Tímarit hjúkrunarfræðinga - 01.03.2009, Blaðsíða 17

Tímarit hjúkrunarfræ›inga – 1. tbl. 85. árg. 2009 13
„Það eru fjölmargar ástæður fyrir því
að lyfjafyrirtækin eru áhugaverður starfs­
vettvangur,“ segir Aðalheiður Dagmar
sem kom til starfa sem sölu­ og
markaðsfulltrúi hjá Vistor vorið 2006.
„Fjölskylduvænn vinnutími skiptir máli.
Starfið er fjölbreytt og maður fær annað
sjónarhorn á lyfjafyrirtækin og starfsemi
þeirra. Við erum í miklum samskiptum við
fólk heima og erlendis. Ytra hefur maður
eignast góða samstarfsfélaga. Slíkt víkkar
sjóndeildarhringinn. Og rétt eins og í
öllum hjúkrunarstörfum þá krefst starfið
sjálfstæðra og vandaðra vinnubragða,
aga og mikillar samskiptahæfni.“
Þekking á kerfinu mikilvæg
Aðalheiður starfar hjá Janssen­Cilag
sem hefur mörg geð­ og taugalyf á
markaði en síðustu ár hafa bæst við
lyf sem vinna gegn mjög flóknum og
sérhæfðum vandamálum við „multiple
myeloma“ og HIV. Sjálf vinnur Aðalheiður
með Concerta, lyf sem er mikið notað
við athyglisbresti og ofvirkni. Hún annast
einnig markaðssetningu og sölu á þessum
nýju HIV­lyfjum hjá fyrirtækinu.
„Góð fagleg og klínísk reynsla er mikilvæg
í þessu starfi, þekking á starfsemi
sjúkrahúsa og heilsugæslustöðva og
því hvernig heilbrigðiskerfið virkar. Slíkur
bakgrunnur auðveldar starfið og gerir
okkur betur kleift að koma til móts við þarfir
viðskiptavina okkar,“ segir Aðalheiður sem
útskrifaðist með BSc­próf í hjúkrunarfræði
frá Háskóla Íslands árið 1997. Fyrsta árið
eftir það starfaði hún á lyflækningadeild
við Sjúkrahús Reykjavíkur, en ári síðar
gerðist hún deildarstjóri við hjúkrunar­
og dvalarheimilið Lund á Hellu. Var hún
þar fram til ársins 2003 þegar hún var
ráðin deildarstjóri á lyflækninga­ og
smitsjúkdómadeild A­7 við Landspítala­
háskólasjúkrahús í Fossvogi.
Reyndir í starfi
„Námið nýtist að sjálfsögðu hér eins og
annars staðar þar sem hjúkrunarfræðingar
vinna. Flestir hjúkrunarfræðingar, sem
ráða sig til starfa í lyfjafyrirtæki, hafa
góða faglega þekkingu og eru reyndir í
starfi. Þeir hafa oftast góða þekkingu á
sjúkdómum sem og virkni lyfja almennt.
Einhverjir hjúkrunarfræðingar hér í Vistor
hafa farið í framhaldsnám í hjúkrun eða
annað nám t.d. tengt markaðsmálum.
Það var góður skóli að starfa við
öldrunarhjúkrun austur á Hellu. Aldraðir
eru oft með marga og flókna sjúkdóma
og öldrunarhjúkrun því oft flókin og erfið
en um leið mjög gefandi og lærdómsrík.
Ég er í raun mjög þakklát fyrir það að hafa
tekið þá ákvörðun á sínum tíma að fara
austur,“ segir Aðalheiður sem bætir við að
reynslan, sem hún fékk sem deildarstjóri á
A­7, sé henni einnig dýrmæt.
„Á A­7 var og er frábært fagfólk: gríðarlega
færir sjúkraliðar og hjúkrunarfræðingar.
Sjúklingar á deildinni eru oftast bráðveikir og
þurfa mikið eftirlit og flókna hjúkrun. Klínísk
hjúkrun er mjög áhugaverð og gefandi. Þar
nýtir maður trúlega einna best þá þekkingu
sem maður öðlast í náminu: klíníska færni
og samskiptahæfni. Nálægðin, að vera til
staðar og geta hjálpað fólki og létt því lífið
í erfiðum veikindum, gefur manni mikið í
þessu starfi.“
Umræðan þarf að breytast
Aðalheiður segir að starf í lyfjageiranum
sé á margan hátt ólíkt klínískri hjúkrun.
Nálægðin við sjúklingana sé ekki sú
sama. Eigi að síður lúti starfið af því að
bjarga mannslífum og lina þjáningar. Slíkt
geri starfið mjög áhugavert.
„Ég get sagt þér eitt dæmi af HIV­lyfi
sem er mjög nýlega komið á markað.
Fyrir tveimur árum, það er löngu áður en
lyfið kom á markað, var mikil þörf á því.
Þróun nýrra lyfja við alnæmi er oft mikið
kapphlaup við tímann þar sem veiran
breytir sér svo ört að stundum eru engin lyf
eftir sem gagnast viðkomandi einstaklingi.
Við gátum hins vegar útvegað þetta lyf í
tæka tíð og þar hafa bjargast mannslíf.
Slíkt veitir manni góða tilfinningu. Það
eru mikil forréttindi að fá að vinna með
góð lyf sem gera gagn og vita til þess
að þau lini þjáningar og létti fólki með
torlæknanlega sjúkdóma lífið verulega
og bjargi jafnvel lífi þess. Það er sorglegt
hve neikvæða umfjöllun lyfjageirinn fær
oft. Það hafa örugglega flestir einhverju
sinni átt nákomna ættingja eða vini þar
sem lyfin hafa bjargað lífi eða að minnsta
kosti gert fólki með erfiða sjúkdóma lífið
léttbærara,“ segir Aðalheiður og heldur
áfram:
„Því miður virðast fjölmiðlar helst hafa
áhuga á lyfjaverði. Staðreyndin er reyndar
sú að frumlyf á Íslandi eru algjörlega
sambærileg í verði við hin Norðurlöndin,
meira að segja oft ódýrari en í Danmörku.
Fáir treysta sér aftur á móti að ræða hvað
það kostar okkur að hafa ekki lyf! Það er
sjaldan talað um það í fjölmiðlum hvað
lyfin eru okkur í raun gríðarlega mikilvæg.
Án þeirra værum við líklega flest dáin
úr einhverjum sýkingum og öðrum
veikindum sem drógu forfeður okkar til
dauða. Fjölmiðlar fjalla sömuleiðis lítið
um lyfjaþróun sem skilar því að fólk getur
lifað lengur betra og innihaldsríkara lífi
með sínum krónísku sjúkdómum. Það
Aðalheiður D. Matthíasdóttir. „Námið nýtist að
sjálfsögðu hér eins og annars staðar þar sem
hjúkrunarfræðingar vinna.“
„Fjölskylduvænn vinnutími skiptir máli. Starfið
er fjölbreytt og maður fær annað sjónarhorn á
lyfjafyrirtækin og starfsemi þeirra.“