Tímarit hjúkrunarfræðinga - 01.03.2009, Blaðsíða 20
Tímarit hjúkrunarfræ›inga – 1. tbl. 85. árg. 200916
Undanfarið ár hafa starfað vistunar
matsnefndir í hverju heilbrigðisumdæmi
á grundvelli reglugerðar um vistunarmat
nr. 1262/2007. Óski einstaklingur
eftir varanlegri vistun í hjúkrunarrými
skal hann senda skriflega beiðni um
vistunarmat til vistunarmatsnefndar í því
heilbrigðisumdæmi sem hann á lögheimili
í. Það er svo hlutverk nefndarinnar að safna
saman læknis og hjúkrunarfræðilegum
upplýsingum ásamt upplýsingum um
þá þjónustu sem viðkomandi fær frá
félagslegum yfirvöldum. Eftir atvikum getur
einnig verið um að ræða upplýsingar frá
svæðisskrifstofum um málefni fatlaðra.
Nefndinni ber einnig að kanna gaum
gæfilega hvort öll félagsleg og heilsufarsleg
úrræði til dvalar í heimahúsi hafi verið
fullreynd og telji hún að svo sé ekki þá er
beiðni um vistunarmat hafnað. Með þessu
móti er reynt að tryggja að ákvarðanir
vistunarmatsnefndanna séu byggðar á
sterkum faglegum rökum enda brýnt að
svo sé eigi þær að njóta trausts.
Eins og áður kom fram hefur núverandi
vistunarmatskerfi verið í notkun í rúmt ár
og því nokkur reynsla komin á þetta nýja
fyrirkomulag og í ljós komið hvað mætti
betur fara. Vegna starfa minna á dagdeild
fyrir minnissjúka hef ég tekið þátt í að
veita matsnefndinni upplýsingar um
rúmlega 20 einstaklinga á þessu ári og átt
mikil og góð samskipti við verkefnastjóra
vistunarmatsnefndar heilbrigðisumdæmis
höfuðborgarsvæðisins.
Þeir einstaklingar, sem ég hef veitt
nefndinni upplýsingar um, hafa allir á þeim
tímapunkti verið gestir á dagdeildinni sem
ég starfa á, mismarga daga í viku. Enginn af
þeim hafði persónulega frumkvæði að því
að sækja um að fá vistunarmat fyrir sjálfa
sig. Það gerðu aðstandendur þeirra ýmist
að eigin frumkvæði eða fyrir hvatningu frá
starfsmanni heilbrigðiskerfisins.
Þegar þannig er háttað heilsu þess sem
sótt er um fyrir tel ég brýnt að nefndin afli
sér beint upplýsinga hjá aðstandendum
um umönnun umsækjandans heima
fyrir því þær eru nauðsynlegar fyrir
heildarmynd af lífi þess sem sótt er
um fyrir. Upplýsingar um hvernig
sólarhringurinn gengur fyrir sig vantar
en þær eiga brýnt erindi þegar ákvörðun
er tekin um hvort þörf er á varanlegu
hjúkrunarrými, sérstaklega þegar um
heilabilaða einstaklinga er að ræða. Við
sem störfum með heilabiluðum þekkjum
vel að þó dagurinn gangi ljómandi vel
fyrir sig hjá hinum heilabilaða á sérhæfðri
dagdeild þá taka við miklir erfiðleikar hjá
aðstandendum þegar hinn sjúki kemur
heim, svo ekki sé minnst á kvöld, nætur
og hátíðisdaga. Það fáum við að heyra
hjá aðstandendum sem við höfum mikið
samstarf við.
Ein af spurningum nefndarinnar til
hjúkrunarfræðings er hvort búið sé
að reyna til þrautar heimahjúkrun og
félagsþjónustu. Á móti má spyrja hvort
Ragnheiður Gunnarsdóttir, logafold83@simnet.is
HVAÐ UM AÐSTANDENDUR?
ÞANKASTRIK
Ragnheiður Gunnarsdóttir er deildarstjóri á
dagdeild fyrir fólk með minnissjúkdóma á Eir
hjúkrunarheimili.
Upplýsingaöflun ábótavant í nýju vistunarmatskerfi
Ragnheiður Gunnarsdóttir ræðir hér reynslu sína af vistunarmatskerfinu
sem var tekið upp fyrir ári og þörf fyrir breytingar á því. Félagsmenn og
aðrir lesendur eru hvattir til þess að greina frá skoðunum sínum á þessu
máli og öðrum heil brigðis málum í Tímariti hjúkrunarfræðinga.
„Ég legg því til að þegar sótt er um vistunarmat
fyrir fólk með heilabilun verði upplýsinga leitað hjá
aðstandendum.“