Dagblaðið Vísir - DV - 24.10.2014, Síða 2

2 Fréttir Helgarblað 24.–27. október 2014
Beraði sig fyrir
framan drengi
Héraðsdómur Reykjavíkur dæmdi
nýlega karlmann til tveggja
mánaða fangelsisvistar fyrir að
bera sig fyrir framan níu ára
drengi árið 2012. Í ákærunni gegn
manninum var honum gefið að
sök að hafa sært blygðunarsemi
tveggja drengja þegar hann stóð
fyrir innan opnar dyr á heimili
sínu í bol einum klæða og strauk
á sér getnaðarliminn.
Maðurinn neitaði sök en
Héraðsdómur Reykjavíkur taldi
sannað að maðurinn hafi verið
ber að neðan og vitnaði í fram­
burð drengjanna og föður annars
þeirra. Maðurinn var hins vegar
sýknaður af ásökun um að hafa
strokið á sér getnaðarliminn því
vitni sáu hann ekki gera það.
Einn drengjanna kvaðst hafa séð
manninn fara „einu sinni í hann
en gegn neitun mannsins þótti
Héraðsdómi Reykjavíkur þetta at­
riði ósannað.
Í dómnum kemur fram að
maðurinn var dæmdur í fjögurra
mánaða skilorðsbundið fang­
elsi fyrir blygðunarsemisbrot í
febrúar árið 2011 og var sá dóm­
ur staðfestur af Hæstarétti í sept­
ember sama ár. Í dómi Héraðs­
dóms Reykjavíkur kemur fram
að maðurinn hafi rofið skilorð og
var hann dæmdur í sex mánaða
fangelsi fyrir blygðunarsemisbrot
8. febrúar í fyrra og var skilorðs­
dómurinn dæmdur með. Því var
manninum nú dæmdur hegn­
ingarauki og refsing hans því
ákveðin tveggja mánaða fangelsi.
Ardvis-ákæra aftur-
kölluð vegna galla
Embætti sérstaks saksóknara hefur tvo mánuði til að höfða nýtt mál
Á
kæra sérstaks saksóknara
gegn tveimur aðstandend­
um fyrirtækisins Ardvis,
Bjarna Þór Júlíussyni og Úlf­
ari Guðmundssyni, hefur
verið aftur kölluð vegna formgalla.
Þetta segir lögmaður Bjarna Þórs,
Gunnar Ingi Jóhannsson, í samtali
við DV. Embætti sérstaks saksóknara
afturkallaði ákæruna þegar ljóst var
að í henni voru brotalamir.
„Það er rétt, það var búið að
ákæra. Hins vegar komu fljótlega í
ljós verulegar brotalamir í málatil­
búnaði sérstaks. Verjendur hugð­
ust fara fram á frávísun málsins en
saksóknari fékk frest til að lagfæra
ákæruna. Niðurstaðan var hins vegar
sú að það myndi ekki reynast unnt
og var málið því fellt niður í byrjun
október,“ segir Gunnar Ingi.
Ef ákæran hefði ekki verið aftur­
kölluð má fastlega búast við því að
henni hefði verið vísað frá dómi
vegna þeirra galla sem voru á henni.
Ekki samræmi
Ákæran gegn tvímenningunum var
gefin út í júní síðastliðið sumar. Í
ákærunni var Bjarni meðal annars
ákærður fyrir fjárdrátt en Ardvis,
eða félög sem tengdust því, fengu
greiddar rúmar 200 milljónir króna
frá meira en 100 einstaklingum inn
á reikninga sína á árunum 2010 til
2012. Eins og rakið er í ákærunni
fór stór hluti þessara fjármuna í
einkaneyslu.
Aðspurður segir Gunnar Ingi
að brotalamirnar í ákærunni hafi
meðal annars snúist um að ekki hafi
verið samræmi á milli ákærunnar
og gagna málsins: „Til dæmis í til­
viki Bjarna var honum gefið að sök
líklega um 800 aðskilin fjárdráttar­
brot í ákæru. Þegar farið var að bera
saman ákæruliðina við gögn máls­
ins kom í ljós að í flestum tilvikum
var ekkert samræmi milli ákæru og
gagna málsins. Oft vantaði hrein­
lega í gögnin þau skjöl eða annað
sem ákæruliðir voru byggðir á. Þess
vegna var í mörgum, jafnvel flest­
um tilvikum, ómögulegt að átta sig
á hvers vegna viðkomandi ákærulið­
ur átti að hafa verið fjárdráttur,“ segir
Gunnar Ingi.
Allir áttu að græða
DV hefur oftsinnis greint starfsemi
Ardvis á liðnum árum. Í stuttu
máli sagðist fyrirtækið vera að
þróa forrit á internetinu, Corpus
Vitalis, sem átti að gera fólki
kleift að fjárfesta í vörum og
þjónustu á netinu og án þess að
versla beint við aðra en Ardvis.
Mikill arður átti að verða til í
þessum viðskiptum sem skipt­
ast átti á milli hluthafa
Ardvis og svo átti
ákveðin pró­
senta að renna
til fátækra.
Þannig áttu
allir að
græða á
Ardvis.
Í
við­
tali
við DV í lok árs 2010, eftir að DV byrj­
aði að fjalla um málið, sagði Bjarni
Þór að Ardvis snerist aðallega um
að leggja fólki hjálparhönd. „Þetta
gengur mest út á að hjálpa fólki.
Þetta er sett upp þannig að það eru
ríkir sem eiga eitthvert lausafé sem
fjármagna þetta, af því að við feng­
um ekki fyrirgreiðslu í banka­
kerfinu. Fjárfestarn­
ir geta sjálfir haft
eitthvað upp úr
þessu en þeir
eru fyrst og
fremst að fjár­
magna hjálpar­
starf, deila
peningum til
fólksins sem þarf
aðstoð […]
Þetta er
áhættufjárfesting en við teljum þetta
vera það mikilvægt að við erum
reiðubúnir að leggja þetta á okkur.“
Þeir einstaklingar sem fjárfestu í
Ardvis fengu hins vegar ekki arð af
fjárfestingu sinni og fengu fjármuni
sína ekki til baka. Hlutaféð hafði ver­
ið notað til að reyna að koma Corpus
Vitalis á koppinn og það tapaðist.
Ólafur Stefánsson handknattleiks­
maður, sem setti um tíu milljónir
króna í verkefnið, var einn af þeim
sem setti fé í Ardvis þó að hann hefði
litla trú á að heil brú væri í því. „Það
eru 99 prósent líkur á að þetta sé
rugl,“ sagði Ólafur í samtali við DV.
Óvíst með framhaldið
Embætti sérstaks saksóknara hefur
nú þrjá mánuði til að ákveða hvort
gefin verði út ný ákæra eða ekki.
Ólafur Hauksson segir að hann geti
ekki tjáð sig um málið á þessu stigi
en að það sé til meðferðar hjá emb­
ættinu.
Fastlega má hins vegar búast við
því að gefin verði út önnur ákæra í
málinu á næstu tveimur mánuðum
þar sem embættið sá ástæðu til að
gefa út fyrri ákæruna og þar sem
brotalamir hennar voru formlegs
en ekki efnislegs eðlis. n
Ingi Freyr Vilhjálmsson
ingi@dv.is
„Verjendur hugðust
fara fram á frávís-
un málsins en saksóknari
fékk frest til að lagfæra
ákæruna.
Tveggja mánaða
frestur Embætti
sérstaks saksóknara,
Ólafs Haukssonar,
hefur nú tvo mánuði
til að gefa út nýja
ákæru í Ardvis-málinu.
Afturkölluð Ákæra sérstaks
saksóknara gegn Bjarna Þór
Júlíussyni og Úlfari Guðmundssyni
var afturkölluð vegna formgalla í
byrjun mánaðarins. Mynd SIgTryggur ArI
Loka á Hólmavík
Átján starfsmönnum Arion
banka var sagt upp í vikunni, en
þar á meðal eru einu starfsmenn
bankans á Hólmavík. Arion ætl­
ar að loka útibúinu á staðnum.
BB.is greinir frá en þar kemur
fram að tveir starfsmenn hafi
starfað í útibúinu. Viðskiptavin­
um bankans er bent á útibú hans
í Borgarnesi, en 160 kílómetrar
eru frá Hólmavík í Borgarnes.
Aðgerðirnar munu vera liður í
hagræðingu hjá bankanum, en
bankinn segir um helming við­
skiptavina sinna á Hólmavík hafa
aðsetur á höfuðborgarsvæðinu.
E
ngar eignir fundust í búi
Eignamiðjunnar ehf. sem er
fasteignafélag sem var í eigu
Karls Steingrímssonar fjár­
festis. Kröfur í þrotabú fé­
lagsins námu nærri 2,5 milljörðum
króna. Þetta kemur fram í auglýs­
ingu í Lögbirtingablaðinu. Skiptum
á búinu lauk þann 16. október síð­
astliðinn en félagið var tekið til gjald­
þrotaskipta árið 2011.
Eignamiðjan hélt meðal annars
utan um eignarhaldið á reisulegri,
dökkri nýbyggingu á Tryggvagötu 18
þar sem er að finna lúxusíbúðir sem
til stóð að selja dýru verði fyrir hrunið
2008. Efnahagshrunið setti hins vegar
strik í reikninginn og íbúðirnar seld­
ust ekki. Í dag er rekið íbúðahótel af
dýrari gerðinni í húsinu og kallast það
Black Pearl Apartments. Félagið átti
einnig aðra fasteign að Fiskislóð 74.
Karl átti einnig félagið Kirkju­
hvol, sem meðal annars átti húsið
sem hýsti veitingastaðinn við Tjörn­
ina gegnt Iðnó við Tjörnina í mið­
bæ Reykjavíkur. Það félag varð einnig
gjaldþrota og er það hús í dag í eigu
annars aðila. Þá átti Karl einnig hús­
næði gamla Reykjavíkurapóteksins á
horni Austurstrætis og Pósthússtræt­
is sem Guðjón Samúelsson teiknaði.
Húsið var selt til dótturfélags Lands­
bankans í fyrra. n
ritstjorn@dv.is
2,5 milljarða kröfur afskrifaðar
Skiptum lokið á fasteignafélagi Karls Steingrímssonar
Ekkert fannst Engar
eignir fundust í búi
Eignamiðjunnar ehf.,
fasteignafélagi Karls
Steingrímssonar sem
kenndur er við Pelsinn.