
þettaerindi í boði olíufélagsins Skeljungs hf. og kunn-
um við þeim Skeljungsmönnumbestu þakkir fyrir vel-
vildina.
ÁHUGAHÓPUR
Loks er að geta starfsemi sérstaks áhugahóps um
djúpgerð íslands sem hafur haldið regluleg málþing í
vetur, alls 7 sinnum. Þátttaka hefur verið mjög góð, frá
20 til 40 manns á hverjum fundi, og þetta umræðuform
hefur þótt takast nokkuð vel. Það er von okkar að fleiri
taki sig til og reki svona áhugahópa um sérstök málefni
undir merkjum Jarðfræðafélagsins.
ORÐANEFND
Orðanefnd Jarðfræðafélagsins situr óbreytt frá
fyrri árum, en formaður hennar er Jón Eirrksson.
Nefndin hyggst á næstunni senda félagsmönnum JFI
fyrsta skammtinn úr orðabelgnum: 50 orð sem varða
eldfjöll og eldfjallafræði. I haust er von á orðalista um
jarðlagafræði og höggun, og því næst kemur röðin að
jöklafræði. Alls hefur nefndin á fundum sínum fjallað
um skilgreiningar á rúmlega 300 orðum.
RITNEFND JÖKULS
Leó Kristjánsson hefur setið í ritnefnd Jökuls fyrir
hönd Jarðfræðafélagsins og verður svo enn um sinn.
Af ýmsum ástæðum hefur útkomu ritsins seinkað, en
von er á 1991 heftinu nú í sumar og 1992 ekki alltof
löngu síðar. Auk Leós hafa þau Bryndís Brandsdóttir
og Helgi Björnsson lagt hér hönd á plóg.
SIGURÐARSJÓÐUR
Af Sigurðarsjóði er lítið að frétta annað en að fjár-
hagsstaða hans er nokkuð góð. Höfuðstóllinn var í
haust ríflega ein milljón króna og vextir tæplega tvö
hundruð þúsund krónur. Stjórn sjóðsins hefur komið
einu sinni formlega saman á starfsárinu. Nú má telja
tímabært að hugsa sér til hreyfings, og mun stjórnin
bjóða hingað fyrirlesara næsta vetur.
STJÓRN FÉLAGSINS
í stjórn Jarðfræðafélagsins síðastliðið ár sátu auk
formanns þau Hjalti Franzson, Gestur Gíslason, Guð-
rún Larsen og Guðrún Sverrisdóttir. Gestur og Hjalti
ganga nú úr stjórninni og vil ég nota tækifærið til að
þakka þeim fyrir samstarfið. Eg vil sérstaklega geta
þess að Hjalti hefur gegnt störfum gjaldkera bæði ár-
in sem hann hefur setið í stjórninni og farist það vel
úr hendi. Endurskoðendur félagsins eru þeir Þórólfur
Hafstað og Ásgrímur Guðmundsson.
NÝIR FÉLAGAR
Á síðasta aðalfundi bættust þrír meðlimir í félagið
og voru félagar þar með orðnir 203, samkvæmt nýjustu
talningu. Fyrirþessum fundi liggja síðan 6 umsóknir.
Freyr Þórarinsson
JÖKULL, No. 43, 1993
83