Bændablaðið - 10.09.2015, Page 7

7Bændablaðið | Fimmtudagur 10. september 2015
Keli, eins og hann
er alltaf kallaður, í
Brandagili mætti til
að syngja með sínu
fólki en hann er einn
flottasti söng- og
sögumaður í Hrúta-
firði. Hann verður
101 árs næsta vor
og slær ekki slöku
við þrátt fyrir háan
aldur og að hann
sé nánast búinn að
missa sjónina.
Féð var rekið heim á suma bæ-
ina en keyrt með vögnum á aðra.
Hér er Hrafnhildur Jóhannsdóttir
á Akurbrekku á heimleið á sínum
hesti.
síðasta þætti varð útundan
vísa frá Pétri Péturssyni
lækni sem slegið var fram
á hagyrðingakvöldi Karlakórs
Eyjafjarðar fyrir nokkru. Þar
tókust þeir talsvert á, Pétur og
Jóhannes á Gunnarsstöðum.
Evrópusambandið bar m.a. á góma
en Pétur átti þó síðustu orðin og
kvaddi samkomuna um leið og
hann slíðraði sverðin með þess-
um orðum:
Öllum hér ég þakkir þyl
og þráfalt bið að muna.
Með kristilegum kærleiksyl
kveð ég samkomuna.
Ferð í Hjaltadal
Þótt varla hafi viðrað til sum-
arferðalaga hér norðanlands, þá
brugðum við okkur hjónin af bæ
í byrjun ágústmánaðar áleiðis
til Skagafjarðar. Hugðumst við
skoða okkur um í Hjaltadalnum.
Á leið okkar inn að Reykjum
voru verulegir vegatálmar við
bæinn Kálfsstaði hvar býr virtur
bóndi og fræðimaður, Ólafur
Sigurgeirsson. Ólafur reyndist
vera að flytja fjármuni, þ.e.a.s.
hrossakjöt milli bithaga. Er við
náðum tali af bónda sást að hann
var í litlu sálarlegu jafnvægi,
sennilega vegna langvarandi
óþurrka.
Byrjaði fljótlega að finna að
vinnu minni við vísnaþáttinn,
sem væri trúlega styrktur af
samtökum sauðfjárbænda, slík
væru efnistökin. Buðum við þá
Ólafi að bragða harðfisk ef ske
kynni að hann kæmi til sjálfs sín.
Tóbaks þurfti hann ekki með að
okkur sýndist.
Við harðfiskinn róaðist orð-
ræðan, og lofaði ég honum að
helga næsta þátt, hans mikla
framlagi til fiskeldismála í
héraði. Rósberg Snædal orti
hjálagðan brag í tilefni vígslu
Hólalax og hitaveitu Hjaltadals
þann 8. nóvember 1980. Hér er
bragsnilldin þvílík að varla verð-
ur betur gert.
Fylgja ofurmennum maurar,
mannlíf dofið vaknar senn.
Vært þó sofi gamlir gaurar
Gísli á Hofi vakir enn.
Hér mun breyta högum manna
hitaveita og laxaklak.
Vitni um sveitar viðreisn sanna
víst má heita Grettistak.
Hugsjón yljar, vænkast veika
vonin skiljanlega fljótt
þegar milljón laxar leika
listir í hyljum dag og nótt.
Sveitar minnar hækkar hagur,
Hólar minna á forna tíð,
heitt er mynnast hængur fagur
og hrygna, innilega blíð.
Bleikjur una léttum leikjum,
laxar bruna um streng og foss.
Feyki-bunan Billu á Reykjum
bestan munað veitir oss.
Velsæld okkur víst mun signa
og veita þokkalegan kvið
meðan nokkur hrygnir hrygna
og hænginn lokkar upp á rið.
Hólalax vér hyllum allir,
hefjum strax upp gleðisöng.
Réttið axlir, ýtar snjallir
á mun saxast veisluföng.
Heppnist klak með láni ljúfu,
létti stakan vora sál.
Menn frá Akri og Mánaþúfu
með oss taki vígsluskál.
Umsjón:
Árni Geirhjörtur Jónsson
kotabyggd1@gmail.com
Líf og starf
„Lömbin líta mjög vel út, auðvitað
er eitthvert smælki innan um en
í heildina eru bændur ánægðir,“
segir Guðmundur Ísfeld, réttar-
stjóri í Hrútatungurétt í Vestur-
Húnavatnssýslu, en réttað var
laugardaginn 5. september.
Fjallmenn komu með á milli fjög-
ur og fimm þúsund fjár í réttina en
féð kemur af fimm bæjum. Mikill
fjöldi sótti réttirnar og aðstoðaði
bændur við að draga í dilka. Þá
vakti mikla athygli þegar Þorkell
Zakaríasson, fyrrverandi bóndi
í Brandagili og bifreiðastjóri í
Hrútafirði, mætti í réttarkaffið og
söng nokkur lög en hann er rúm-
lega hundrað ára. Þorkell hefur ekki
komið í réttir síðustu ár og því urðu
miklir fagnaðarfundir þegar hann lét
sjá sig. Hann býr í dag á dvalarheim-
ilinu á Hvammstanga. /MHH
Smalað í Hrútatungurétt
Í
MÆLT AF
MUNNI FRAM
137
Systurnar frá Reykjum mættu að sjálfsögðu í réttirnar. Frá vinstri, Helga Margrét, Sigurbjörg, Kristín og Guðrún Gróa, Þorsteinsdætur. Myndir / MHH
Guðrún Eik Skúladóttir og Óskar Már Jónsson á Tannstaðabakka mættu með tvíbura-
dætur sínar í réttirnar en þær voru þarna rétt um sex vikna, fæddar 24. júlí í sumar.
Þær heita Bjarnveig Anna og Þórey Sunna.
Vel gekk að draga féð í dilkana enda var fólk einbeitt og duglegt við dráttinn.