Morgunblaðið - 12.08.2015, Blaðsíða 30

30 MENNING
MORGUNBLAÐIÐ MIÐVIKUDAGUR 12. ÁGÚST 2015
Vilt þú vita hvers virði
eignin þín er í dag?
Pantaðu frítt söluverðmat án skuldbindinga!
HRINGDU NÚNA 820 8080
Sylvía
Löggiltur fasteignasali
sylvia@fr.is
Brynjólfur
brynjolfur@fr.is
Breski sönghópurinn The King’s
Singers heldur tónleika í Eld-
borgarsal Hörpu 16. september
næstkomandi og sama dag verður
haldið masterklassanámskeið með
meðlimum hópsins sem munu á því
kenna íslenskum sönghópum,
kammerkórum og kórum. Sex hóp-
ar hafa verið valdir á námskeiðið,
sem verður opið almenningi, hefst
kl. 11 og lýkur 13.30 og verður í
Norðurljósum og Kaldalóni. Hægt
verður að kaupa sér miða og fylgj-
ast með námskeiðinu og kostar
miðinn 1.500 kr. Námskeiðinu lýk-
ur með stuttum tónleikum þátttak-
enda.
Sönghópurinn var stofnaður árið
1968 og heldur hann vel yfir hundr-
að tónleika á ári víða um heim.
Hann hefur gefið út yfir 150 hljóm-
diska frá stofnun. The King’s Sing-
ers hefur tvisvar hlotið Grammy-
verðlaun, árið 2009 fyrir plötuna
Simple Gifts og árið 2012 fyrir
Light and Gold.
Heimsfrægur Sönghópurinn raddfagri The King’s Singers.
Opið námskeið með The King’s Singers
Nútímalistasafnið í New York,
MoMA, sýnir um þessar mundir 34
kvikmyndaplaköt úr einkasafni
Martins Scorsese undir yfirskrift-
inni Scorsese Collects. Lykilplakat
sýningarinnar mun vera frá árinu
1951 og var á sínum tíma notað til
kynningar á myndinni The Tales of
Hoffmann í leikstjórn Michaels
Powell og Emerics Pressburger.
Meðal annarra plakata má nefna
The Red Shoes frá 1948 í leikstjórn
Michaels Powell, The Earrings of
Madame de... frá 1953 í leikstjórn
Max Ophuls
og Scarface frá 1932 í leikstjórn
Howard Hawks.
Samhliða sýningunni verða í
MoMA sýndar
alls 33 kvik-
myndir í ágúst
sem Scorsese tel-
ur að hafi mótað
fagurfræði sína,
en þar er jafnt
um að ræða
klassískar evr-
ópskar og banda-
rískar myndir,
rökkurmyndir, hryllingsmyndir,
gamanmyndir, hasarmyndir og lítt
þekktar B-myndir. Meðal leikstjóra
eru stórnöfn á borð við Michael Po-
well, Max Ophuls, Stanley Kubrick
og Jean Renoir. Sýningin stendur
til 25. október.
Sýnir plaköt úr einkasafni í MoMA
Martin Scorsese
Silja Björk Huldudóttir
silja@mbl.is
„Hátíðin verður með aðeins öðruvísi sniði þetta
árið vegna 70 ára kaupstaðarafmælis Ólafs-
fjarðar,“ segir Ólöf Sigursveinsdóttir, sellóleik-
ari og framkvæmdastjóri Berjadaga sem hefj-
ast annað kvöld, fimmtudag, og standa til
sunnudags, en hátíðin er að
þessu sinni haldin í 17. sinn.
„Í tilefni kaupstaðar-
afmælisins ákváðum við að
fara í leikhúsklæðnað, sem
lengir hátíðina örlítið, en
fyrir vikið verða engir form-
legir lokatónleikar,“ segir
Ólöf og vísar þar til þess að
Guðmundur Ólafsson muni
leika verk sitt Annar tenór –
en samt sá sami í Tjarn-
arborg laugardaginn 15.
ágúst kl. 20 og sunnudaginn 16. ágúst kl. 16.
Uppfærslan var sýnd í Iðnó sl. vetur. Leikstjóri
er María Sigurðardóttir og auk Guðmundar
leikur í sýningunni Aðalbjörg Þóra Árnadóttir
auk píanóleikarans Sigursveins Magnússonar.
Einstakur hljóðheimur Mógils
„Við bjóðum upp á tvenna mjög ólíka en
skemmtilega tónleika í Ólafsfjarðarkirkju.
Annað kvöld kl. 20 flytja Hanna Þóra Guð-
brandsdóttir sópran og Helga Bryndís
Magnúsdóttir píanóleikari fjölbreytta tónlist.
Hanna Þóra er ung og upprennandi söngkona
sem hefur tengsl við Ólafsfjörð. Hún hlakkar til
að syngja sína fyrstu tónleika í fullri lengd í
bænum, en hún hefur oft haft tækifæri til að
syngja við ýmsar kirkjulegar athafnir,“ segir
Ólöf og tekur fram að á efnisskránni verði
klassískar íslenskar söngperlur, óperuaríur og
söngleikjalög. „Föstudaginn 14. ágúst kl. 20
mun hljómsveitin Mógil kynna sinn einstaka
hljóðheim og flytja ný lög af glóðvolgri plötu
sem væntanleg er í ágúst og nefnist Korriró.
Sveitin leikur sér mjög skemmtilega með ís-
lensk þjóðlög og útsetur sjálf í spunaformi,“
segir Ólöf, en sveitina skipa þau Heiða Árna-
dóttir söngkona, Kristín Þóra Haraldsdóttir á
víólu, Hilmar Jensson á rafgítar, Eiríkur Orri
Ólafsson á trompet og Joachim Badenhorst á
klarínett. „Tónleikar hennar í Ólafsfjarðar-
kirkju verða órafmagnaðir,“ segir Ólöf.
Af öðrum viðburðum Berjadaga nefnir Ólöf
söngstund sem hún hefur umsjón með ásamt
Sigrúnu Valgerði Gestsdóttur söngkonu, Guð-
mundi Ólafssyni tenór og Sigursveini Magnús-
syni tónlistarmanni föstudaginn 14. ágúst kl. 15
á dvalarheimilinu Hornbrekku.
„Í tilefni 70 ára kaupstaðaafmælisins verður
sýning á ljósmyndum Brynjólfs Sveinssonar í
Tjarnarborg laugardag og sunnudag milli kl. 14
og 18, en aðgangur er ókeypis,“ segir Ólöf og
tekur fram að dætur ljósmyndarans, Helga
Pálína og Ragnheiður Brynjólfsdætur, hafi veg
og vanda af sýningunni, en aðgangur er ókeyp-
is. „Myndir Brynjólfs lýsa daglegu lífi fólks í
bænum og geyma merkar heimildir um menn-
ingarsögu Ólafsfirðinga. Myndir hans eru tekn-
ar á fimmtíu ára tímabili, frá 1930-80. Ólafs-
fjörður er, líkt og önnur sjávarpláss hérlendis,
samfélag í mótun sem gengið hefur í gegnum
mikla breytingatíma. Hér standa margar bygg-
ingar við höfnina sem fæstar eru nýttar í
tengslum við sjávarútveginn, eins og ætlunin
var í fyrstu,“ segir Ólöf og bendir á að gott sé
að líta yfir farinn veg og skoða hlutina úr
ákveðinni fjarlægð. Í tilefni afmælisins verður
einnig opið hús í Pálshúsi á laugardag kl. 13-17
þar sem boðið verður upp á veitingar og ýmsar
óvæntar uppákomur verða.
Nýir listamenn nema land
„Að vanda lýkur Berjadögum með friðar-
messu í Ólafsfjarðarkirkju sunnudaginn 16.
ágúst kl. 11, en prestur er Sigríður Munda
Jónsdóttir,“ segir Ólöf, sem sjálf sér um tónlist-
arflutning við messuna ásamt Ave Tonisson
organista og söngvurunum Sigrúnu Valgerði
Gestsdóttir og Jóni Þorsteinssyni. „Jón er einn
þeirra tónlistarmanna sem margoft hafa komið
fram á Berjadögum. Hann býr í firðinum hálft
árið og í Hollandi hinn helminginn, eins og far-
fugl,“ segir Ólöf og tekur fram að ánægjulegt
sé hversu margir nýir listamenn hafi numið
land á Berjadögum. „Það er kærkomið fyrir ís-
lenska listamenn að leggja leið sína í Ólafsfjörð
og kynna sig á nýjum slóðum, en hér eru frá-
bærir áhorfendur,“ segir Ólöf og upplýsir að
aðsóknin á Berjadaga hafi ávallt verið mjög
góð. „Heimamenn eru duglegir að fara á við-
burði hátíðarinnar auk þess sem margir leggja
leið sína í Ólafsfjörð gagngert þessa helgi til
þess að njóta hér lista,“ segir Ólöf og bendir á
að það eigi ekki síst við um brottflutta Ólafs-
firðinga. Miðar eru seldir við innganginn og á
midi.is, en þess má geta að hátíðarpassi sem
veitir aðgang að öllum viðburðum kostar 6.500
kr. Allar nánari upplýsingar um einstaka við-
burði og listamenn má finna á vefnum berja-
dagar-artfest.com.
Ólíkir en skemmtilegir tónleikar
Mógil Hljómsveitina Mógil skipa Kristín Þóra Haraldsdóttir á víólu, Heiða Árnadóttir söngkona,
Hilmar Jensson á rafgítar, Eiríkur Orri Ólafsson á trompet og Joachim Badenhorst á klarinett.
 Berjadagar haldnir í 17. sinn á Ólafsfirði  Boðið verður upp á tónleika, leiksýningu, söngstund,
ljósmyndasýningu og tónlistarmessu  „Hér eru frábærir áhorfendur,“ segir framkvæmdastjórinn
Ólöf
Sigursveinsdóttir