Þjóðmál - 01.03.2011, Qupperneq 18

16 Þjóðmál VOR 2011
atkvæða . Þátttaka í kosningunni var
prýðileg, yfir 60% kosningarbærra manna
mættu á kjörstað, þrátt fyrir vandlegt
áhuga leysi ríkisfjölmiðlanna á kosningunni
og að forystumenn ríkisstjórnarflokkanna
segðu sínu fólki frá því ítrekað að þau
ætluðu ekki að kjósa .
Var þá aftur svo komið að flestir venju­legir menn hefðu litið svo á að nóg
væri beygt og bugtað fyrir Bretum . En, nei,
íslenskir stjórnmálamenn lögðu þegar af
stað í enn eina ferðina til Lundúna til að
leita samninga um að fá að leggja annarra
manna skuldir á landa sína . Sú frammistaða
íslenskra stjórnmálamanna er óskiljanlegt
furðuverk sem vonandi verður skoðað síðar .
Meira að segja sú staðreynd að landsfundur
Sjálf stæðis flokksins greip inn í og kvað upp
úr um það að flokkurinn hafnaði löglaus­
um kröfum Breta og Hollendinga hafði
engin áhrif á forystu þess flokks, sem enn
virtist halda að hún hefði umboð til að
semja um að leggja löglausar kröfur á
Íslendinga . Er þó fullkomlega ljóst, að eftir
sam þykkt landsfundar Sjálfstæðisflokksins
hefur enginn maður getað setið við samn­
ingaborðið með Bretum og Hollend ingum
í nafni Sjálfstæðisflokksins . Ber að skoða hið
furðulega áróðurstal um „fulltrúa stjórnar­
andstöðunnar í samninganefndinni“ í því
ljósi, sem ekki dofnar þegar hugsað er til
þess að hvorki Hreyfingin né Fram sóknar­
flokkurinn hafa stutt löglausar kröfur Breta
og Hollendinga .
Flestir muna hvað gerðist eftir það . Ríkis­
stjórn in fékk nýjan Icesave­samning sam­
þykkt an á Alþingi . Enn skulu Íslendingar
gangast undir löglausar kröfur Breta og
Hollendinga . Nú er beitt þeim rökum að
samið hafi verið um lægri vexti . Jú, víst er
það rétt . En lögleysið fólst ekki í vöxtunum .
Kröfur Breta og Hollendinga eru um
að Íslendingar greiði tugi eða hundruð
milljarða króna, í erlendum gjaldeyri, upp
í skuld sem hefur aldrei hvílt á þeim . Það
er sú krafa sem lögð verður fyrir íslenska
kjósendur hinn 9 . apríl . Það er sú krafa
sem Evrópukórinn á Íslandi reynir nú að fá
landsmenn til að beygja sig undir .
Nú er ekkert til sparað . Efstaleitiskór­inn syngur fullum hálsi . Fréttastofa
Stöðvar 2 og Bylgjunnar hamast með sínum
hætti . Fréttablaðinu stýrir nú fyrir hönd Jóns
Ásgeirs, fyrsti formaður Evrópusamtakanna
á Íslandi, Ólafur Þ . Stephensen, og lætur
bera boðskapinn inn um allar bréfalúgur á
höfuðborgarsvæðinu sex daga vikunnar . –
Er raunar með ólíkindum að menn komist
upp með slíka innrás á heimili fólks dag eftir
dag . Þótt menn setji upp bréfalúgu þá getur
það ekki talist heimild til annarra að hrúga
þar inn óumbeðnum sneplum dag eftir
dag . – Blogglúðrasveit Samfylkingarinnar
þenur lúðrana dag og nótt og „fréttavefir“
sömu ættar taka undir . Félagarnir sem nú
stýra í senn Samtökum atvinnnulífsins
og Alþýðusambandinu, og allir vilja til
Brussel, beita öllu afli . Þetta var allt vitað .
Það leiðinlega er hins vegar að þessum
öflum tókst að toga forystu og meirihluta
þingflokks Sjálfstæðisflokksins með sér í
fenið . Enn hafa engar viðhlítandi skýringar
fengist á framgöngu hinna síðastnefndu, og
munu sumir í þeim hópi víst vita jafnlítið
um þær og aðrir .
Þá virðist íslenska samninganefndin
telja að hlutverki sínu sé ekki lokið og að
eðlilegt framhald af því, að samþykkja allar
grundvallarkröfur Breta og Hollendinga,
sé að fara nú í viðtöl og áróðursfundi til að
reyna að fá almenning til að gera slíkt hið
sama . Þegar þetta er ritað hefur ekki fengist
uppgefið hvort nefndarmennirnir vinna
þetta starf sitt sem sjálfboðaliðar eða hvort
íslenska ríkið greiðir þennan herkostnað .
En hvað sem því líður, þá er ljóst að nú