Morgunblaðið - 12.08.2015, Blaðsíða 11

Listakona Bergdís Inga Brynjarsdóttir á vinnustofunni sinni í Leipzig í Þýskalandi þar sem hún unir hag sínum vel.
flakkaði hann á milli Berlínar og
Leipzig en að námi mínu loknu
ákváðum við að búa sama í Leip-
zig,“ segir hún og líkar borgin dá-
vel.
Það er ekki á dagskránni á
næstunni að flytja aftur heim til Ís-
lands, þar sem þau eru barnlaus og
enn að mennta sig. „Það yrði erfitt
að skipta um umhverfi. Maturinn er
ódýr og leigan er lág. Við höfum
það virkilega gott hér, þó að hitinn
sé nokkuð óbærilegur sem stendur
en það eru um 30 gráður,“ segir
hún og hlær um leið og blaðamaður
tjáir henni að hitastigið nái ekki
tveggja stafa tölu á Íslandi.
Bergdís starfar í hlutastarfi í
verslun samhliða því að hanna fylgi-
hluti. „Það er líka fínt að fara aðeins
út úr húsi og vinna, í stað þess að
vera alveg föst heima í mínu dóti og
hanna allan daginn.“
Amma benti á orkeringu
Handfang töskunnar, sem hún
sendi í keppnina, er með sérstökum
hnútum eða orkeringu. En Bergdís
hefur getið sér gott orð fyrir falleg
hárbönd, hálsmen og armbönd með
þessari orkeringu, sem hún hannar
undir merkinu Dís by Bergdís. Efn-
ið í þeim er kaðall sem hún klæðir
með efni.
„Ég lærði að orkera fyrir 6 ár-
um. Amma mín, Jenný Karlsdóttir,
hélt að orkering væri eitthvað fyrir
mig og stakk upp á því að ég skyldi
læra hana. Hún útvegaði mér kenn-
ara sem sýndi mér undirstöðuatrið-
in og síðan nýtti ég mér bækur og
youtube-myndbönd til að verða
betri. Hefðbundin orkering, sem er
ein tegund af blúndu, og vörurnar
sem ég geri eru mjög ólíkar í útliti.
Fæstir myndu tengja vörurnar mín-
ar við þessa gömlu handverkshefð,“
segir hún og bætir við að hún komi
úr fjölskyldu þar sem mikill metn-
aður er fyrir vönduðu handverki.
Bergdís hefur mikinn áhuga á
því sem hönnuður að nýta sér gaml-
ar handverksaðferðir og -tækni og
þróa þær á nýjan hátt. Hún hannaði
töskuna til að leggja áherslu á
hversu mikil vinna er á bak við
hvert spor og aðferðina við að or-
kera.
Frábær hönnunarvefsíða
Bergdís selur vörurnar sínar í
gegnum fyrrgreinda hönn-
unarvefsíðu, Etsy.com. Á síðunni er
úrval af vörum sem allar eru hand-
unnar. Síðan var stofnuð í Banda-
ríkjunum fyrir 10 árum en hún
stækkar ört og sækir í auknum
mæli inn á Evrópumarkaði.
Þegar Bergdís var í námi í
Berlín kynntist hún vefsíðunni í
gegnum skrifstofu fyrirtækisins,
sem hefur starfsstöðvar þar. „Það
er mikilvægt að velja hvar hlutirnir
manns eru seldir og hvernig þeir
eru kynntir. Mér finnst síðan mjög
flott en hönnuðir sjá um útlitið á
síðunni.“ Bergdís bendir einnig á að
það sem hafi ráðið úrslitum í að hún
valdi umrædda síðu er að síðan er
með marga virka notendur og tekur
mjög lágt hlutfall af gróða vörunnar
í þóknun; um 5% renna til Etsy en
restina fær hönnuðurinn.
„Þetta væri frábær vettvangur
fyrir íslenska hönnuði en fáir þeirra
nýta sér hann og mættu vera mun
fleiri,“ segir Bergdís.
Spurð út í framtíðaráform seg-
ist Bergdís ætla að halda áfram að
þróa merki sitt, Dís by Bergdís.
Hægt er að gefa Bergdísi og tösk-
unni atkvæði á vefslóðinni:
www.etsydesignawards.com/
de/11/Dis-by-Bergdis
DAGLEGT LÍF 11
MORGUNBLAÐIÐ MIÐVIKUDAGUR 12. ÁGÚST 2015
Audi A3 e-tron
Nýir tímar kalla á nýja tækni.
HEKLA · Laugavegi 170-174 · Reykjavík · sími 590 5000 · www.audi.is
A3 Sportback e-tron, 204 hö, 7,6 sek 0-100 km/klst., frá 5.190.000 kr.
Audi A3 e-tron sameinar helstu kosti raf- og bensínbíla. Raforkan ein og sér
dugar í flestar ferðir innanbæjar, eða allt að 50 kílómetra. Í lengri ferðum gengur
sparneytin bensínvél til liðs við e-tron rafdrifið svo samanlögð akstursdrægni er 940
kílómetrar. Með Audi A3 e-tron eru þér allir vegir færir.
Opnunartónleikar Cycle-listahátíðar
verða kl. 20 á morgun, fimmtudaginn
13. ágúst, á Tónlistarsafni Íslands í
Kópavogi. Á opnunartónleikunum
verður frumflutt splunkunýtt verk
Páls Ragnars Pálssonar, Spiegel-
tunnel, sem er samið fyrir Strengja-
sveitina Skark undir áhrifum Spegla-
ganga Ólafs Elíassonar.
Áhorfendum er boðið upp á ein-
staka upplifun með nýrri nálgun. Tón-
list og skúlptúr endurspeglast hvert í
öðru og ekkert er sem það sýnist,
segir í tilkynningu.
Hin fjölþjóðlega Cycle-listahátíð
stendur yfir dagana 13.-16. ágúst.
Hún rannsakar sniðmengi tónlistar
og myndlistar. Viðburðirnir teygja
anga sína víða um Kópavogsbæ og
verður sannkölluð bæjarstemning.
Miðaverð á hátíðina er á bilinu tvö til
sjö þúsund krónur en passi á hátíðina
kostar níu þúsund krónur.
Cycle tónlistar- og listahátíð
Nýtt verk
frumflutt
Tónar Páll Ragnar samdi tónverk inn-
blásið af verkum Ólafs Elíassonar.