Þjóðmál - 01.03.2011, Qupperneq 26

24 Þjóðmál VOR 2011
Mikil umræða hefur skapast undan­farn ar vikur eftir að Hæstiréttur Ís­
lands ógilti kosningar til stjórnlagaþings .
Töluvert meira hefur farið fyrir umræðunni
um að niðurstaða Hæstaréttar sé augljóslega
röng á meðan þeir sem telja hana rétta sitja
hjá og fylgjast með . Sá einstaklingur sem
hefur kannski hlotið mestu athyglina vegna
skrifa sinna um ákvörðun Hæstaréttar er
Reynir Axelsson stærðfræðingur, en ýmsir
fjölmiðlamenn hafa gert gagnrýnum skrif­
um hans furðulega hátt undir höfði . Grein
Reynis var birt á vefnum eyjan .is og sat
hann síðan fyrir svörum í Silfri Egils í Ríkis­
sjón varpinu 6 . febrúar sl .
Sjálfur tel ég niðurstöðu Hæstaréttar
rétta og niðurstöðu Reynis þ .a .l . ranga
enda byggist niðurstaða þess síðarnefnda
á útúrdúrum, verulegum misskilningi og
jafnvel vanþekkingu . Þrátt fyrir það hafa
röksemdir Reynis hlotið verulegan hljóm­
grunn meðal áhugamanna um stjórn­
lagaþing og hefur þeim verið haldið hátt á
lofti af sama hópi fólks .
Hæstiréttur gerði í sinni ákvörðun at­
huga semdir við sex framkvæmdaratriði
kosn inganna og leiddu þær sameiginlega
til þeirrar niðurstöðu að kosningarnar voru
ógiltar . Reynir telur hvorki meira né minna
en enga athugasemd Hæstaréttar eiga við
rök að styðjast og reynir hann að færa rök
fyrir því í grein sinni og viðtali . Víkjum að
rök semdum Reynis .
Kjörseðlar voru rekjanlegir
til kjósenda
Reynir fullyrðir að niðurstaða Hæsta­réttar að þessu leyti sé röng og bætir
við að það sé ekki bara hans álit heldur sé
það álit allra fræðimanna sem látið hafa í
ljós skoðun sína á þessu tiltekna álitaefni .
Það er aldeilis .
Fyrir liggur að allir kjörseðlar voru
númeraðir og í hlaupandi röð á kjörstöðum .
Reynir fullyrðir að nánast útilokað hafi
verið að rekja einstök atkvæði til kjósenda,
a .m .k . hafi ekki tekist að sýna fram á að
það hafi verið gert eða líklegt sé að slíkt hafi
gerst . Með þessum röksemdum slær Reynir
athugasemd Hæstaréttar út af borðinu .
Hér held ég að Reynir misskilji algjörlega
tilgang leynilegra kosninga . Það getur engu
máli skipt þótt ólíklegt sé að einhver hafi
lagt á sig þá vinnu að skrá niður í hvaða röð
ein staklingar mættu á kjörstað til að finna
Haukur Örn Birgisson
Þvældust kosningalögin
fyrir kjörstjórn?