Tímarit hjúkrunarfræðinga - 01.03.2009, Blaðsíða 11
Tímarit hjúkrunarfræ›inga – 1. tbl. 85. árg. 2009 7
Starfsfólk St. Jósefsspítala mætt á blaðamannafund 7. janúar.
Um tvö þúsund Hafnfirðingar sótti fund til varnar St. Jósefsspítala 10. janúar.
eða sögðust undrast ákvörðunina. Félag
sérfræðinga í meltingarsjúkdómum
sagðist harma hvernig staðið var að henni.
Stjórn Félags íslenskra hjúkrunarfræðinga
varaði í ályktun stjórnvöld við að fara
of geyst í breytingar á heilbrigðiskerfinu
og sagðist óttast að við það skertist
þjónusta við sjúklinga umtalsvert og
dýrmæt sérþekking starfsmanna tapaðist.
Stjórnin ítrekaði nauðsyn þess að haft yrði
samráð við fagfólk áður en ákvarðanir um
breytingar væru teknar.
Heilbrigðisstofnanir sameinast á
landsbyggðinni
Sameining heilbrigðisstofnana á
landsbyggðinni var einnig mótmælt.
Þessar breytingar höfðu að vísu að
hluta til legið í loftinu síðan mörkum
heilbrigðisumdæma var breytt en sumt
kom á óvart. Í ákvörðun ráðherra fólst
að sameina ætti heilbrigðisstofnanir
þannig að 22 stofnanir yrðu að 6, ein
í hverju heilbrigðisumdæmi. Þetta vakti
strax viðbrögð hjá mörgum stofnunum
en einstaka stofnun fagnaði ákvörðun
ráðherra. Frá Húsavík kom til dæmis
yfirlýsing þar sem lýst var áhyggjum yfir að
heilsugæslustöðvar á Norðurlandi ættu að
sameinast í Heilbrigðisstofnun Norðurlands
með sjúkrahúsið á Akureyri sem miðpunkt.
Heilbrigðisstofnun Þingeyinga hefði nýlega
gengið í gegnum sameiningarferli þar sem
sparnaður reyndist lítil. Mörg sveitarfélög
hafa brugðist við með því að vilja taka við
rekstri heilsugæslustöðva og sjúkrahúsa
en vandséð er að það lækki í sjálfu sér
útgjöld ríkisins.
Hvernig á að spara?
Ríkisstjórnin féll svo 26. janúar, 19 dögum
eftir að breytingarnar í heilbrigðiskerfinu
voru tilkynntar. Úti var ævintýri. Fulltrúi
fyrrverandi þingminnihluta sagði, á meðan
stjórnarmyndunarumræður stóðu enn yfir,
að boðaðar breytingar á St. Jósefsspítala
yrðu að öllum líkindum dregnar til
baka. Viku seinna var svo kominn nýr
heilbrigðisráðherra. Ákvörðun hans um
framtíð St. Jósefsspítala lá ekki fyrir við
prentun en hann hefur sagt að ekkert
sparist á breytingum sem starfsfólk og
aðrir hagsmunaaðilar hafi ekki tekið þátt
í að móta. Ráðherra bíður nú það erfiða
verkefni að taka um 7 milljarða út úr
heilbrigðiskerfinu þannig að hægt verði að
borga skuldir ríkisins.
Þó að allir viðurkenni að ríkið þurfi að
spara eru ekki allir sammála um að
heilbrigðiskerfið eigi að taka þátt í því. Stjórn
Félags íslenskra heimilislækna sagði þegar
í nóvember að á þessum erfiðu tímum
væri mikilvægara en áður að standa vörð
um heilsufar þjóðarinnar. Stjórnin varaði
við lækkun útgjalda til heilbrigðismála,
sérstaklega í heilsugæslu landsmanna. En
einmitt í heilsugæslunni eru komnar fram
mjög róttækar sparnaðaráætlanir.
Heilsugæsla höfuðborgarsvæðisins
stendur frammi fyrir miklum vanda. Hún
þarf að spara samtals um 370 milljónir
2009. Að auki er hún með fortíðarvanda,
300 milljóna halla frá 2007 og fyrr sem hefur
ekki fengist bættur. Stjórn heilsugæslunnar
hefur sett fram aðgerðaáætlun þar sem
er reynt að vernda störf frekar en kjör.
Þeim starfsmönnum, sem hafa meira en