Morgunblaðið - 12.08.2015, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 12. ÁGÚST 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Dauðinn er um margt sérstakur, en
eflaust er fátt sérkennilegra en að
komast að eigin dauða þegar maður
er enn á lífi. Því fékk Kolbeinn Sig-
urðsson að kynn-
ast snemma á tí-
unda áratug
síðustu aldar þeg-
ar hann hugðist
skrá sig í sambúð.
Kolbeinn er
einn fimm
einstaklinga sem
hafa ranglega
verið taldir af frá
árinu 1985 en mbl.
greindi frá því í
júlí að fjögur þeirra tilfella mætti
rekja til mistaka við skráningu.
Spurði hvort þetta væri grín
Kolbeinn segir að starfsmaðurinn
sem átti að skrá hann í sambúð hafi
spurt hann hvort um grín væri að
ræða enda hefði hann verið skráður
látinn í Þjóðskrá í um það bil mánuð
þegar hann ætlaði að skrá sig í sam-
búðina.
Við tóku þrjár vikur af endurlífg-
unartilraunum í kerfinu, segir Kol-
beinn en hann byrjaði á að ná sér í
fæðingarvottorð hjá sjúkrahúsinu á
Blönduósi, þar sem hann fæddist.
„Svo þurfti ég að fá fyrrverandi
konuna mína til að staðfesta að þetta
væri ég þó að ég væri með pappíra,“
segir Kolbeinn.
Dauði Kolbeins í kerfinu hafði lítil
áhrif eftir að hann hafði verið leið-
réttur, en hann segir skýringuna
vera að hakað var við rangan Kolbein
í Þjóðskrá.
„Ég hló að þessu, meira að segja á
meðan ég var að garfa í þessu. Það er
auðvelt að skemmta mér,“ segir Kol-
beinn sem grínast stundum í góðra
vina hópi; að í hópnum sitji einn
framliðinn. ash@mbl.is
Tók þrjár vikur
að lifna aftur við
 Var óvart skráður látinn í Þjóðskrá
Kolbeinn
Sigurðsson
Um 1.600 börn hefja nám í 1. bekk í
grunnskólum Reykjavíkurborgar í
ár. „Breytingar geta orðið alveg
fram að skólabyrjun sem er 24.
ágúst,“ segir í upplýsingum frá
Reykjavíkurborg.
Til samanburðar hófu tæplega
1.500 börn nám í grunnskólum
borgarinnar á síðasta ári. Um er að
ræða börn sem fæddust árið 2008
og 2009.
Á sama tíma hefja um 1.400 börn
leikskólagöngu í Reykjavík, en þau
eru fædd árið 2013. Árið 2014 vist-
uðust 1.406 börn inn í leikskóla
borgarinnar.
Mest fjölgun í Dalskóla
Ef skoðaður er fjöldi nemenda
eftir grunnskólum í Reykjavíkur-
borg milli ára er mest fjölgun nem-
enda í Dalskóla í Grafarholtinu, eða
um 13,4%. Þar voru 127 börn vistuð
árið 2014 en áætlað er að 144 börn
sæki skólann árið 2015. Næstur á
eftir kemur Laugalækjarskóli þar
sem nemendum fjölgar um 11,4%
eða frá 255 í 284 á milli ára.
Þá fækkar nemendum mest milli
ára í Klébergsskóla á Kjalarnesi,
eða um 6,5%. Þar sóttu 124 nem-
endur grunnskólann árið 2014 en
116 áætlaðir árið 2015. Fossvogs-
skóli fylgir fast á eftir með 4,2%
fækkun á milli ára. laufey@mbl.is
Hundrað fleiri börn
byrja í fyrsta bekk
 Um 1.600 börn hefja grunnskólagöngu í Reykjavík í ár
Morgunblaðið/Ásdís
Leikur að læra Fleiri börn munu hefja nám við grunnskóla í ár en í fyrra.
Veðurstof-
an varar við
hvassviðri
Veðurstofan vek-
ur athygli á spá
um hvassviðri eða
storm með snörp-
um vindhviðum
sunnan- og vest-
antil á landinu í
dag.
Vaxandi lægð
nálgast landið úr
suðvestri og verð-
ur vaxandi suð-
austan átt í dag, 13-20 metrar á sek-
úndu og talsverð rigning sunnan- og
vestantil á landinu síðdegis, en 15-23
metrar á sekúndu við suður- og suð-
vesturströndina og á miðhálendinu.
Búast má við vindhviðum allt að
35 metrum á sekúndu við fjöll á þeim
slóðum, að því er segir í tilkynningu
frá Veðurstofunni.
Draga fer úr vindi og úrkomu í
kvöld en vegfarendum með eftir-
vagna er ráðlagt að fara ekki um
þessi svæði fyrr en vind lægir.
Tryggingafélög ráðleggja fólki að
huga að því að festa tryggilega tjöld
og lausamuni líkt og trampólín og
garðhúsgögn.
Trampólín Lausa-
munir gætu fokið.
 Ráðleggja fólki
að festa lausamuni
Benedikt Bóas
benedikt@mbl.is
Kennarar geta valið hvort þeir sinna gæslu í
matartímum eða ekki. Ekki er lengur greitt
sérstaklega fyrir þá gæslu og telja skólastjórn-
endur í Reykjavíkurborg að kennarar muni
ekki gefa tíma sinn til nemenda þegar þeir sitja
að snæðingi. Guðlaug Erla Gunnarsdóttir,
skólastjóri Ingunnarskóla, og formaður Félags
skólastjórnenda í Reykjavík segir að áður hafi
kennari átt að kenna 26 stundir og fengið greitt
fyrir aðra viðveru með nemendum. Í nýja
samningnum sé búið að opna á að kennarar geti
hafnað gæslu í hádegi enda sé ekki greitt sér-
staklega fyrir þá gæslu.
„Þetta er breyting því kennari fékk áður allt-
af sérstaklega greitt fyrir gæsluna. Auðvitað
finnst einhverjum kennurum skrýtið að taka að
sér gæslu sem þeir fengu greitt fyrir en fá ekki
lengur,“ segir hún.
Verið að túlka nýjan samning
Skólastjórnendur í grunnskólum Reykjavíkur
hittust á mánudag með sínum yfirmönnum og
fóru yfir komandi skólaár. Þegar talið barst að
matmálstímum hækkaði rómur stjórnenda skól-
anna. Nýtt skólaár hefst 24. ágúst en kennarar
mæta flestir til vinnu á mánudag. Guðlaug seg-
ir að skólastarf leggist vel í sig þrátt fyrir
óvissuna um hvort kennarar muni standa vakt-
ina með börnum í hádegismatnum eða ekki.
„Það er ekkert drama í þessu máli. Það er
verið að túlka nýja kjarasamninga og það eru
einhverjir óvissufletir sem fólk er enn að átta
sig á.
Það er heilmikil breyting í þessum samn-
ingum. Viðverutími og gæslumál. Það er mis-
munandi hvernig stjórnendur túlka og hvernig
kennarar túlka. Nú er verið að finna flöt sem
allir geta sætt sig við,“ segir hún.
Ólafur Loftsson, formaður Félags grunn-
skólakennara, gat ekki svarað því hvort kenn-
arar ætluðu að hætta gæslu í hádeginu eða
ekki. „Tæknilega er engin breyting á þessum
málum. Kennarar geta, ef þeir kjósa og hafa
tíma til þess, sinnt gæslu en það verður enginn
þvingaður til þess.“
Engin gæsla í matartímum?
 Óvissa um viðveru kennara í matartímum í grunnskólum  Ekki lengur greitt
sérstaklega fyrir gæslu samkvæmt nýjum kjarasamningi  Spurning um túlkun
Morgunblaðið/Eggert
Matartími Það er oft ys og þys í
matartímum í grunnskólum.
Rúmlega 30 hektarar af götum verða malbikaðir í sum-
ar á höfuðborgarsvæðinu sem er töluvert meiri fram-
kvæmdagleði en undanfarin ár. Malbiksgeirinn er kom-
inn mjög langt í því að endurvinna en hægt er að nýta
nánast hvern einasta stein upp á nýtt sem settur er í
veginn. Sumarið hefur verið gott til malbikunar sunn-
anlands og þó nokkur tonn af möl farið í að veita
þreyttum vegaköflum verðskuldaða andlitslyftingu.
Morgunblaðið/Þórður
Mölinni mokað fyrir sumarstorminn
Andlitslyfting gatna í Reykjavík
Tveir karlmenn voru handteknir við
Lón nálægt Höfn í Hornafirði í gær,
en þeir eru grunaðir um að hafa
staðið á bak við þjófnaði úr versl-
unum á Blönduósi, Sauðárkróki og
Eskifirði, auk þess sem verið er að
skoða mál frá Akureyri sem gæti
tengst mönnunum. Hafði annar
mannanna að sögn lögreglu nýtt sér
persónutöfra sína til að afvegaleiða
afgreiðslufólk þannig að annaðhvort
hann eða samferðamaður hans gæti
smeygt sér í peningakassa versl-
ananna og slegið ryki í augu af-
greiðslustúlkna til að fá þær til að
fara frá. Stálu þeir þannig bæði úr
veski starfsmanns og peningakass-
anum. Á laugardaginn var fyrst til-
kynnt um þjófnað mannanna á
Blönduósi, þeir héldu svo upp-
teknum hætti á Sauðárkróki en í
gær hljóp á snæri lögreglunar eftir
að tilkynnt var um svipaðan leik í
verslun Samkaupa á Eskifirði. Var
maðurinn sagður útlendingur og
passaði lýsingin við einn þann
grunaða úr fyrri málunum. Stoppaði
lögreglan á Höfn mennina stuttu
seinna á leiðinni suður.
Sjarma-
þjófar
handteknir
 Slógu ryki í augu
afgreiðslufólks