Morgunblaðið - 12.08.2015, Blaðsíða 33

MENNING 33
MORGUNBLAÐIÐ MIÐVIKUDAGUR 12. ÁGÚST 2015
Vacation
Ný mynd um Griswold-fjölskylduna
sem kom við sögu í Vacation-
gamanmyndunum. Að þessu sinni
fer sonur Clark Griswold, sem
Chevy Chase lék eftirminnilega í
fyrri myndum, Rusty Griswold,
með fjölskyldu sína í fjölskyldu- og
skemmtigarðinn Wally World, eins
og foreldrar hans gerðu þegar
hann var drengur. Ferðin gengur
að sjálfsögðu ekki eins og í sögu og
Rusty, eiginkona hans Debbie og
synir þeirra tveir, James og Kevin,
lenda í hverri neyðarlegu uppá-
komunni á fætur annarri. Með aðal-
hlutverk fara Ed Helms, Christina
Applegate, Chris Hemsworth, Les-
lie Mann og Skyler Gisondo og leik-
stjórar eru John Francis Daley og
Jonathan M. Goldstein.
Metacritic: 33/100
Frummaðurinn
Teiknimynd sem segir af frum-
manninum Eðvarði, sem verður
fyrir því að falla úr tré og hand-
leggsbrotna. Hann neyðist til að
standa uppréttur og verður því
fyrstur til að ganga. Hann er aleinn
og umkringdur hættum óbyggð-
anna og þarf að sannfæra vin sinn
um að hjálpa. Leikstjóri er Jamel
Debbouze.
Enga gagnrýni er að finna um
myndina.
The Gift
Spennutryllir um hjónin Simon og
Robyn sem flytja í nýtt hús í nýju
hverfi. Simon hittir þar fyrrverandi
skólafélaga sinn, Gordo, sem fer að
venja komur sínar á heimili þeirra
hjóna og færa þeim dýrar gjafir.
En Gordo býr yfir stórhættulegu
leyndarmáli og þegar Simon fær
nóg af honum og biður hann að
hætta að heimsækja þau fara skelfi-
legir atburðir að eiga sér stað. Í ljós
kemur að Simon og Gordo eiga sér
hryllilegt leyndarmál. Með aðal-
hlutverk fara Jason Bateman, Joel
Edgerton og Rebecca Hall og Ed-
gerton leikstýrði einnig myndinni.
Metacritic: 78/100
Southpaw
Jake Gyllenhaal leikur hnefaleika-
kappann Billy Hope sem lifir við
vellystingar, ferill hans er glæstur
og hann á bæði ástríka eiginkonu
og yndislega dóttur. En örlögin
knýja dyra, eiginkona Hope lætur
lífið og hann missir forræði yfir
dóttur sinni. Ferli hans virðist vera
lokið og harmi sleginn gefur hann
upp alla von. En þá kemur þjálf-
arinn Tick Williams til bjargar,
stappar í hann stálinu og hvetur
hann til að halda áfram að berjast.
Hefst þá löng og ströng þjálfun
enda framundan erfiðasti bardag-
inn á ferli Hope.
Leikstjóri er Antoine Fuqua og
með aðalhlutverk fara Forest
Whitaker, Jake Gyllenhaal, Oona
Laurence, Rachel McAdams og 50
Cent.
Metacritic: 57/100
Bíófrumsýningar
Hrakföll, hrollvekja og hnefaleikar
Í hörkuformi Jake Gyllenhaal gekkst undir stranga hnefaleikaþjálfun fyrir
hlutverk sitt í kvikmyndinni Southpaw sem frumsýnd verður í dag.
Martin Scorsese
mun leikstýra
Leonardo Di-
Caprio í aðlög-
un á bókinni
The Devil in the
White City:
Murder, Magic
and Madness at
the Fair That
Changed Am-
erica eftir Erik
Larson sem fjallar um fjölda-
morðingjann dr. H.H. Holmes
sem uppi var á 19. öld. Talið er
að Holmes hafi myrt allt að 200
manns, aðallega ungar konur sem
hann tældi inn á hótel sitt í Chi-
cago. DiCaprio keypti kvik-
myndaréttinn að bókinni fyrir
fimm árum, en kvikmynda-
handritið skrifaði Billy Ray.
Myndin verður sú sjötta sem Di-
Caprio og Scorsese vinna saman,
en meðal fyrri samstarfsverkefna
þeirra eru Gangs of New York og
The Wolf of Wall Street.
Leonardo
DiCaprio
Sjötta mynd félag-
anna í smíðum
Hin óbugandi sérsveit IMFmeð Ethan Hunt (TomCruise) í fararbroddi ermætt enn á ný til þess að
leysa þau mál sem aðrar leyniþjón-
ustur Bandaríkjanna telja ómögu-
legt að leysa. Sveitin sætir þó síauk-
inni gagnrýni innan bandaríska
stjórnkerfisins, því að þó að ekki
verði deilt um árangurinn þykja að-
ferðirnar nokkuð óvanalegar.
Hunt kemst að þessu sinni á snoð-
ir um háleynileg glæpasamtök sem
skipuð eru fyrrverandi leyniþjón-
ustumönnum víða um veröldina og
stýrt af hinum dularfulla Solomon
Lane, en áður en sérsveitin getur
tekið til starfa hafa bandarískir
þingmenn ákveðið að leysa IMF
upp, og fyrr en varir er Ethan Hunt
orðinn að útlaga, hundeltur af bæði
vondu og góðu gæjunum. Stóra
spurningin er: Mun hann geta sann-
að tilvist samtakanna, hreinsað nafn
sitt og endurreist IMF?
Mission: Impossible – Rogue
Nation er fimmta myndin í kvik-
myndabálknum um IMF og Ethan
Hunt, og eru nærri því tuttugu ár
liðin frá því að fyrsta myndin var
gerð. Er skemmst frá því að segja að
M:I – RN er líklega sú besta af
framhaldsmyndunum fjórum. Allt
frá fyrstu mínútu til hinnar síðustu
er áhorfandanum boðið í rússíbana-
ferð þar sem öll aðalsmerki góðrar
njósnamyndar eru höfð í hávegum.
Söguþráðurinn gæti vissulega
virkað ruglandi á suma, þar sem
hann virkar stundum eins og afsök-
un fyrir kvikmyndagerðarfólkið til
þess að nota staði eins og Vín, Casa-
blanca og London sem stórglæsi-
legan bakgrunn fyrir sprengingar.
Engu að síður heldur myndin ágæt-
lega saman. Það sem helst háir
henni er þó að ólíkt til dæmis fyrstu
myndinni er ekkert eitt „háspennu-
atriði“ sem fólk mun minnast þegar
fram líða stundir.
Myndin er að miklu leyti byggð
upp, eins og hinar fyrri, til þess að
Tom Cruise geti látið ljós sitt skína.
Engu að síður sýna flestir meðleik-
arar hans hér prýðisgóðan leik. Alec
Baldwin er til að mynda tilvalinn í
hlutverk Hunleys, yfirmanns CIA,
sem hefur horn í síðu IMF og Hunts
og sýnir það í verki.
Á enga er hallað þó að þeim Simon
Pegg og sænsku leikkonunni Re-
beccu Ferguson sé hampað meir en
hinum. Pegg nær mjög góðum
sprettum sem Benji Dunn, tölvu-
gúru og helsti hjálparkokkur Ethans
Hunt. Ferguson stelur hins vegar
senunni algjörlega þegar hún er á
skjánum sem Ilsa Faust, breskur
njósnari sem lendir á milli tveggja
elda. Verður að hrósa kvikmynda-
gerðarmönnunum sérstaklega fyrir
það að hafa búið til sterkan kven-
karakter sem bíður ekki eftir því að
Tom Cruise komi og bjargi sér, held-
ur sparkar alveg jafnfast í rassa og
hinir.
Tónlist myndarinnar hjálpar einn-
ig andrúmslofti hennar, en hún er
lágstemmd með vísunum í bæði óp-
eruna Turandot og svo hið magnaða
titillag Mission: Impossible seríunn-
ar eftir Lalo Schifrin. Þvert á vænt-
ingar undirritaðs var Mission: Im-
possible – Rogue Nation því hin
fínasta skemmtun, og vel þess virði
fyrir aðdáendur kvikmyndaseríunn-
ar að kíkja á.
Á bláþræði Tom Cruise hangir utan á þotu í einu atriða fimmtu Mission: Impossible kvikmyndarinnar. Cruise hefur áður sýnt að hann er ekki lofthræddur.
Ómögulega góð spennumynd
Laugarásbíó, Sambíóin og
Smárabíó
Mission: Impossible – Rogue Nation
bbbbn
Leikstjóri og handritshöfundur: Christ-
opher McQuarrie. Aðalhlutverk: Tom
Cruise, Jeremy Renner, Simon Pegg, Re-
becca Ferguson, Ving Rhames, Sean
Harris og Alec Baldwin. Bandaríkin
2015, 131 mínúta.
STEFÁN GUNNAR
SVEINSSON
KVIKMYNDIR
Upplýst hefur
verið hvaða
konur munu
taka þátt í höf-
undasmiðju sem
Meryl Streep
hleypti af stokk-
unum í apríl síð-
astliðnum.
Markmiðið með
smiðjunni er að
efla konur í hópi handritshöfunda
sem komnar eru á fimmtugs-
aldur. Samkvæmt frétt Guardian
sóttu rúmlega 3.500 konur um að
taka þátt, en viðtökur voru nokk-
uð umfram væntingar. Í kjölfar
þessa var plássum fjölgað úr átta
í tólf. Smiðjan er unnin í sam-
starfi við Writers Guild of Am-
erica East, sem sá um að meta
þátttakendur, og Streep, sem
fjármagnar verkefnið að fullu.
Streep hefur verið dugleg að
benda á skarðan hlut kvenna í
kvikmyndabransanum og hefur
sjálf lagt áherslu á að leika í
kvikmyndum í leikstjórn kvenna
eftir handritum kvenna.
Metaðsókn í nýja
höfundasmiðju
Meryl Streep
VACATION 3:50, 5:50, 8, 10:10
THE GIFT 8, 10:20
FRUMMAÐURINN 2D 3:40, 5:50
TRAINWRECK 8, 10:35
SKÓSVEINARNIR 2D 3:50
MINIONS - ENS TAL 2D 6
LAUGARÁSBÍÓ Sýningartímar
Miðasala og nánari upplýsingar